Dosar Biboron 17:11 - সান্তালী বাইবেল

¹¹ Onko do ạn-ạri reaṅ okako cetʼape ar okaṭakʼ rayko emokʼ ona lekagepe kạmiya. Ar okaṭakʼko metape ṭhik ona lekagepe onkaea, oka secʼge alope ghańjeṛa.

Dosar Biboron 17:11 Referans Kwoze

Josuạ 1:7

Daṛean hoyokʼme ar dil dohoyme. Ińren guti Mose okako ạn-ạrikoe em oṭoakatʼ onako moneyakʼme ar dohoyme ona khon thoṛa hõ alom hante natekʼa. Ar onate jãhãregem calakʼ onḍege sarhekʼtama.

Jihudạwakʼ ciṭhi 1:8

Enrehõ noko eṛe cecetʼko do onkage bạṛicʼ kukmukote apnarakʼ hoṛmoko bhonḍetʼtakoa, serma goḍetkoakʼ ḍanṭaoko bebataoeda ar onko sarhaokʼkanko upạrte bemanot kathako roṛeda.

2 Patras 2:10

Ona chaḍa okoe Isor botoraekoko baṅkan, asokaete okoe do akoakʼ kusi sana lekako calakʼkan ar ḍanṭao bako moneyakʼkan, onko sạjạiko lạgitʼ uni do bicạr din hạbicʼ dohoko hõe baḍaegea. Noko eṛe cecetʼko do ạḍi dilanko kanako. Onko do akoakʼ kusi sana lekako calakʼa ar ṭhonokanko upạrte henosta kathako roroṛ hõ bako botorokʼa.

Titus lạgitʼ Pạul Apostolakʼ ciṭhi 3:1

Isorren hoṛko disạ ocokom jemon onko do mạliki ar ektiạri menakʼtako hoṛ gobolreko tahente, onkoakʼ hukumko batao ar hoṛkoakʼ sanam lekan bhage kạmi lạgitʼ sapṛao akanko tahen.

Kạhtukko 4:27

Jojom ti secʼ se leṅga ti secʼ alom ghańjeṛokʼa; ar bạṛicʼ khon amakʼ jaṅga sahaṛ akae dohoytam.

2 Samuel 14:19

Raje kuliyana, “Niạ babotre am tulucʼ cetʼ Joabakʼ ti menakʼa?” Maejiue roṛ ruạṛkeda, “E ińren kisạ̃ṛ maharaj, amre kiriạkateń meneda, am okam roṛakatʼ ona khon etom se końe secʼ do celege ohoko ghańjeṛlena. Hẽ amren guti Joabge niạ kạmi lạgitʼe men akawạdińa ar unige noako kathae lại cetʼ akawạdińa.

Josuạ 23:6

“Onate ape do apeakʼ sanam daṛete Moseyakʼ ạn-ạriko reakʼ puthire oka ol menakʼ ona jotowakʼpe manaoa; ar ona khon oka secʼge alope ghańjeṛokʼa.

Dosar Biboron 28:14

Teheń okako hukumiń emapekan, onako modre jãhãṭakʼ khon etom se końe secʼ senkate eṭakʼ Isorko secʼ alope ghańjeṛokʼa ar alope sewawakoa.

Dosar Biboron 25:1

“Hoṛko talare jhogṛa jhạṭi hoylenre ar adalot hạbicʼ senlen khan bikʼcạrko do bin dusiyicʼ do bin dusi ar dusiyicʼ do dusi menkateko bicạr chinḍạukatakoma.

Dosar Biboron 17:20

Onate eṭakʼ Israel boehako khon bae usulokʼa ar ạn-ạri khon bae ghańjeṛokʼa. Onate uni ar uni bõsrenko Israelko cetanre ḍher dinko raj daṛeakʼa.

Dosar Biboron 5:32

“Onate aboren Probhu Isor do ape okaṭakʼ cekae lạgitʼe hukum apekan ona do joton salakʼ manao hoyokʼtapea; ar ona khon do bape ghańjeṛ daṛeakʼa.

Levitikus 10:11

Ona chaḍa Probhu Isor do Mose hotete Israelko okako niạme emakatʼko ona hõ onkope cetʼakoa.”

Dosar Biboron 17:10

Probhu Isor bachao akawan thạ̃ire onko okaṭakʼ rayko baḍae ocope ona lekage ape dope kạmiya. Tobe sontor akae tahenpe, onko okaṭakʼko metape ona reakʼ cetʼge alope bad oṭokakʼa.