Dosar Biboron 16:2 - সান্তালী বাইবেল

² Acʼ apnartetʼe sodorokʼ iạte Probhu Isor do acʼakʼ tahen jaega lekate okaṭakʼe bachao joṅ, onḍege aperen ḍaṅgra se merom se bhiḍi palko khon janwar hataokate aperen Probhu Isor ńutumte bańcaokʼ porobpe porobokʼa.

Dosar Biboron 16:2 Referans Kwoze

Dosar Biboron 12:5

Menkhan aperen Probhu Isor do apnar sodorokʼ lạgitʼ aperen gusṭiko emakʼ jaega khon okaṭakʼ ṭhạ̃i acʼ lạgitʼe bachao joṅ onḍege sewawae lạgitʼ calakʼpe.

Dosar Biboron 12:26

“Probhu Isore bachao akatʼ ṭhạ̃ire apeakʼ sonot jinisko ar manot akatʼakʼ jinisko idiy hoyokʼtapea.

1 Korinthiko 5:7

jemon bin khạmiyanakʼ nãwã sipiyakʼ holoṅpe hoydaṛeakʼ; ar ape do bin khạmiyanko kangeape, ente aboakʼ bańcao porobren dãṛẽ doe teṅgenena metakʼme Mạsige.

Luk 22:15

Uni doe metatʼkoa, “Duk ạuriń jomre, bańcaokʼ porob reakʼ noa bhoj ape tulucʼ jojom ạḍi sana tahẽkantińạ.

Mark 14:12

Bin khạmiyanakʼ piṭhạ porob reakʼ pạhil hilokʼ do bańcaokʼ porob bhojre lạgitʼ bheḍa hoponko dãṛẽyetʼko tahẽkana. Onate celako do Jisuko kulikedea, “Bańcaokʼ porob reakʼ bhoj do okarele tearama mentem menjoṅ kana?”

Mathae 26:17

Ado bin khạmiyanakʼ piṭhạ porob reakʼ pạhil dinre celako do Jisu ṭhen hecʼkateko menkeda, “Sen-parom porob reakʼ bhoj do okarele tearama mentem menjoṅ kana?”

Mathae 26:2

“Baḍaegeape bar din tayom khange bańcaokʼ porob do hoyokʼa, ar Manwa Hopon do kuruskae lạgitʼko soprotea.”

2 Bõsbudạ 35:7

Ona tayom Josiạ do onḍe jarwa akan sanam hoṛko lạgitʼ bańcaokʼ porob reakʼ samaṅokʼakʼ ńutumte pegel hajar merom ar bheḍa hoponko ar pe hajar ḍaṅgrae emena. Raj do acʼakʼ sompotti khon noko doe danketʼkoa.

Dosar Biboron 15:20

Aperen Probhu Isorre bachao akawan ṭhạ̃ire jao bochor ape do gharońjrenko sãote onako reakʼ jelpe joma.

Dosar Biboron 12:18

Aperen Probhu Isore bachao akatʼ ṭhạ̃ire uni samaṅre jojom hoyokʼtapea. Ape, aperen gidrạko, aperen guti-kạ̃ṛmĩko ar apeakʼ ato ar nagraharen Liwiko do onako joma ar apeakʼ khaṭaoakʼ reakʼ kuṛại iạte aperen Probhu Isor samaṅrepe rạskạ midokʼa.

Dosar Biboron 12:14

Aperen gusṭiko khon emakʼ okaṭakʼ ṭhạ̃i Probhu Isore bachao joṅ onḍege jeredokʼ samaṅokʼakʼpe samaṅa ar onḍege ińiń hukum akatʼ reakʼ jotowakʼpe kạmiya.

Dosar Biboron 12:11

Unre uni do acʼ sodorokʼ lạgitʼ okaṭakʼ ṭhạ̃i acʼ tahen lạgitʼe bachaojoṅ onḍege ape do oneń hukum akawatʼpe jotowakʼ jinisko idikate apeakʼ jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar Probhu Isor ṭhenpe manotakatʼ reakʼ samaṅokʼakʼko uni ṭhenpe ạguiya.

Numeri 9:2

“Israelko jemon niṭ akatʼ oktere bańcaokʼ porobko porobokʼ.

Dosar Biboron 16:1

“Abib candore ape do aperen Probhu Isor ńutumte bańcaokʼ porobpe porobokʼa. Niạ Abib candorege uni do ńindạ jokhecʼ Misor disạm khon apeye oḍok ạguletʼpea.

Dosar Biboron 16:3

Uni janwarakʼ jel do khạmi mesalakatʼ piṭhạ sãote alope joma. Menkhan eae din hạbicʼ apeakʼ duk disạite bin khạmiyanakʼ piṭhạpe joma, ente Misor disạm khon usạratepe oḍok hecʼakana. Onate Misor disạm khon oḍok hijukʼ reakʼ katha jiwetʼ jonompe disạ dohokakʼa.

2 Rapajko 23:21

Inạ tayom raj do sanam hoṛko noae hukumatʼkoa, “Bondobos reakʼ puthire cetʼ leka olakan onkage ape do aperen Probhu Isor ńutumte bańcaokʼ porob porobokʼpe.”