Dosar Biboron 16:19 - সান্তালী বাইবেল

¹⁹ Behok lekate alope bicạra se okoeyakʼ mẽtʼãhã hõ alope beṅgetʼakʼa. Ghus hõ alope hataoa, ente ghus do ạkilankoakʼ mẽtʼe kãṛã ocoytakoa ar bin dusạn hoṛakʼ katha hõe ulṭạu ocoya.

Dosar Biboron 16:19 Referans Kwoze

Levitikus 19:15

“Behok lekate alope bicạra. Bicạr do alope kạṭicʼ lạṭuya; menkhan mimitʼko lạgitʼ hok reakʼ bicạr chinḍạupe.

Exodus 23:2

Gel hoṛko behok akatʼ iạte amhõ ona do alom onkaea. Jãhãn mamblare goha emokʼ senkate ḍher hoṛko tulucʼ milạukate hok reakʼ bicạrre tạkicʼakʼ alom hoeocoya.

Kạhtukko 17:23

Bedhoromicʼ do gocha khon ghuse hataoeda hok reakʼ horko konḍeyae lạgitʼ.

Habakkuk 1:4

Ạn-ạriko nijor idikʼkana ar dhorom reakʼ bicạr do baṅge hoyokʼkana. Dhorom hoṛko khon dusṭạmi hoṛkoakʼ ektiạrige ḍherokʼkante bicạr do ulṭạukʼkana.

Dosar Biboron 24:17

“Upriạ ar ṭũạr amarko lạgitʼ behokakʼ reakʼ do alope bicạra. Ar rạnḍi maejiuko ṭhen khon bandhok lekate kicricʼ hõ alope hataoa.

Dosar Biboron 10:17

Aperen Probhu Isor do sanam isorkoren Isor ar sanam probhu koren Probhu kanae. Uni do maraṅ utạricʼ, daṛeanicʼ ar botoranicʼ Isor kanae. Uni do okoeyakʼ mẽtʼãhã hõ bae beṅgetʼakʼa ar ghushõ bae hataoa.

Jesaea 1:17

Bhageakʼ kạmi reakʼ cetʼ joṅpe, hok reakʼ bicạrpe, sasantaoko sudhrạukope, reṅgecʼko secʼ tahenpe, ar rạnḍi maejiukoakʼ teṅgo goṛowakope.”

Sosolhayic̕ 7:7

Ạkilan hoṛe julum khan uni do bebujicʼ lekae hoyokʼa, ar ghus do buje nosṭoea.

Kạhtukko 24:23

Noako hõ ạkilan hoṛkoakʼ katha kana. Bicạrre hoṛakʼ mẽtʼãhã beṅgetʼakʼ do baṅ bhagea.

Dosar Biboron 27:19

‘Sarapangeae uni hoṛ do, one okoe do upriạko, ṭũạr amarko ar rạnḍi maejiuko cetanreye behoketʼkan.’ Unre sanam hoṛko mena, ‘Amen.’

Aposkạmi 23:3

Unre Pạul do Ananiạse metadea, “E phạsiạra, Isor hõ ame thapamea. Ạn lekate ińakʼ bicạr lạgitʼ am do onḍem duṛupʼ akana, menkhan daleń reakʼem hukumetʼte amge coṅ ạn mam rạputʼetʼkan.”

Aposkạmi 16:37

Unre Pạul do onko kạmiyạkoe metatʼkoa, “Ạliń do Romi hoṛ kanaliń, ar begor bicạr dusite hoṛko samaṅreko dalketʼlińạ ar hajotreko bhoraokatʼlińạ. Ar ńitokʼ disạm cakʼlaoyicʼ do hape hapete aṛakʼgotʼ kạlińe menjoṅ kana? Ona do baṅ hoyokʼa; onkoge apnarte hecʼkateko oḍok idi lińma.”

Aposkạmi 10:34

Unre Patras do roroṛe ehopʼena, “Iń do ńitokʼ sạrigeń bujhạu daṛeakʼ kana, Isorakʼ mẽtʼãhã samaṅre do jotogeko somangea.

Mikạ 7:3

Onkoakʼ banar ti do behokakʼ kạmi lạgitʼ gạkhuṛgetakoa. Mukhiyạko do sandesko khojkana, bikʼcạrko do ghusko jomeda, ar kisạ̃ṛko okako khojkan onako baḍae ocokana; ar onko jotoge mitʼ domte phundiko aṭaoetʼkana.

Jeheskel 22:12

Am talare mãyãm joro ocoy lạgitʼ hoṛko do ghusko hataoeda; ona chaḍa am hõ ḍher sudkom hataoeda ar jor julumkate aḍepaseren hoṛkom recʼetʼkoa. Ar iń dom hiṛiń akadińạ. Iń Probhu Isorge noa katha doń meneda.

