Dosar Biboron 17:7 - সান্তালী বাইবেল

⁷ Uni hoṛ goje lạgitʼ do gohakoge pạhilre dhiriteko tiń maṛaṅema, ar ona tayom do eṭakʼ hoṛkoko tińea. Ar nonkate ape tala khon uni bạṛicʼ hoṛpe marao giḍikaea.

Dosar Biboron 17:7 Referans Kwoze

Dosar Biboron 13:9

Uni do gojetege hoyokʼa. Ar uni gocʼ giḍikae reakʼ kạmi do amakʼ titege ehob hoyokʼtama, ar inạ tayom do eṭakʼkoko seledokʼa.

Dosar Biboron 17:12

Jãhãe hoṛ bạḍại salakʼ uni bikʼcạricʼakʼ katha se aperen Probhu Isorren sapʼdapʼicʼ naekeakʼ katha bae ańjom, enḍekhan uni do khạṭige gocʼ giḍikae hoyokʼa. Ar Israelko tala khon nonkan bạṛicʼ hoṛ dope marao utạrkoa.

Dosar Biboron 13:5

Menkhan uni nạbi se uni kukmũ ńeńelicʼ hoṛ dope gocʼ giḍikaea, ente aperen Probhu Isor, okoe do Misor disạm khone oḍok ạguakatʼpe ar golam oṛakʼ khone chaḍao akatʼpe, uni upạrteye uskạu akatʼpea ar aperen Probhu Isor oka horte calakʼ reakʼe hukumakatʼpe ona hor khon ruạṛpe lạgitʼe kurumuṭukana. Onate ape tala khon uni bạṛicʼicʼ dope marao giḍikaea.

Bikʼcạrko 20:13

Gibearen onko bạṛicʼ hoṛ do aleakʼ tire jimạkope jemon onkole gocʼkote Israelko tala khon hirkhạwakʼle ocokʼ giḍikakʼ. Menkhan Benjaminrenko do akoren Israel boehakoakʼ katha bako luturada.

Dosar Biboron 24:7

“Ar jãhãe hoṛ jãhãe Israel boeha kombṛo idikate guti menteye hataoe seye ạkhrińe, enḍekhan uni kombṛo hoṛ do gujukʼ hoyokʼtaea. Ape tala khon onkan bạṛicʼ hoṛ dope marao utạrkoa.

Dosar Biboron 19:19

enḍekhan acʼren boeha cetanre oka cekawaeye menletʼ onage uni cetanre hõ hoyocoe hoyokʼa. Ar ape tala khon nonkanko hoṛ dope marao utạrkoa.

Johan 8:7

Ado kulitegeko tahẽyen khan uni do sojheyenteye metatʼkoa, “Apeko modre okoe bae kại akatʼ unige pạhilre dhiriteye tiń maṛaṅema.”

Levitikus 24:14

“Sarapicʼ uni hoṛ do ḍera bahrete idiyepe. Ar okoe ona sarap emokʼko ańjomakade onko joto hoṛ do uniyakʼ bohokʼ cetanre tiko dohoytakoma, ar ona tayom Israelko do dhirite uniko tiń gojema.

Dosar Biboron 22:21

tobe kuṛi do acʼ apattetʼakʼ oṛakʼ reakʼ duạr ṭhen idiye hoyokʼa. Ar onḍe herel hoṛko do dhirite uniko tiń gojea. Kuṛi do apattetʼakʼ oṛakʼre tahen jokhecʼe laṭghaṭletʼ iạte Israelko talare mitʼṭecʼ hirkhạwakʼe kạmiakada. Ar ape tala khon nonkan bạṛicʼan hoṛ dope marao utạrkoa.

Dosar Biboron 13:6

“Dhạrti reakʼ mitʼ simạna khon eṭakʼ simạna hạbicʼ ape beṛhaeten sor ar sạṅgińren okoe do debotako sewawako kan, ar okoe do amren hapṛamkoren bin baḍayicʼ uni debota secʼ amren boeha se amren hopon ar hoponerako se amren bạhu se amren gate am ńamkate bạṛicʼ horte calakʼ lạgitʼe metam, ‘dela, debotako laṅ sewawakoa,’

Dosar Biboron 13:10

Misor disạm reakʼ golam oṛakʼ khon okoeye oḍok ạguakatʼme amren Probhu Isor secʼ khon ruạṛmeye kurumuṭuyetʼ khan uni do dhiritem tiń gojea.

Dosar Biboron 21:21

Unre ona ṭhạ̃iren sanam herel hoṛ do dhirite uniko tiń gojea. Ar nonkate ape tala khon uni bạṛicʼ hoṛ doe caba utạrokʼa. Ar Israelko do noa katha ańjomkate botor caṛhaoakoa.

Dosar Biboron 22:22

“Jãhãe hoṛ jãhãe eṭakʼ hoṛren bạhu sãoteye giticʼmidokʼkane ńel len khan tobe uni herel ar maejiu bana hoṛge gocʼ giḍikin hoyokʼa. Israelko tala khon nonkan bạṛicʼ hoṛ dope marao utạrkoa.

Dosar Biboron 22:24

enḍekhan unkin banarge onḍenakʼ phaṭok duạr ṭhen idikate dhirite tiń gocʼkin hoyokʼa. Kuṛi do noa iạtege goje hoyokʼa uni do ato se nagrahare tahẽkate hõ goṛo ńam lạgitʼ bae kikiạuleda, ar herel do eṭakʼ hoṛren bạhui nosṭokede iạte. Ape talare nonkan bạricʼ hoṛ dope marao utạrkoa.