Dosar Biboron 16:13 - সান্তালী বাইবেল

¹³ “Apeakʼ khạrại ar darkha lelenkunḍ reakʼ ṭhạ̃i khon jotowakʼpe samṭao tayom eae din do ḍera porobpe porobokʼa.

Dosar Biboron 16:13 Referans Kwoze

Exodus 23:16

Khetre okape ir ona reakʼ pạhil phosoltepe porobokʼa. Ar cas abadkate mucạtʼre okaṭakʼ phosol do khet khon golatepe ader onate samṭao porobpe porobokʼa.

Johan 7:2

Unre Jihudikoakʼ chạuni-porob do sor hecʼakan tahẽkana.

2 Bõsbudạ 5:3

Onate eaeakʼ candore porobokʼ jokhecʼ Israelren onko sanam hoṛ do Solomon raj ṭhenko hecʼena.

Esra 3:4

Ona tayom onko do sostor reakʼ katha leka Chạuni porobko porobena ar niạm lekate dinạm hilokʼ reakʼ niṭakatʼ lekha leka jeredokʼ samaṅokʼakʼko samaṅetʼ tahẽkana.

2 Bõsbudạ 8:13

Moseyakʼ hukum leka jirạukʼ mãhãre, ambasre ar bochorre pea porob, metakʼme bin khạmiyanakʼ piṭhạ porobre, eae hapta reakʼ porobre, ar ḍera porobre- onako din reakʼ niạm lekate samaṅokʼakʼ porobko porobokʼ kan tahẽkana.

Dosar Biboron 31:10

Uni doe hukumatʼkoa, “Mimitʼ eaeakʼ bochorre, metakʼme rin khon chaḍaokʼ bochorre chạuni porob jokhecʼ Israelko tinre Probhu Isor samaṅre hạjirokʼ lạgitʼ uniyakʼ bachao akatʼ ṭhạ̃iteko calakʼa unre noa ạn-ạripe paṛhao ańjomakoa.

Exodus 34:22

Guhum samṭao jokhecʼ pạhil getʼakʼ guhumte eae hapta reakʼpe porobokʼa ar cas abad reakʼ mucạtʼ cando do phosol samṭao porobpe porobokʼa.

Numeri 15:20

Pạhil rakabokʼ phosol reakʼ holoṅte do piṭhạ benaokate khạrại reakʼ tulokʼ samaṅokʼ lekage onape tul samaṅa.

Jirimiạ 40:10

Iń apnarge Mispareń tahena ar Babelren okoeko abo ṭhenko hijukʼ onko ṭhen ape huyạte kathań roṛa; menkhan ape do darkha rasa, niron din reakʼ pholḍol ar sunumko samṭao jarwaepe ar apeakʼ bhajankore bae dohoepe ar okako ato ar nagrahakope dokhol akatʼ onḍege girobasokʼpe.”