Dosar Biboron 18:2 - সান্তালী বাইবেল

² Israel boehako talare sompotti mente onko do cetʼge baṅ tahentakoa. Probhu Isorakʼ gokʼakʼ lekate Isorge onkoren sompotti doe hoyokʼa.

Dosar Biboron 18:2 Referans Kwoze

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

Rak̕joṅ 3:24

Mon monteń mena, “Probhu Isor kangeae ińren sompotti, onate unirege asiń dohoytińa. ”

Jesaea 61:6

Ar ape do Probhu Isorren naekepe ńum ocokʼa; ar hoṛko do aboren Isorren sapʼdapʼkoko metapea. Ape do boṅgan hoṛ jạtrenkoakʼ dhonpe jomtakoa ar onkoakʼ dhon iạtepe sabasikʼa.

Sereńko 119:57

E Probhu Isor, am kangeam ińakʼ dhon do; iń do amakʼ katha leka calakʼ reakʼ iń kiriạkʼ kana.

Sereńko 84:11

Sạrige Probhu kangea siń cando ar ḍhal do; uni do daya ar ṭhonoke emokʼkana. Okoe dhoromteko calakʼ onko do bhage jisin emako uni do bae baṅakoa.

Sereńko 16:5

E Probhu Isor, am kangeam ińakʼ dhon do; ar am kangeam tetaṅedeń kan dakʼ do. Ar amge ińakʼ gulibãṭteakʼ bakhram jogaoetʼtińạ,

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

Numeri 18:7

Menkhan naeke lekate eken am ar amren hoponge pinḍ ar orwal bhitri reakʼ kạmipe kạmi daṛeakʼa. Naekeakʼ hudạ do dan lekateń emape kana. Liwiko chaḍa ar jãhãege ona ńapamokʼ tạmbu reakʼ ṭhạ̃iteye hijukʼ enḍekhan uni doe gocʼ ocokʼa.”

Numeri 18:20

Inạ tayom Probhu Isor do Arone metadea, “Israelkoakʼ disạmre am do okaṭakʼ sompotti hõ bam ạidạrijoṅa ar jumi reakʼ oka hạṭiń hõ bam ńama. Israelko talare iń kangeạń amren hạṭiń do, ar iń kangeạń amren sompotti do.

Dosar Biboron 10:9

Ona iạte Liwiko do akoren Israel boehako talare sompotti reakʼ jãhãn hạṭiń se ạidạri do bako ńamleda; aperen Probhu Isorakʼ katha leka Isorge onkoren sompottiye tahẽkana.

Josuạ 13:14

Mose do Liwi gusṭirenko oka sompottige bae ạidạri ocoatʼkoa, ente Probhu Isorakʼ gokʼakʼ lekage onko do Israelkoren Probhu Isor ńutumte seṅgelre samaṅakʼ jiniskoge onkoakʼ sompotti do hoyokʼa.

Jeheskel 44:28

“ ‘Naekekoakʼ sompotti do eken ińgeń tahena. Ape Israelko do apeakʼ disạmre jãhãn sompottige alope emakoa; onkoren sompotti do ińgeń hoyokʼa.