Unre Jehoyada do rajren hopone oḍok ạgukedete uniyakʼ bohokʼre mukuṭe horokʼadea ar uniyakʼ tire bondobos reakʼ puthiko caladea. Onko do raj menteko ojokʼ bahalkedea ar disạm hoṛko do ti thayoate ar ãṭ aṛaṅte hohoateko menkeda, “Moharaj do jiwetʼ baṛeye tahenma.”
Hilkiạ do unre rajren olokʼicʼ Saphane lạiyadea, “Iń do Probhu Isorakʼ oṛakʼre ạn-ạri reakʼ puthiń ńam akada.” Ar niạ menkate ona puthi do Saphane emadea.
Unre maraṅ naeke Hilkiạ do rajren olokʼicʼ Saphane metadea, “Probhu Isorakʼ oṛakʼre ạn-ạri reakʼ puthiń ńam akada.” Ar Hilkiạ do ona puthi Saphone emade khan uni do onae paṛhaokeda.
Amren Probhu Isorakʼ sanaleka uniyakʼ horte calakʼme ar Moseyakʼ ạn-ạrire ol akan Probhu Isorakʼ joto niạmko, hukumko, sopolhako ar gohawakʼkom dohoya. Nonkate jãhãnakʼgem kạmi ar jãhãtegem calakʼ onḍegem jo bahakʼa.
Ạn-ạri reakʼ niạ puthire okako ol menakʼ ona do jao okte amakʼ mocare tahenma. Ar ona jemonem pańja daṛeakʼ onate siń-ńindạm khondrondjoṅa. Onate jotowakʼrege sarhekʼtama ar bhạlại hoyokʼtama.