Dosar Biboron 17:1 - সান্তালী বাইবেল

¹ “Aperen Probhu Isor ńutumte nonkan ḍaṅgra se merom boda se bheḍa hõ alope samaṅkoa okoe do niphuṭ utạrko baṅkan, ente uni do onakoe hirkhạwakʼa.

Dosar Biboron 17:1 Referans Kwoze

Dosar Biboron 15:21

Menkhan onko janwarko modren jãhãeṭakʼge niphuṭ utạricʼ bae tahen, metakʼme leḍha se kãṛã se uniyakʼ hoṛmore jãhãn dos tahen, enḍekhan uni do aperen Probhu Isor ńutumte alope samaṅea.

Malaki 1:8

Janwar samaṅokʼakʼ porob lạgitʼ ape do kãṛã janwarante tinrepe hijukʼkana unre ona do cetʼ apeakʼ behokakʼ do baṅkana? Ape do tinre leḍha ar ruạkʼkan janwarkote samaṅokʼakʼ porobpe porobokʼ kana, unre cetʼ ona do behokakʼ do baṅkana? Aperen disạm cakʼlaoko ṭhen onakope samaṅle khan uni do cetʼ apereye kusikokʼgea? Uni do cetʼ bae nihạ̃t giḍikepea? Iń phạdkoren Probhu Isorge apeń kuliyetʼpea.”

Dosar Biboron 23:18

Herelge cetʼ ar maejiu kusmbige cetʼ uniyakʼ rojgarakʼ ṭaka do mundilte manot purạu lạgitʼ aperen Probhu Isorakʼ oṛakʼte alope ạguiya, ente Probhu Isor do nonkan herel ar maejiue hirkhạwako kana.

Dosar Biboron 24:4

enḍekhan uniren pạhilicʼ jãwãe, one okoeye bạgilede uni do ar bae bapla daṛeaea, ente uni doe besaphagea. Ar nonkanakʼ bapla Probhu Isor doe hirkhạwakʼa. Sompotti lekate okaṭakʼ disạm aperen Probhu Isore emape lạgidokʼkan ona disạm cetanre kại alope paṛao ocoya.

1 Patras 1:19

ape dope kiriń chaḍao akana niphuṭ ar bedagan Bheḍa Hopon Jisu Mạsiyakʼ mãyãmte.

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Kạhtukko 11:1

Eṛe tulạ do Probhu Isore kurudakʼa, menkhan hok reakʼ baṭkhara doe kusiyakʼ kana.

Kạhtukko 6:16

Probhu Isor do eae goṭecʼ jiniskoe kurudakʼkana onako do uni ṭhen hirkhạwakʼ kana;

Dosar Biboron 25:16

Okoeye nonkae, metakʼme, ṭhokʼkayicʼ hoṛ do aperen Probhu Isore hirkhạwaea.

Exodus 12:5

Uni hopon do merom boda se bhiḍi pal khon bachao akade mitʼ bochorren mitʼṭen bheḍa hoponge. Uniyakʼ hoṛmore jãhãn khũt alo baṛe tahentae ma.

Genesis 41:19

Ona tayom arhõ eae goṭen gạiko rakapʼ hecʼena. Onko do ńelokʼte roga ar hirkhạgeko tahẽkana. Goṭa Misor disạmre ńelokʼte nonka hirkhạ gại do ar okare hõ bako ńelakana.

Kạhtukko 20:10

Baṅ ṭhikakʼ baṭkhara ar sosoṅakʼ noa banarge Probhu Isor doe hirkhạwakʼkana.

Levitikus 1:3

“Uni do ona jeredokʼ samaṅokʼakʼ ḍaṅgrateye menetʼ khan enḍekhan uni do niphuṭ ạnḍiạ ḍaṅgrage ạguiye hoyokʼtaea. Probhu Isor jemon uni cetanreye kusikʼ onate uni do ńapamokʼ tạmbu reakʼ duạr ṭhen ḍaṅgrae ạguiyea.

Numeri 29:8

Ar Probhu Isor kusi ocoye reakʼ jut so lekate aperen mitʼṭen ḍaṅgra, mitʼṭen bheḍa ar eae goṭen mitʼ bochorren bheḍa hoponkote jeredokʼ samaṅokʼakʼ pe samaṅa. Menkhan onko mimitʼko do niphuṭ utạrko jemonko hoyokʼ.

Dosar Biboron 7:25

Onkoren boṅga muṭhạnko do seṅgelrepe khadle giḍikakʼa. Ar onkoakʼ hoṛmo reakʼ sona, rupạ do alope lalocakʼa. Ar ape lạgitʼ hõ alope hataoa, ente onape onkae khan onakoge apeakʼ jhampa leka hoyokʼa. Ar aperen Isor ṭhen hõ ona do hirkhạwanakʼ jinis kana.