Jirimiạ 5:28

Onko do moṭa arko cĩkạ̃ṛ akana. Onkoakʼ bạṛicʼ kạmi reakʼ simạko do bạnukʼtakoa; ṭũạr amarko jemon hok reakʼ bicạr aloko ńam onate onko secʼ bako teṅgokʼ kana ar nacarkoakʼ ạidạri hõ bako rukhiyạyetʼtakoa.

Jesaea 33:15

Unigeye daṛeakʼa, okoe do dhoromteye colonetʼkan ar hok reakʼkoe roṛetʼkan, ar okoe do julum reakʼ labkoe hirkhạwakʼ kan ar ghus hatao khon pharakreye tahenkan, okoe hoṛ do khũn reakʼ alo ańjom lạgitʼ luture tubetʼetʼtae ar bạṛicʼakʼ kạmi ńel khon mẽtʼe jạpitʼkatae kan.

Jesaea 1:23

Amren disạm cakʼlaoko do huhulko ar kombṛokoren gateko hoyakana; sanamkoge ghusko kusiyakʼa ar sandesko khoja. Onko do reṅgecʼ hoṛko secʼ bako teṅgon kana ar rạnḍi maejiukoakʼ mambla hõ onko ṭhen do baṅ seṭerokʼ kana.

Kạhtukko 24:28

Jãhãnakʼ begor baḍaete am aḍepaserenko upạrte goha alom ema, ar eṛe alom roṛa.

1 Samuel 12:3

Iń do nonḍege minạńa; ar iń upạrte apeakʼ jãhãnakʼ roroṛteakʼ menakʼtape khan enḍekhan Probhu Isor ar uniren ojokʼ bahal akan hoṛko samaṅrege roṛpe. Ar goha emokʼpe, okoeren ḍaṅgra se gadha behok lekateń hatao akadea mente? Ar jãhãe ṭhen khon ghus hataokate mocań bond akatʼ tińạ mente? Noako reakʼ jãhãṭakʼgeń kạmi akatʼ khan tobe khan ona reakʼ khuti puruniń emokʼa.”

1 Samuel 8:3

Menkhan unkin do ạkinren apattetʼ leka do bạkin calakʼkan tahẽkana. Unkin do behok secʼte dhon hameṭjoṅ reakʼ aste dhorom reakʼ horkin bạgiyatʼ tahẽkana. Unkin do ghus hataokate hok reakʼakʼ kin behok ocoyetʼ tahẽkana ar behok do hok reakʼ lekakin hoyocoyetʼ tahẽkana.

Exodus 18:21

Ona tayom sanam hoṛko tala khon nonkan lekman hoṛ ben bachaokoa okoe do Isorko batorae ar sạriyakʼreko tahenkan ar behokakʼko hirkhạwakʼ kan. Onkoge aben do mukhiyạ lekate ben bahalkoa, adom do hajarko cetanre, adom do saeko cetanre, adomko do mõṛẽgelko cetanre ar adomko do gelko cetanre.

Exodus 23:3

Jãhãe reṅgecʼ hoṛakʼ bicạrre uniye reṅgecʼgete mamblare alom uni sejokʼa.

Dosar Biboron 16:18

“Aperen Probhu Isor okaṭakʼ ato ar nagrahae emape lạgidokʼkan ona reakʼ mimitʼ goṭecʼ lạgitʼ bikʼcạrko ar sordarkope dohokoa. Onko do hok reakʼ lekate hoṛkoakʼko bicạr chinḍạukatakoa.

1 Samuel 8:1

Samuel doe haṛamen khan Israelkoakʼ bikʼcạrtako lạgitʼ acʼren hopone ojokʼ bahalketʼkinạ.

Sereńko 15:5

Uni do sud chaḍa pańcate ṭakae emokʼa, ar ghus bae hataoa ar miridoskoakʼ hõ bae khutiytakoa. Okoe nonkae kạmiyetʼkan uni do jaoge teṅgo ṭak akane tahena.

Kạhtukko 15:27

Lalociạ hoṛ do acʼakʼ gharońjre duke ạguiya, menkhan okoe hoṛ ghuse hirkhạwakʼ uni do jione ńama.

Kạhtukko 18:5

Bedhoromicʼakʼ mẽtʼãhã beṅgetʼakʼ do baṅ bhagea, onate dhoromicʼe behokʼ ocokʼa.

Kạhtukko 31:5

Bubulakʼ ńũite onko do ạn ạrikoko hiṛińa, ar santaokʼkanko secʼ behokakʼko bicạra.

Dosar Biboron 27:25

‘Sarapangeae uni hoṛ do, okoe do bindusạn hoṛ khun ocoye lạgitʼ ghuse hataoetʼkan.’ Unre sanam hoṛko mena, ‘Amen.’

Jeheskel 18:8

ar sudte ṭaka bae emako, behokakʼ khon acʼakʼ tiye akoṭetʼtae ar hoṛko talare hok reakʼe bicạretʼkan,