Dosar Biboron 16:10 - সান্তালী বাইবেল

¹⁰ Ar ona tayom apeakʼ kusiteakʼ samaṅokʼakʼte aperen Probhu Isor ńutumte eae hapta reakʼ porobpe porobokʼa. Ar aperen Probhu Isore bhor akawatʼpe leka niạ samaṅokʼakʼ jinispe emokʼa.

Dosar Biboron 16:10 Referans Kwoze

1 Korinthiko 16:2

Ape mimitʼko hõ apeakʼ daṛe leka thoṛa thoṛate doho jarwaepe hapta reakʼ pạhil dinre, jemon ińiń hecʼlenre dan uṭhạu alo lagaoape.

2 Korinthiko 8:10

Ape lạgitʼ okaṭakʼ bhageakʼkan ona reaṅ do ińiń bujhạuetʼkan lekageń baḍae ocoyetʼpea. Ar apege noa dan do calaoen bochor khon uṭhạupe ehopʼleda ar jid salakʼpe kạmileda.

Joel 2:14

Okoeye baḍaea, hoedaṛeakʼa uni do arhõ mone ạcur ruạṛtaea ar bhore em oṭokakʼa, jemon aperen Probhu Isor ńutumte jomakʼ samaṅokʼakʼ ar coḍor porobpe porob daṛeakʼ.

Kạhtukko 10:22

Probhu Isor okoeye bhorae uni doe kisạ̃ṛgea; ar ona bhorre jãhãn duk ar kosṭo do baṅ tahena.

Numeri 31:28

Palṭonkoakʼ hạṭińre tinạkʼ paṛaokʼ baṅ do manwa, baṅ do ḍaṅgra, baṅ do gadha, baṅ do bheḍa ar meromko onko reakʼ mimitʼ mõṛẽsae khon mitʼṭenkate do Probhu Isor ńutumte bheja menkatepe begarkoa.

Levitikus 25:26

Ar uniren chaḍao lạgitʼ celege bako tahentae enḍekhan apnarge kulạu juṛạukate onae chaḍaotaea,

Levitikus 12:8

Samaṅokʼ lạgitʼ bhiḍi hopon bae juṛạu daṛeae khan uni do barea potam ar baṅkhan barea parwa hopon ạgukin hoyokʼtaea. Unkin modre mitʼṭen do jeredokʼ samaṅokʼakʼ lạgitʼ ar eṭagicʼ do kại ńutumteye samaṅea. Nonkate naeke do chute meṭaokataea ar uni doe sapha utạrokʼa.”

Levitikus 5:7

“Uni hoṛ do bhiḍi pạṭhi bae ạgu daṛeae, enḍekhan uniyakʼ ona behok reakʼ ḍanḍom lekate Probhu Isor ńutumte barea potam se barea parwa lagaoaea. Unkin modre mitʼṭen do kại ńutumte ar eṭagicʼ do jeredokʼ samaṅokʼakʼ lạgitʼ.

2 Korinthiko 8:12

Jãhãe emokʼ reakʼ monejoṅakʼ tahentae khan enḍekhan uni oka menakʼtae ona lekage Isor do uniyakʼ dane ataṅtaea, ar oka bạnukʼtae ona do Isor hõ bae khojkana.

Exodus 35:29

Probhu Isor do Mose hotete cetʼe cekae lạgidokʼkan tahẽkan ona kạmi lạgitʼ Israelren maejiuko ar herelko talare okoe uskurko ńamketʼ onko do daṛeakʼ bhor Probhu Isor lạgitʼko ạgukeda.

Dosar Biboron 16:9

“Phosolre datrompe calao hilokʼ khon eae haptape lekhaea.

Dosar Biboron 16:11

Aperen Probhu Isor apnare sodorokʼ iạte okaṭakʼ tahen ṭhạ̃iye bachao joṅ onḍe uni samaṅre aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭuạ̃r amarko ar rạnḍi maejiuko- sanamkoge mitʼtepe rạskạ midokʼa.

Levitikus 23:15

“Jirạukʼ mãhã dosar hilokʼ, metakʼme oka hilokʼ dolao samaṅokʼakʼ lạgitʼ phosol reakʼ ạṭipe ạgui, enhilokʼ khon eae haptape lekhaea.

Numeri 28:26

“Eae hapta reakʼ porob dinre, metakʼme pạhilre rakabokʼ phosol samaṅokʼ hilokʼ tinre Probhu Isor ńutumte nãwã phosolpe samaṅa enhilokʼ do mitʼṭecʼ sonot ńapamokʼ sabhape hoeocoya ar enhilokʼ do jãhãnakʼ cetʼge alope kạmiya.

1 Bõsbudạ 29:14

“Menkhan E Probhu Isor, iń baṅiń okoekan ar ińren hoṛ baṅko okoekan, ale do kusite nonkale dan daṛeke? Aleakʼ jotowakʼge coṅ am ṭhen khonge hijukʼkan. Am ṭhen khon okale ńamakatʼ onage ale do amle em akatʼmea.

2 Bõsbudạ 31:14

Hoṛkoakʼ kusi lekateakʼ samaṅokʼakʼ jinis reakʼ bhar do purub secʼ reakʼ duạr horhoyicʼ Liwi Imnaren hopon Kori cetanre tahẽkana. Ar Probhu Isor emae joto dan-sandes ar sonot utạrakʼ jinisko hạṭiń reakʼ bhar hõ uni cetanrege tahẽkana.