Dosar Biboron 16:7 - সান্তালী বাইবেল

⁷ Aperen Probhu Isor okaṭakʼ ṭhạ̃iye bachao joṅ onḍege ona reakʼ jelpe isina arpe joma. Ar dosar hilokʼ do apeakʼ oṛakʼtepe ruạṛ calakʼa.

Dosar Biboron 16:7 Referans Kwoze

2 Bõsbudạ 35:13

Niạm lekate onko do bańcaokʼ porobren bheḍa do seṅgelreko rapakʼ isinkedea ar samaṅokʼakʼ jel do ṭukucʼre, celaṅre, luihạre isinkate usạrate idikate hoṛkoko jom ocoketʼkoa.

Johan 11:55

Unre Jihudikoakʼ bańcaokʼ porob do sor akan tahẽkana. Ar porob lahare saphakʼ lạgitʼ ạḍi utạr hoṛ do atoko khon Jerusalemteko calao akan tahẽkana.

Johan 2:23

Ado bańcaokʼ porobre Jisu Jerusalemre tahẽkate okako hahaṛa kạmiye kạmiketʼ ona ńelte ạḍi utạr hoṛ do unireko pạtiạuena.

Johan 2:13

Jihudikoakʼ bańcaokʼ porob soren khan Jisu do Jerusalemteye rakapʼ calaoena.

2 Rapajko 23:23

Menkhan Josiạ rajakʼ rajokʼ gel irạlakʼ bochorre Jerusalemre Probhu Isor ńutumte niạ bańcaokʼ porobko porobena.

Dosar Biboron 16:6

okaṭakʼ ṭhạ̃ire uni do apnartetʼ sodorokʼ lạgitʼte acʼakʼ tahen oṛakʼ lekateye bachao joṅ eken onḍegepe samaṅkoa. Oka hilokʼ Misor disạm khonpe oḍokʼ hecʼakan jao bochor ona dinre siń cando hạsur tayom bańcaokʼ porobren janwarpe samaṅkoa.

Dosar Biboron 16:2

Acʼ apnartetʼe sodorokʼ iạte Probhu Isor do acʼakʼ tahen jaega lekate okaṭakʼe bachao joṅ, onḍege aperen ḍaṅgra se merom se bhiḍi palko khon janwar hataokate aperen Probhu Isor ńutumte bańcaokʼ porobpe porobokʼa.

Dosar Biboron 12:5

Menkhan aperen Probhu Isor do apnar sodorokʼ lạgitʼ aperen gusṭiko emakʼ jaega khon okaṭakʼ ṭhạ̃i acʼ lạgitʼe bachao joṅ onḍege sewawae lạgitʼ calakʼpe.