Dosar Biboron 16:3 - সান্তালী বাইবেল

³ Uni janwarakʼ jel do khạmi mesalakatʼ piṭhạ sãote alope joma. Menkhan eae din hạbicʼ apeakʼ duk disạite bin khạmiyanakʼ piṭhạpe joma, ente Misor disạm khon usạratepe oḍok hecʼakana. Onate Misor disạm khon oḍok hijukʼ reakʼ katha jiwetʼ jonompe disạ dohokakʼa.

Dosar Biboron 16:3 Referans Kwoze

Exodus 12:39

Oka bin khạmiyanakʼ sipiyakʼ holoṅ ḍhimbạ Misor disạm khonko ạgu daraletʼ onate horre piṭhạko benaokeda. Ar nunạkʼ usạra Misor khonko oḍok ocoyena, onko do holoṅ sãote khạmi mesal reakʼ somoe hõ bako ńamleda ar horre jom lạgitʼ jãhãnakʼ hõ bako benao daṛeada.

Exodus 34:18

“Menkhan bin khạmiyanakʼ piṭhạ porob porobokʼpe. Iń cetʼ lekań hukum akatʼpe onkage eae din hạbicʼ bin khạmiyanakʼ piṭhạpe joma. Abib cando reakʼ niṭ akan oktere ape do noape porobokʼa, ente ona candoge Misor disạm khonpe oḍokʼ hecʼlena.

Luk 22:19

Ona tayom uni do piṭhạ halaṅkate Isore gun manao joharadea. Ar ona kecakʼkate celako ematʼkoteye metatʼkoa, “Noa do ińakʼ hoṛmo kana oka do apeko lạgitʼ emogokʼkan. Nonkaepe iń disạyiń lạgitʼ.”

Numeri 9:11

Onko do dosar cando reakʼ gelponakʼ dinre siń cando hạsurokʼ tayom noa porobko porobokʼa. Ar bin khạmiyanakʼ piṭhạ ar haṛhatʼ aṛakʼ sãote bańcaokʼ porob reakʼ jelko joma.

Exodus 12:8

Enhilokʼ ńindạge onko do ona jel seṅgelreko rapagma ar begor khạmiyanakʼ piṭhạ ar haṛhatʼ aṛakʼ sãoteko jom ma.

1 Thessalonikikko 1:6

Ạḍi lekan santao talate hõ sonot Jiuakʼ rạskạ salakʼ ona bhage sombat ataṅkate ape do ale ar Probhu Isorren lekape coloneda.

1 Korinthiko 5:8

Onate mare khạmi, metakʼme hiskạ ar bạṛicʼakʼ reakʼ khạmite do alo, menkhan nirạ ar sạriyakʼ reakʼ bin khạmiyanakʼ piṭhạte bon porobokʼma.

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Sereńko 127:2

Ape do ạuṛiyakʼge jomakʼ jogaṛ lạgitʼ ạḍirepe beretʼkana ar ạḍi anecʼpe giticʼkana; menkhan Probhu Isor okoeye dulạṛetʼko onko tinreko jạpitʼjoṅa unre uni do onkoakʼ jạruṛokʼkoe emako kana.

Sereńko 111:4

Uni do acʼakʼ hahaṛa kạmikoe disạ ocokeda; uni do daya ar mãyãteye perecʼgea.

Sereńko 102:9

Am do ińem giḍi akadińạ; amakʼ ạṛis ar edre iạte iń do bhabnate torocʼ jomte diniń ṭalaoeda; ińakʼ mẽtʼ dakʼ do ńũi dakʼ sãote mitʼ akana.

1 Rapajko 22:27

Arpe metakinạ raje men akada nui hoṛ do jemon hajotreye doho ocokʼ ar nirạite raj ạuriye ruạṛ hijukʼ hạbicʼ thoṛa dakʼ ar thoṛa piṭhạ chaḍa ar cetʼge jemon alo kin emae.”

Numeri 28:17

Ona cando reakʼ gelmõṛẽ tạrik hilokʼ mitʼṭecʼ porobokʼ hoyokʼa. Unre eae din hạbicʼ bin khạmiyanakʼ piṭhạ jojom hoyokʼtapea.

Levitikus 23:6

Ona cando reakʼ gel mõṛẽ tạrik do Probhu Isor ńutumte bin khạmiyanakʼ piṭhạ porob ehobokʼa. Ar ape do eae din hạbicʼ bin khạmiyanakʼ piṭhạ jojom hoyokʼtapea.

Exodus 12:11

Ona do nonka tahẽkatepe joma; apeakʼ kicricʼ do ḍanḍare paṭhe akae tahenma, jaṅgare panahi ar tire hõ ṭheṅga tahentape ma. Ona do usạrate onape joma. Ar noage Probhu Isor ńutumte bańcaokʼ porob reakʼ bhoj do hoyokʼa.

Exodus 12:17

Bin khạmiyanakʼ piṭhạ porob do jaejug reakʼ niạm lekate piṛhike piṛhipe porobokʼa, ente niạ dinge ape do lạṛhại phạdko leka Misor disạm khoniń oḍok ạgupea.

Dosar Biboron 4:9

“Jiwetʼ jonom sontor akae tahenpe ar ape cetanre nojor dohoype jemon mẽtʼte okape ńelakatʼ ona alope hiṛiń ar apeakʼ ontor khon alope meṭao ocoy. Noako ape do aperen hoponko ar goṛom gidrạkope cetʼakoa.

Dosar Biboron 16:2

Acʼ apnartetʼe sodorokʼ iạte Probhu Isor do acʼakʼ tahen jaega lekate okaṭakʼe bachao joṅ, onḍege aperen ḍaṅgra se merom se bhiḍi palko khon janwar hataokate aperen Probhu Isor ńutumte bańcaokʼ porobpe porobokʼa.

Jesaea 52:12

Menkhan usạrate do alope oḍok hijukʼa se alope dạṛ ạguiya, ente Probhu Isor do ape laha lahateye calakʼa; ar Israelkoren Isorgeye samṭao idipea.