Dosar Biboron 17:17 - সান্তালী বাইবেল

¹⁷ Uni do aema aloe bạhu joṅma; onate uni do eṭakʼ secʼe ghańjeṛokʼa. Uni do apnar lạgitʼ sona rupạ aema aloe jarwajoṅma.

Dosar Biboron 17:17 Referans Kwoze

Nehemiạ 13:26

Ona tayom iń do onkoń metatʼkoa, “Israelren raj Solomon do nonkan bapla iạtegeye kạileda. Eṭakʼ jãhãn jạtrenko modre uni lekan raj do ar celege bako tahẽkana ar Isor do uniye dulạṛede tahẽkana ar uni do sanam Israelko cetanreye rajledea, menkhan enhõ uni do porjạtren maejiuko hotete ạḍiye kạileda.

Mathae 19:5

‘ona iạte herel do eṅgat-apat bạgikate acʼren bạhu tulucʼ mitʼ akane tahena ar unkin do mitʼ hoṛmokin hoyokʼa?’

Sereńko 62:10

Ape do jor julumre alope bhorsakʼa; ar ona luṭakʼre as alope dohojoṅa; ar baḍhaokʼkan dhonre mon hõ alope gaḍaotapea.

Genesis 2:24

Ona iạte manwa do eṅgat-apat bạgikate acʼren bạhu tulucʼ mitʼ akane tahena ar unkin do mitʼ hoṛmokin hoyokʼa.

Malaki 2:15

Probhu Isor do jãwãe ar maejiu cetʼ bae mitʼ akatʼkinạ? Hoṛmo ar jiu do uniren kangea kin. Unkin do cekate kin mitʼgea? Ente uni do unkin hotete Isore botorae kan mitʼ bõsrenko rukhiyạkoe menleda. Ar onate ape do apeakʼ ontor babotre sontor akae tahenpe; jemon juạn okteren bạhuko sãote phạsiạrako alope hoyokʼ.

1Timothi 6:17

Noa puriren kisạ̃ṛko hukumakome jemon onko do aloko usul monokʼ ar nasaokʼ dhonre aloko bhorsakʼ, menkhan Isorrege bhorsa akaeko tahenma. Unige mạṅgnite jotowakʼe kulạu anṭao abon kana rạskạte beoharjoṅ lạgitʼ.

1Timothi 6:9

Menkhan okoe kisạ̃ṛokʼ hoyokʼ sanayetʼko onko do aema lekan biḍạu ar jhạlikoreko paṛaokʼa, ar nonkan bebuj ar laloc mon janamakoa, one onate maraokʼ ar nosṭokʼre hoṛkoe unumetʼko.

Luk 12:15

Ona tayom Jisu do gadel hoṛkoe metatʼkoa, “Men cehaokʼpe! Ar sanam lekan lob-laloc khon sontor akae tahenpe, ente manwakoakʼ jionre ḍher sompotti tahen do sanam khon jạruṛteakʼ do baṅkana.”

Mathae 13:22

Jạnum jhạuạre eren itạ reakʼte do nonkanko lạgitʼge roṛ akana okoe do ona kathako ańjomketʼ, menkhan gharońj reakʼ dạndi ar dhon reakʼ mãyãte ona katha doko ten dohokakʼ kana. Onate onkore jãhãn jo do baṅ hoyokʼ kana.

1 Rapajko 10:21

Solomonakʼ ńuńuwakʼ sanam bhajanko hõ sona reakʼ ar Lebanon bir oṛakʼ reakʼ sanam bhajanko hõ khạṭi sonate benao tahẽkana. Rupạ reakʼ benaoakʼ do cetʼge baṅ tahẽkana, ente Solomonakʼ oktere rupạ reakʼ dam ḍher do baṅ tahẽkana.

2 Samuel 5:13

Dạud do Hebron bạgikate Jerusalemte senkate arhõ chuṭki erakoe dohoana ar aema gidrạko janamena.

2 Samuel 12:11

“Probhu Isor do arhõe meneda, ‘iń do amakʼ gharońj khonge am do muhinreń paṛao ocomea. Amakʼ mẽtʼãhã samaṅrege amren erako do amren hoṛiń emaea. Uni do sanamko samaṅre amren erako tulucʼe giticʼ midokʼa.

1 Rapajko 10:27

Jerusalemre rupạ do dhiri leka, ar debdạru kaṭko do latar buru ṭoṭha reakʼ loa dareko lekae hoyocokeda.

2 Bõsbudạ 1:15

Jerusalemre sona ar rupạ do dhiri lekae hoyocokeda ar debdạru kaṭko do latar buru ṭoṭha reakʼ loa dareko lekae hoyocokeda.

2 Bõsbudạ 11:21

Rehobiam do acʼren eṭakʼ bạhuko ar chuṭi erako khon Absalomren hoponera Maka do ạḍi bạ̃ṛtiye dulạṛede kan tahẽkana. Uniren do jotote gel irạl bạhuko ar turui gel chuṭki erako, bargel irạl hoponko ar turui gel hoponerako tahẽkantaea.

Kạhtukko 31:3

Ạimạikore amakʼ daṛe do alom cabaetama; amakʼ dhon hõ alo onko do rapajkoko maraokoa.

1 Bõsbudạ 14:3

Dạud do Jerusalemre arhõe baplayena ar uniren do arhõ aema gidrạko hoyentaea.