Dosar Biboron 17:16 - সান্তালী বাইবেল

¹⁶ Uni raj do acʼ lạgitʼ ḍher sadomko aloe dohojoṅma ar inạ tayom arhõ aema sadomko ńamjoṅ lạgitʼ Misor disạmte Israelko aloe kolkoma, ente Probhu Isore menakada, ‘ona disạmte do ar tishõ alope ruạṛ calakʼa.’

Dosar Biboron 17:16 Referans Kwoze

Jeheskel 17:15

Menkhan uni disạm cakʼlaoyicʼ do sadom ar mitʼṭen maraṅ lạṛhại phạdko ńamko lạgitʼ Misorte goḍete kolkedete Babelren raj upạrteye hulkeda. Uni do cetʼe jitạukʼgea? Okoe nonkanakʼe kạmi uni do cetʼ rehaeye ńamgea? Kiriạ teakʼe rạputʼ lekhan uni do cetʼ rukhiyại ńamgea?

Dosar Biboron 28:68

Misorte calakʼ reaṅ iń metatʼpe tahẽkana, tishõ ona horte do taṛam baṅ lagao apea; menkhan Probhu Isor do unre jahajte Misor disạmteye kol ruạṛpea. Onḍe do guti ar kạ̃ṛmĩ lekate bạiriko ṭhen kiriń ocokʼpe khoja menkhan celege bako kirińpea.

Hosea 11:5

Israelko mon ạcur bako rebenlente Misorte do bako ruạṛ calakʼa, bickom Ạsurrenko do onko cetanreko rajokʼa.

Sereńko 20:7

Ḍher hoṛge akoakʼ rãt gạḍi iạteko bạḍạiyokʼa ar adomko do akoren sadomko iạte, menkhan abo do aboren Probhu Isor iạtege.

1 Rapajko 4:26

Solomonakʼ rãt gạḍi lạgitʼ do pongel hajar oṛakʼ ar gelbar hajar aswariko tahẽkana.

Exodus 13:17

Pharao do tinre Israelkoe bidạkatʼkoa unre Isor do Philisṭikoakʼ disạm talate sojhe hor tahẽkanre hõ ona horte do bae ạyurletʼkoa. Ente Isore menkeda ona disạm talate calakʼ jokhecʼ lạṛhại emanreko paṛaolen khan hoedaṛeakʼa onko do mon ạcurkate arhõ Misorteko ruạṛ botejokʼa.

1 Rapajko 1:5

Hagit hopon Adoniạ do acʼte usulokʼte roṛ baṛaeye ehopʼena, “Ińge rajiń hoyokʼa.” Ar noa menkate uni do rãt gạḍiko ar aswarikoe jogaṛketʼkoa ar acʼ laha lahate calakʼ lạgitʼ mõṛẽgel hoṛe bachaoana.

Exodus 14:13

Mose do onkoe metatʼkoa, “Alope botorokʼa. Okare menakʼpe onḍege tahenpe ar Probhuakʼ bańcao reakʼ kạmi ńelpe. Uni do teheńge ape lạgitʼe onkaea. Okoe misrikope ńeletʼko onko do ar tisge bape ńelkoa.

Hosea 14:3

Ạsur do bae bańcao daṛealea; ale do lạṛhại sadom cetanre bale bhorsakʼkana. Aleakʼ titele benao akatʼko boṅga murhutʼko do ar tishõ bale metakoa, ‘aleren debota kanape,’ ente ṭũạr amarko do am ṭhenge dayako ńama.”

2 Samuel 8:4

Dạud do acʼren mitʼ hajar eae sae aswariko ar bargel hajar otten lạṛhại phạdkoe hatketʼkoa. Onkoren mitʼsae rãt gạḍiren sadomko dohokate sarecʼ sanam sadomkoakʼ do jaṅga sire samakʼketʼtakoa.

1 Samuel 8:11

Uniye menkeda, “Okoe do raj lekate ape cetanreye rajokʼ uniyakʼ beohar do nonka hoyokʼtaea; uni do aperen hoponko lạṛhại phạdko lekate kạmireye lagaokoa; onko modren adomko do rãt gạḍi cakʼlaokoko hoyokʼa, ar adomko do aswariko hoyokʼa ar adomko do rãt gạḍi laha lahateko dạṛ idiya.

2 Bõsbudạ 9:25

Sadom ar rãt gạḍiko lạgitʼ Solomonakʼ do pon hajar oṛakʼ tahẽkana. Uniren do gelbar hajar aswariko tahẽkana; onko do rãt gạḍi dohoy reakʼ nagrahakore ar Jerusalemre apnar ṭhene dohoyetʼko tahẽkana.

Exodus 13:18

Onate Isor do hahaṅkar talate arakʼ jalapuri secʼe ạyur idiketʼkoa. Ar Israelko do lạṛhại phạd leka Misor disạm khonko oḍok hecʼena.

2 Bõsbudạ 1:16

Solomonren sadomko do Misor ar Kilikiạ khonko ạguyetʼko tahẽkana. Rajren bạnij bepariko do Kilikiạ khonko kiriń ạguyetʼko tahẽkana.

Jesaea 2:7

Disạm do sona ar rupạte perecʼgea, onkoakʼ dhon durib do asambheṛgea. Onkoakʼ disạm do sadomkote perecʼgea ar rãt gạḍi hõ alekha menakʼtakoa.

Jirimiạ 42:19

“E Jihudạren sarecʼ hoṛko Probhu Isor do apeye metapekana, ‘Misorte do alope calakʼa.’ Baḍae dohokakʼpe teheń do apeń sontorkape kana,

Mikạ 5:10

Probhu Isore meneda, “E Israel uren iń do am tala khon amren sadomkoń caba utạrkoa ar amakʼ rãt gạḍikoń marao giḍikakʼa.

1 Rapajko 5:6

“Onate hukum emokʼme iń lạgitʼ Lebanon disạm khon debdạru dareko jemon makʼ ạgukʼ. Ińren hoṛ hõ amren hoṛko sãoteko tahena ar am cetʼleka mujurim ṭhik dohoako onkage iń do amren hoṛkoń emakoa. Entem baḍaegea Sidonrenko do dare makʼ ar gegetʼreko gạkhuṛgea.”