Dosar Biboron 18:10 - সান্তালী বাইবেল

¹⁰ Ape talare nonkan hoṛ aloko tahenma one okoe do acʼren hopon seṅgelre samaṅokʼ reakʼ porobe hoyocoe ar okoe doe gukʼni seye janokʼkan se darakan dinko reakʼe lại, okoe do jạdu biddạkoe udug,

Dosar Biboron 18:10 Referans Kwoze

Levitikus 19:31

“Okoe gocʼ hoṛkoe ḍakaoko uni ṭhen do alope calakʼa, ente uni do apeye bhõnḍpea. Iń kangeạń aperen Probhu Isor do.

Levitikus 19:26

“Mãyãm sudhạ jãhãn jel alope joma. Alope guniya ar alope bhabaoa.

Exodus 22:18

“Jãhãe gunidar maejiu do jiwetʼ alope dohokoa.

Aposkạmi 19:19

Ar okoe do jạduko udukʼ baṛayetʼ tahẽkan onko modren ḍher hoṛge akoakʼ puthiko jarwakate jotoko samaṅre onako jeretʼ giḍikada. Ona puthi reakʼ dam hisạbkate ńelena ona reakʼ dam do mõṛẽ gel hajar Dinar hoykokʼa.

Jesaea 47:13

Am okaṭakʼ solham ńamakatʼ ona do ame laṅga ocoakatʼmea. Amren gukʼniko do samaṅ secʼko hijukʼma; ipilko ńelte okoe do cando candoko nạbiyetʼ onko do amre oka paṛao lạgidokʼkan ona khonko rukhiyạmema.

Dosar Biboron 12:31

Ape do aperen Probhu Isorakʼ dekʼwa sewa do onkoakʼ sewa leka alope onkaea, ente onko do debotakoko sewawakore joto lekanakʼ hirkhạwakʼko kạmikana one okaṭakʼ do Probhu Isore hirkhạwakʼkan. Onko do debotako ńutumte seṅgelre akoren gidrạkoko khadleyetʼkoa.

2 Bõsbudạ 33:6

Ar Bin-Hinom buru lodamre uni do acʼren hoponko seṅgelreye samaṅketʼkoa. Okoe do bạṛicʼakʼ cinhạkote tayom daram reakʼ kathako lại daṛeakʼkan tahẽkan, onko jạdu udukʼko ar gukʼniko ar bhutko hotete ar bạṛicʼ jiuko sãote jopoṛaoko dohoyetʼ tahẽkan onko tulucʼe solhayetʼ tahẽkana. Ar Probhu Isorakʼ mẽtʼre ḍher bạṛicʼakʼ kạmikate uniye bekusi ocoyede tahẽkana.

2 Bõsbudạ 28:3

Uni do Bin Hinomakʼ buru lodamre dhupkoe jeretʼetʼ tahẽkana ar Probhu Isor do Israelko samaṅ khon okoe jạtrenkoe laga ńirletʼko tahẽkan onkoakʼ bạṛicʼakʼ kạmiko lekage uni hõ acʼren hoponko seṅgelreye samaṅletʼkoa.

1 Bõsbudạ 10:13

Probhu Isor cetanre pạtiạr bae tahẽkante Sạul doe gocʼena. Uni do Probhu Isorakʼ katha bae bataoetʼ tahẽkana; ar Probhu Isor ṭhen khon sopolha baṅ hataokate okoe do bạṛicʼ jiuko tulucʼ helmel menakʼtako onkanko hoṛ ṭhen khon sopolhae hataoetʼ tahẽkana. Onate Probhu Isor do uniye gocʼ ocokedea ar raj do Jisạiren hopon Dạud ṭhene jimạkada.

2 Rapajko 21:6

Uni do acʼren hopon seṅgelreye samaṅkedea. Uni do maya-biddạkoe beoharetʼ tahẽkana ar cinhạko ńelte tayom daram reakʼ kathakoe guniyetʼ tahẽkana ar okoe do bhutko ar bạṛicʼ jiuko sãote jopoṛaoko dohoyetʼ tahẽkan onko tulucʼe solhayetʼ tahẽkana. Uni do Probhu Isorakʼ mẽtʼre ḍher bạṛicʼakʼ kạmikate uniye khĩs ocoyede tahẽkana.

2 Rapajko 17:17

Onko do Apnarren gidrạko seṅgelreko khadleyetʼko tahẽkana. Arko janokʼkan tahẽkana ar cinhạko ńelte tayom daram reakʼ katha lại reakʼko hewakʼkan tahẽkana ar Probhu Isorakʼ mẽtʼre oka bạṛicʼakʼ kan ona kạmi lạgitʼko ạkhrińokʼkan tahẽkante Probhu Isorko khĩs ocoyede tahẽkana.

2 Rapajko 16:3

Uni do Israelren rajko lekageye calakʼkan tahẽkana; ar Probhu Isor Israelko samaṅ khon okoe jạtrenkoe laga ńirletʼko onkoakʼ bạṛicʼakʼ kạmiko lekage uni do acʼren hopon seṅgelreye samaṅledea.

1 Samuel 28:9

Unre maejiue menkeda, “Am do khạṭigem baḍaea Sạul do noako reaṅ cetʼe ceka akada mente. Okoe gocʼ hoṛren jiu sãote kathae roṛ se bạṛicʼ jiuko tulucʼ jopoṛaoe dohoy uni do nonkan hoṛko disạm khone laga ńir akatʼkoa. Enḍekhan cedakʼ am do iń lạgitʼ nonkanakʼ jhạli dom oḍaoeda jemon onate ińakʼ gujukʼ hoyokʼtiń?”

1 Samuel 28:7

Unre Sạul do acʼren kạmiyạkoe metatʼkoa, “Nonkan mitʼṭen maejiu sendra ńamepe, okoe do gocʼ hoṛkoren jiu tulucʼ kathae roṛ daṛeakʼ, jemon uni ṭhen senkateń kuli daṛeae cetʼ iń cekaea mente.” Onkoko metadea, “Edonre onkan mitʼṭen maejiu menaea.”

1 Samuel 28:3

Noa laharege Samuel doe gocʼ akan tahẽkana, ar Israelren sanam hoṛ do uni lạgitʼko homor halaṅleda ar uniyakʼ nagraha Ramareko topa akade tahẽkana. Okoe gocʼ hoṛkoren jiu tulucʼ kathako roṛ ar bạṛicʼ jiuko sãote jopoṛaoko dohoy Sạul do nonkan hoṛko disạm khone laga ńirletʼko tahẽkana.

Galathiko lạgitʼ Pạul Apostolakʼ ciṭhi 5:20

boṅga sewa, gukʼni, bene bạiri, kạphạriạu mẽtʼ jolokʼ, raṅgao, torpha turphi,

Jirimiạ 32:35

Onko do Molok debota ńutumte akoren gidrạko samaṅko lạgitʼ Bin-hinom buru nalare Bakʼal debota ńutumte boṭkocʼ thankoko benao akawana. Iń do tishõ ona bạń hukum akawatʼkoa se ińakʼ monre tishõ baṅ hecʼakana, onko do nonkan bạṛicʼakʼ kạmikate Jihudạko kại ocoyea mente.

Aposkạmi 8:9

Ona nagrahare Simon ńutuman mitʼṭen hoṛ do ḍher din khon jạdukoe udukʼ ạguyetʼkan tahẽkana. Onate Samariạren sanam hoṛkoko ṭhak caba akan tahẽkana.

Genesis 44:5

Ona bạṭirege coṅ ińren kisạ̃ṛmae ńũiyetʼ tahẽkan ar ona bạṭitege uni do gonok reakʼe kạmikan tahẽkana. Ape do noa kạmikate ạḍipe bạṛicʼ akada.’ ”

Levitikus 20:6

“Okoe hoṛ ińre pạtiạu doho baṅkate bhutko tulucʼ se bạṛicʼ jiuko tulucʼ jopoṛao menakʼtae nonkan hoṛko ṭhene ạkhrińokʼ enḍekhan uni do mẽtʼ ar mẽtʼteń ńeleya ar uniyakʼ jạtrenko khoniń meṭao giḍikaea.

1 Samuel 15:23

Huhul ar gunidari kạmi do inạ mitʼ lekan kạikangea; bebatao ar boṅga sewa hõ inạ lekan kại kangea. Am do Probhu Isorakʼ hukum bam batao akatʼte uni hõ am do raj lekateye nihạ̃t giḍi akatʼmea.”

1 Samuel 28:8

Niạ katha ańjomkate Sạul do eṭakʼ lekan kicricʼe horokʼkeda ar acʼakʼ oprome okoketʼte bar hoṛ soṅgekate ńindạ jokhecʼ uni maejiu ṭhene senena. Ar uni maejiue metadea, “Am do boṅga bintikate gocʼ hoṛren jiu tulucʼ helmel dohoyte okoeyiń ńume uni nonḍem rakapʼ ocoyea.”

2 Rapajko 23:24

Ona chaḍa okoe do bhutko tulucʼ ar okoe do bạṛicʼ jiuko tulucʼ helmelko dohoyetʼ tahẽkan Josiạ do onko hõe sạṅgiń giḍikatʼkoa. Uni do gharońjren murtiko, boṅgako, Jihudạ ar Jerusalemre oka bạṛicʼakʼ jiniskoe ńelketʼ onako sanamakʼe sạṅgiń giḍikada. Ar naeke Hilkiạ do Probhu Isorakʼ oṛakʼre ạn-ạri reakʼ oka puthiye ńamletʼ ona reakʼ sanam katha jemon ṭhik lekate manao idikʼ ona lạgitʼ Josiạ do noakoe kạmikeda.

Jirimiạ 27:9

Onate aperen nạbiko, gonokko, ar kukmũ guruko, mãyãko, se jạdu udukʼkoakʼ katha do alope ańjomtakoa; onko do apeko metapea, Babel rajren golam do bape hoyokʼa.

Jirimiạ 27:10

Onko do eṛeyakʼko nạbiya, onate ape do apeakʼ disạm khonpe sạṅgiń ocokʼa; iń do apeń laga ńirpea ar ape dope marao utạrokʼa.

Mikạ 5:12

Iń do amakʼ gukʼnikoń nosṭo giḍikakʼa; ar mãyã biddạko beoharetʼ kan hoṛ do amre ar bako tahena.

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Exodus 22:17

Kuṛiren apattetʼ uni hoṛre bae rạjikʼ khan enhõ uni do bapla gonoṅ emokʼ hoyokʼtaea.

2 Rapajko 17:15

Onko do uniyakʼ joto niạm, onkoren hapṛamko lạgitʼ bandhaoakʼ uniyakʼ bondobos ar onko ṭhen uniyakʼ emakʼ sontor katha do bako aṅgocleda. Onko do ạuṛiyakʼren boṅgako sewawatʼkote ako hõko ạuṛiyakʼena. Probhu Isor do Israelko okoeko leka calakʼe baronletʼko onkage onko do beṛhaeten jạtrenko lekako kạmikan tahẽkana.

Jirimiạ 7:31

Onko do akoren hoponko ar hoponerako seṅgelre khadleko lạgitʼ Bin-hinom buru lodam reakʼ Tophet ńutumanakʼ than boṭkocʼko benao akada. Menkhan niạ hukum iń do bạń em akana, ińakʼ monre hõ ona do baṅ rakapʼlena.