Dosar Biboron 18:12 - সান্তালী বাইবেল

¹² Onko do Probhu Isor lạgitʼ hirkhạwan hoṛ kanako. Ar nokoakʼ bạṛicʼakʼ iạtege aperen Isor do onko jạtrenko ape samaṅ khone laga ńirkoa.

Dosar Biboron 18:12 Referans Kwoze

Levitikus 18:24

“Nonkanakʼ kạmikate ape modre okoe hõ aloe besapha ocokʼma, ente ape samaṅ khon okoe jạtrenkoń laga ńirko onko hõ apnarte onkageko besapha akana.

Dosar Biboron 9:4

“Aperen Probhu Isor do ape samaṅ khon onkoe laga ńirko tayom aperen okoehõ jemon mone monte aloko menma, ‘iń doń bindusạngete Probhu Isor do noa disạm ạidạri lạgitʼ nonḍeye ạguakadińạ.’ Ona do sạriyakʼ do baṅkana; noko jạtren hoṛkoakʼ dusṭạmi iạtege Probhu Isor do ape samaṅ khone laga ńirko lạgidokʼ kana.

Levitikus 18:27

Laha khon okoe ona disạmreko girobasokʼ kan onko do onkako kạmikante disạmko besapha akada.

Levitikus 18:25

“Nonkate onkoakʼ disạm hõ disạm besapha akantakoa. Onate bedhoromakʼ iạte disạm hõń sạjạyeda ar disạm hõ acʼren hoṛkoe ulạ giḍikako kana.

Dosar Biboron 14:27

Ar okoe Liwiko apeakʼ ato se nagrahareko girobasokʼkan onko do alope hiṛińkoa, ente onko do apnarakʼ mente jãhãnakʼ cetʼge, metakʼme jaega jumi do bạnukʼtakoa.

Jeheskel 31:11

Ona iạte iń do boṅgan hoṛ jạtren disạm cakʼlaoyicʼakʼ tireń soprot akadea; uni do uniyakʼ bạṛicʼtetʼ lekate uni tulucʼe beohara. Uni doń nihạ̃t giḍi akadea.

Dosar Biboron 9:5

Ar bindusạn se dhorom iạte onkoakʼ disạm ạidạri lạgitʼpe calakʼ kana ona do baṅa bickom aperen Probhu Isorge aperen hapṛam Abraham, Isahak ar Jakob ṭhen kiriạkate okaṭakʼe menletʼ ona purạu lạgitʼge uni do noko jạtrenkoakʼ dusṭạmi iạte ape samaṅ khone laga ńirkoa.

Dosar Biboron 22:5

“Jãhãe maejiuge herelakʼ sajte jemon aloe sajokʼma se jãhãe herel hoṛ hõ maejiuakʼ horokʼakʼte aloe sajokʼma. Ente Probhu Isor do onka kạmiyicʼ doe hirkhạwaea.

2 Rapajko 23:24

Ona chaḍa okoe do bhutko tulucʼ ar okoe do bạṛicʼ jiuko tulucʼ helmelko dohoyetʼ tahẽkan Josiạ do onko hõe sạṅgiń giḍikatʼkoa. Uni do gharońjren murtiko, boṅgako, Jihudạ ar Jerusalemre oka bạṛicʼakʼ jiniskoe ńelketʼ onako sanamakʼe sạṅgiń giḍikada. Ar naeke Hilkiạ do Probhu Isorakʼ oṛakʼre ạn-ạri reakʼ oka puthiye ńamletʼ ona reakʼ sanam katha jemon ṭhik lekate manao idikʼ ona lạgitʼ Josiạ do noakoe kạmikeda.