Dosar Biboron 17:2 - সান্তালী বাইবেল

² “Aperen Probhu Isore emape lạgidokʼkan ato se nagrahare hoedaṛeakʼa, ape modren jãhãe herel hoṛ se maejiu Probhu Isorakʼ emakʼ bondobos rạputʼkate uniyakʼ nońjorre oka bạṛicʼakʼkan onageye onkae.

Dosar Biboron 17:2 Referans Kwoze

Hosea 8:1

“Am do siṅgạ oroṅme. Probhu Isorren hoṛko upạrte bạiri do pajhaṛ cẽṛẽ lekae hijukʼkana, ente hoṛko do iń emakʼ bondobos reakʼko bebatao akada ar ińakʼ ạn-ạri upạrteko hul akada.

Bikʼcạrko 2:20

Ona iạte Probhu Isor do Israelko cetanre edreteye menkeda, “Nokoren hapṛamko okaṭakʼ iń bondobosatʼko tahẽkan ona do noko bako manao akada ar ińakʼ katha hõ bako ańjom akada.

Hosea 6:7

Adam leka ińiń bandhao akatʼ bondobos do bape manaoleda; ape do ińrepe bepạtiạrena.

2 Rapajko 18:12

Noako do hoylena, ente onkoren Probhu Isorakʼ katha onko do bako manaoleda, bickom uniyakʼ bondobos, metakʼme Probhu Isorren guti Moseyakʼ sanam hukumko bako bataoleda. Onko do onako hukum reakʼ katha lutur hõ bako luturada ar manao hõ bako manaoleda.

Josuạ 7:15

Ar okaṭakʼ do ḍahao marao sarapakʼ tabe reakʼkan ona okoe hoṛ ṭhen ńamokʼ uni hoṛ ar uniyakʼ sanamakʼ do seṅgelre atar giḍikakʼ hoyokʼa. Uni do Probhu Isorakʼ bondobose bemanot akada ar nonkan mitʼṭecʼe kạmi akada one okaṭakʼ do Israelko lạgitʼ mitʼṭecʼ lajao paṛaoakʼkan.”

Josuạ 7:11

Israelko doko kại akada; iń okaṭakʼ bondobos manao lạgitʼ iń metatʼko tahẽkan ona do bako pańja akada. Ar okako jinis do sarapakʼ tabe reakʼ kan ona reakʼ thoṛako hatao akada; arko kombṛo akada, eṛe kathako roṛakada ar akoakʼ jinisko sãote onako dohoakada.

Dosar Biboron 17:5

enḍekhan okoe herel hoṛ se maejiu nonkae kạmiakatʼ uni do ato se nagraha reakʼ bahre phaṭok duạr ṭhen idikate dhiritepe tiń gojea.

Jeheskel 16:38

Okoe maejiuko laṭghaṭetʼkan ar okoe mãyãmko joroyetʼkan onko okaṭakʼ sạjạiko ńam am hõ ona sạjạigeń emama. Ińakʼ edre ar mon reakʼ jaljalao iạte am do gujukʼ sạjạiyiń emama.

Jirimiạ 31:32

Onkoren hapṛamko Misor disạm khon ti sapʼkateń oḍok ạguko jokhecʼ onko lạgitʼ oka bondobos iń doholetʼ noa nãwã bondobos do ona leka do baṅ hoyokʼa. Iń do unkinren jãwãe lekań tahẽkanre hõ enhõ unkin do ińakʼ bondobos kin rạputʼ akada.

Dosar Biboron 31:20

Onkoren hapṛamko ṭhen gokʼakʼ ona toa ar dumur rasa ạtukʼkan disạmte tinreń idikoa ar tinre lacʼ bikʼko joma arko tirpitokʼa unre onko do eṭakʼ debota secʼko ạcurokʼte, onkoko ḍobokʼakoa ar ińko nihạ̃tińa ar ińakʼ bondobosko rạpuda.

Dosar Biboron 29:25

“Ar ona reakʼ roṛ ruạṛ do hoyokʼa, ‘ente noa jạtrenko do akoren hapṛamkoren Probhu Isorakʼ bondobosko bạgi giḍiakada, one oka do Misor disom khon oḍok ạguko tayom onko lạgitʼe bandhaoletʼ.

Dosar Biboron 29:18

Teheń ape talare nonkan herel hoṛ se maejiu se jãhãe gusṭirenko aloko tahenma okoe do aperen Probhu Isor bạgikate onko boṅgako sewawako lạgitʼe lilkạrokʼkan. Ar jãhãe nonkanicʼ menae khan uni do ape talare mitʼṭecʼ rehetʼ leka kanae okoe do sesre bis ar nagdanae upcạu ocoy.

Dosar Biboron 4:23

Aperen Isor ape lạgitʼ okae bondobos akatʼ, ona reakʼ sontorokʼpe, ona do alope hiṛińa. Ar aperen Probhu Isore mana akatʼ jãhãn muṭhạnko alope benaojoṅa,

Levitikus 26:25

Ińakʼ bondobospe rạputʼ akatʼte ape cetanre lạṛhạikoń ạguiya. Unre bạiriko ńelte nagrahatepe bolokʼre iń do mahamạriń kola, ar onate bạirikoakʼ tirepe paṛaokʼa.

Levitikus 26:15

ar ińakʼ niạmko bape hetawakʼ ar ińakʼ ạn-ạrikope nindạu ar ińakʼ hukumko bape senakʼte ińakʼ bondobospe rạpud,

Ibriko 10:28

Jãhãe Moseyakʼ ạn-ạri bae aṅgoc khan uni do jãhãn daya baṅkate bar se pe hoṛakʼ goha iạteye gocʼ ocokʼa.

Exodus 22:20

“Probhu Isor chaḍa jãhãege jãhãe debota ṭhen jãhãnakʼe samaṅ enḍekhan uni hõ goje hoyokʼa.

2 Rapajko 21:3

Uniren apat Hiskiạ do okako than boṭkocʼkoe marao giḍiletʼ onako uni do arhõe jut arokeda. Israelren Ahab raj cetʼ lekae cekaletʼ onkage uni hõ Bakʼal debota ńutumte pinḍko ar mitʼṭecʼ Asera khunṭiye benaokeda. Uni do sermaren sanam ipilkoe sewawako kan tahẽkana.

Jobakʼ 31:28

enḍekhan noako hõ ińakʼ sạjại ńam reakʼ kại kana, ente onate sermaren Isor bạń aṅgoc edekana.

Jirimiạ 34:18

Jihudạ ar Jerusalemren mukhiyạko, rajkạmiyạko, naekeko ar disạmren sanam hoṛko do kuṭrạ akade mĩhũ talate taṛam paromkate ińakʼ niạm pańjae lạgitʼko gokʼleda, menkhan onko do ińakʼ niạmko rạputʼ akada ar ona gokʼakʼ do bako purạuleda.

Exodus 22:19

“Jãhãn janwar sãote jãhãegeye laṭghaṭ enḍekhan uni do gojete hõ goje hoyokʼa.

Bikʼcạrko 6:31

Menkhan Joas do acʼ birudre teṅgo akan hoṛkoe metatʼkoa, “Ape do cetʼ Bakʼal debota ńutumtepe lạṛhạiya? Apege cetʼ unipe dogea? Jãhãege uni ńutumteye lạṛhại unige gapa ạuri setagokʼreye gocʼ ocokʼa. Bakʼal do sạrigeye jãhãn debota kan khan uni do apnargeye lạṛhạima, ente uniyakʼ pinḍge rạputʼ giḍi ocoakana.”