Dosar Biboron 16:16 - সান্তালী বাইবেল

¹⁶ “Aperen Probhu Isore bachao akawan ṭhạ̃ire bochorre pe dhao, metakʼme bin khạmiyanakʼ piṭhạ porobpe porobokʼ jokhecʼ, eae hapta reakʼ porobre ar chamḍa porobre aperen sanam herel hoṛko do Probhu Isor samaṅre hạjirokʼ hoyokʼtakoa. Unre Probhu Isor samaṅre eken ti okoe hõ alo jemonko hijukʼma.

Dosar Biboron 16:16 Referans Kwoze

Sereńko 96:8

Sanam sarhaoteakʼ do Probhu Isorakʼ mente aṅgocpe; ar samaṅokʼakʼ jinisko uniyakʼ racare hijukʼpe.

Hagae 1:9

“Ape do ḍher phosol ńam lạgitʼpe aslena, menkhan thoṛagepe ńam akada. Ar oṛakʼte tinạkʼpe aderan tahẽkan ona doń oṭaṅ giḍi akatʼtapea. Cedakʼ iń onka akatʼtapea? Ińakʼ oṛakʼ lạgitʼge ona doń onka akada, ente ińakʼ oṛakʼ do dhaṅ dhaser akana, ar ape do apan ạpin oṛakʼ lạgitʼpe odoṛ dhopuṛ baṛaekana.

Exodus 34:20

Menkhan gadharen pạhil ạnḍiạ hopon do mitʼṭen bheḍa hoponte bodol chaḍaoe hoyokʼa. Ar uni hopon bae chaḍaokʼ enḍekhan uni do hoṭokʼ rạpudtae hoyokʼa. Ar aperen mitʼke mitʼ pạhil hoponko hõ chaḍaoko hoyokʼtapea. “Porob jokhecʼ okoehõ iń ṭhen eken ti do alope hijukʼa.

1 Rapajko 9:25

Probhu Isor ńutumte Solomon do okaṭakʼ pinḍe benaoletʼ onḍe uni do bochorre pe dhao jeredokʼ samaṅokʼakʼ ar sulukren samaṅokʼakʼ porobe hoyocoyetʼ tahẽkana. Ona sãote uni do Probhu Isor samaṅre dhupko hõe jeretʼetʼ tahẽkana. Onate Solomon do, Salom mundil reakʼ joto kạmigeye sạt akatʼ tahẽkana.

Jesaea 23:18

Menkhan uniyakʼ lab ar rojgar do Probhu Isor ńutumte begar dohokʼa; se jogaokʼa ona do baṅa. Ar okoe do Probhu Isor samaṅreko dãṛã baṛae onkoakʼ ḍher jomakʼ ar mońj kicricʼko lạgitʼge uniyakʼ ona labtetʼ do khorocokʼtaea.

Mark 12:3

Menkhan cacasko do uni guti sapʼkedeteko dalkedea ar eken tiko kolgotʼkadea.

Johan 7:2

Unre Jihudikoakʼ chạuni-porob do sor hecʼakan tahẽkana.

Exodus 34:24

Disạm talaren sanam jạtrenko do ape samaṅ khoniń laga ńirkoa ar apeakʼ disạm reakʼ simạnakoń baṛhao ocoytapea. Bochorre pe dhaokate tinre aperen Probhu Isor samaṅrepe hạjirokʼa unre okoehõ apeakʼ jaega jumi cetanre laloc alope dohoya.

Dosar Biboron 16:15

Aperen Probhu Isor okaṭakʼ ṭhạ̃iye bachao joṅ onḍe ape do uni ńutumte eae din hạbicʼ niạ porobpe porobokʼa, ente apeakʼ rakapʼakʼ sanam phosol ar sanamakʼ kạmire aperen Probhu Isor do apeye bhorapea ar purạtepe rạskạjoṅa.

Dosar Biboron 16:17

Aperen Probhu Isore bhor akawatʼpe leka ape mimitʼko thoṛare hõ jemonpe ạgu darae.

1 Samuel 1:3

Elkana do jao bochor acʼakʼ nagraha khon Siloteye calakʼkan tahẽkana. Uni do onḍe senkate sanam daṛeanicʼ Probhu Isor sewawae ar uni ńutumte janwarkoe samaṅetʼko tahẽkana. Unre onḍe do naeke Eliaserren banar hopon Probhu Isorren naeke kin tahẽkana. Unkinakʼ ńutum do Hopni ar Pinehas tahẽkana.

1 Samuel 6:3

Onkoko menkeda, “Israelkoren Isorakʼ sinduk kol ruạṛpe menetʼ khan ekenakʼ do alope kol ruạṛkakʼa. Ape do khạṭige uni ṭhen mitʼṭecʼ dos- samaṅokʼakʼpe kola. Enḍekhan ape do mońjpe tahena arpe baḍae daṛeakʼa, cedakʼ uniyakʼ keṭecʼ ti ape cetan khon baṅ ocogokʼ kana mente.”

2 Bõsbudạ 8:13

Moseyakʼ hukum leka jirạukʼ mãhãre, ambasre ar bochorre pea porob, metakʼme bin khạmiyanakʼ piṭhạ porobre, eae hapta reakʼ porobre, ar ḍera porobre- onako din reakʼ niạm lekate samaṅokʼakʼ porobko porobokʼ kan tahẽkana.

Nehemiạ 8:15

ar onkoakʼ atoko ar Jerusalemre onko do niạko lại jạhira, “Cetʼleka ol menakʼ onkage ape do buru ṭoṭhakote senkate chamḍa oṛakʼ benao lạgitʼ jạitun dare reakʼ ḍạrko ar bir jạitun reakʼ ḍạrko, mehndi ḍạrko, khijur ḍạrko ar jhạṛpạ dare reakʼ ḍạrkope ạgudaraea.”

Sereńko 84:7

Calakʼ horre onko do daṛe cetan daṛeko ńameda; onko do Sionre Isor samaṅreko ńel ocokʼkana.

Sereńko 122:4

Sanam gusṭirenko do onḍegeko rakapʼa, Probhu Isorren hoṛkoakʼ sanam gusṭirenkoge; Israele em akawade hukum leka onko do Probhu Isor sarhaoe lạgitʼko rakapʼa.

Esra 3:1

Israelko do apan ạpin ato ar nagrahare girobasokʼko ehopʼen tayom eaeakʼ candore sanam hoṛko do mitʼ domte Jerusalemreko jarwayena.

Sereńko 84:8

E Probhu, sanam daṛeanicʼ Isor, ińakʼ koejoṅ ańjomtińme; E Jakobren Isor, ińakʼ katha luturakʼme baṛe. (Sela)

Jesaea 33:20

Aboakʼ sanam porob reakʼ nagraha Sion secʼ beṅgedme. Amakʼ mẽtʼkin do Jerusaleme ńela, nirạite tahen jaega ar baṅ ocogokʼ tạmbuge. Ona reakʼ khunṭiko do tishõ baṅ or todokʼa ar ona reakʼ baber hõ baṅ topagokʼa.

Jeheskel 36:38

Jerusalemre niṭ akatʼ porobre cetʼleka samaṅokʼ bheḍakote perejokʼkan tahẽkan onkage dhaṅdhaser akan nagrahako do alekha manwakote perejokʼa. Unre onko doko baḍae daṛeakʼa, ińkangeạń Probhu Isor do.”