Dosar Biboron 18:11 - সান্তালী বাইবেল

¹¹ okoe do bhutko hoteteye kạmikan, okoe do bạṛicʼ jiu sãoteye peṛakʼ ar okoe do gocʼ hoṛkoe ḍakaoko.

Dosar Biboron 18:11 Referans Kwoze

Levitikus 19:31

“Okoe gocʼ hoṛkoe ḍakaoko uni ṭhen do alope calakʼa, ente uni do apeye bhõnḍpea. Iń kangeạń aperen Probhu Isor do.

Aposkạmi 16:16

Mitʼ din ona koejoṅ jaegatele calakʼkan tahẽkanre mitʼṭen kạ̃ṛmĩ sãotele ńapamena. Uni do mitʼṭen bạṛicʼ jiue ńamakawan tahẽkante darakan dinko reakʼ sanamakʼe lại daṛeakʼkan tahẽkana. Onate acʼren kisạ̃ṛakʼ do ạḍi lab hoyokʼkantae tahẽkana.

Exodus 22:18

“Jãhãe gunidar maejiu do jiwetʼ alope dohokoa.

Levitikus 20:27

“Jãhãe herel hoṛ se maejiu hoṛ bhutko se bạṛicʼ jiuko tulucʼ helmelko dohoy enḍekhan onko doko gocʼ ocokʼa. Onko do dhiriteko tiń gocʼ ocokʼa. Ar akoakʼ gujukʼ lạgitʼ do akogeko dạyikokʼa.”

1 Samuel 28:8

Niạ katha ańjomkate Sạul do eṭakʼ lekan kicricʼe horokʼkeda ar acʼakʼ oprome okoketʼte bar hoṛ soṅgekate ńindạ jokhecʼ uni maejiu ṭhene senena. Ar uni maejiue metadea, “Am do boṅga bintikate gocʼ hoṛren jiu tulucʼ helmel dohoyte okoeyiń ńume uni nonḍem rakapʼ ocoyea.”

Levitikus 19:26

“Mãyãm sudhạ jãhãn jel alope joma. Alope guniya ar alope bhabaoa.

Levitikus 20:6

“Okoe hoṛ ińre pạtiạu doho baṅkate bhutko tulucʼ se bạṛicʼ jiuko tulucʼ jopoṛao menakʼtae nonkan hoṛko ṭhene ạkhrińokʼ enḍekhan uni do mẽtʼ ar mẽtʼteń ńeleya ar uniyakʼ jạtrenko khoniń meṭao giḍikaea.

Jesaea 8:19

Hoṛko do tinre onko ṭhen calakʼko metapea one okoe do gocʼ hoṛko ar bạṛicʼ jiuko sãote helmelko dohoyetʼ arko biṛ biṛetʼkan, unre ape do cetʼ Isor ṭhen calakʼ lek baṅkantapea? Okoe jiwetʼ menakʼko onkoren hoykate cedakʼ gocʼko sãote sopolha lạgitʼ dope calakʼa?