Dosar Biboron 15:9 - সান্তালী বাইবেল

⁹ Sontorokʼpe, apeakʼ monre dusṭạmi hudis do alope rakapʼ ocoya je, eaeakʼ bochor, metakʼme rin khalas reakʼ bochor hecʼakana mente. Ar noa hudiskate reṅgecʼre paṛao akan boeha secʼ alope kurkunḍujokʼa ar eken ti alope bidạgotʼkaea. Arpe onkae khan uni do Probhu Isor ṭhen ape upạrteye raga ar bicạre khoja onate apepe behoketʼ iạte dusirepe paṛaokʼa.

Dosar Biboron 15:9 Referans Kwoze

Dosar Biboron 24:15

Siń cando hạsurokʼ laharege uniyakʼ kuṛại do emkatae hoyokʼa, ente uni doe reṅgecʼ hoṛ kana ar ona kuṛại cetanregeye ṭehãḍ akana. Ar bape onkale khan kại hoyokʼtapea, ar uni do ape upạrte Probhu ṭhene raga ar kạirepe paṛaokʼa.

Mathae 20:15

Ar okaṭakʼ ińakʼ kan, ona do cetʼ ińakʼ kusileka laṛcaṛ reakʼ ektiạri bạnukʼtińạ? Se ińiń dayakʼkante mẽtʼ jolokʼkan tama?’ ”

Jakob 5:9

E boehako, Isor jemon apeakʼ dosko aloe sabtape onate ape apere dos alope ladejoṅa. Ńelpe, bicạricʼ do duạr sorregeye hecʼakana.

Jirimiạ 17:10

Iń do Probhu Isorakʼ ontoriń ḍunḍhạueda ar moniń biḍạu aṭkareda; iń do manwawakʼ dãṛãn ar uniyakʼ kạmi lekate kuṛạiyiń emaekana.

Exodus 22:23

Arpe onkae khan ar iń ṭhen uniye rakʼle khan khạṭige iń do uniyakʼ rakʼjoṅ iń luturakʼa.

Jakob 5:4

Apeakʼ khetre okoe kạmiyạko phosolko samṭao akatʼtape onko do kuṛại bape emakatʼkoa; ar ńelpe, ona kuṛại do ńitokʼ ãṭ aṛaṅteye dusiyetʼpea. Sanam daṛean Probhu Isorakʼ luturre onko kạmiyạkoakʼ rakʼ do seṭerakana.

Mathae 15:19

Ente ontor khonge bạṛicʼ cintạ, khũn, laṭghaṭ, kombṛo, eṛe goha, ar opomanko do oḍok hijukʼa.

Kạhtukko 28:22

Lalocan hoṛ do kisạ̃ṛokʼ lạgitʼe dhãoṛa dhạ̃uṛi baṛaea, menkhan uni do bae baḍaea okulạn do uniye tạṅgi akadeya mente.

Kạhtukko 23:6

Lalocan hoṛkoakʼ jomakʼ do alom joma; ar uniyakʼ soṛom soṛom jomakʼko hõ alom hạ̃sakʼa;

Jobakʼ 34:28

Onkoakʼ santao iạte reṅgecʼ hoṛkoakʼ rakʼ do uni samaṅre seṭerokʼkana; uni do laṅgaṭkoakʼ rakʼ joṅakʼe ańjometʼtakoa.

Exodus 3:7

Probhu Isore menkeda, “Misor disạmre ińren hoṛko cetanre oka santao hoyokʼkan ona doń ńelakada. Misorren sordarkoakʼ santao iạte Israelkoakʼ rakʼ do iń ṭhen seṭerakana. Onkoakʼ duk saset reakʼ katha hõń baḍae akada.

1 Patras 4:9

Begor karacʼ kurujokʼte ape apere peṛakʼpe.

Jakob 4:17

Onate bhage kạmi baḍaekate hõ okoe bae kạmi uni doe kạiyeda.

Jakob 4:5

Ape do cetʼpe hudiseda, sonot sostorre ạuṛiyakʼge noa kathae meneda je, sonot Jiu, one Isor do aboakʼ ontorreye emakade, uni do aboakʼ bhokti ńam lạgitʼe koyokʼ hor akada mente?

Kạhtukko 24:9

Khaṭo bujan hoