Dosar Biboron 18:1 - সান্তালী বাইবেল

¹ “Liwi Naekeko ar Liwi gusṭiren eṭakʼ hoṛko do Israelko leka jãhãn jaega jumi se sompotti do bako ńama. Probhu Isor ńutumte seṅgelre samaṅokʼakʼ lạgitʼ okako jinis ạgukʼ ar Probhu Isor okako jinis emae hoyokʼ onage onko doko joma.

Dosar Biboron 18:1 Referans Kwoze

Dosar Biboron 10:9

Ona iạte Liwiko do akoren Israel boehako talare sompotti reakʼ jãhãn hạṭiń se ạidạri do bako ńamleda; aperen Probhu Isorakʼ katha leka Isorge onkoren sompottiye tahẽkana.

Josuạ 13:14

Mose do Liwi gusṭirenko oka sompottige bae ạidạri ocoatʼkoa, ente Probhu Isorakʼ gokʼakʼ lekage onko do Israelkoren Probhu Isor ńutumte seṅgelre samaṅakʼ jiniskoge onkoakʼ sompotti do hoyokʼa.

Dosar Biboron 12:19

Apeakʼ disạmre tinạkʼ dinpe girobasokʼ unạkʼ din ape do Liwikope ńel todarotkoa.

Numeri 18:20

Inạ tayom Probhu Isor do Arone metadea, “Israelkoakʼ disạmre am do okaṭakʼ sompotti hõ bam ạidạrijoṅa ar jumi reakʼ oka hạṭiń hõ bam ńama. Israelko talare iń kangeạń amren hạṭiń do, ar iń kangeạń amren sompotti do.

Josuạ 13:33

Menkhan uni do Liwi gusṭirenko oka sompotti hõ bae ematʼkoa; onko ṭhen Probhu Isor okae gokʼletʼ ona lekage Israelren Probhu Isorge onkoren sompottiye tahẽkana.

Numeri 26:62

Mitʼ cando se ona khon ḍher umerren Liwi herel hoponkoakʼ lekha do bargel pe hajar tahẽkana. Israelko modre noko do eṭakʼ jãhãn jaega bako ạidạri ocolente ar eṭakʼ Israelko sãote hõ nokoakʼ lekha do baṅ hoylena.

Josuạ 18:7

Tobe Liwiko do ape sãote jãhãn hạṭiń bako ńama, ente Probhu Isorren naeke lekate sekʼwa kạmi kangea onkoakʼ sompotti do. Gad ar Ruben gusṭiren hoṛko ar Manase gusṭiren adha hoṛko do laharege jordan gaḍa purub secʼre akoakʼ sompottiko ńamakada. Probhu Isorren guti Mosege ona do onkoe emakawatʼkoa.”

Jirimiạ 33:18

Iń samaṅre teṅgokate jaoge jeredokʼ samaṅokʼakʼ lạgitʼ, jomakʼ samaṅokʼakʼ lạgitʼ ar janwar samaṅokʼakʼ lạgitʼ Liwi naekeko modre hõ bako khạntikʼa.”

Jeheskel 44:28

“ ‘Naekekoakʼ sompotti do eken ińgeń tahena. Ape Israelko do apeakʼ disạmre jãhãn sompottige alope emakoa; onkoren sompotti do ińgeń hoyokʼa.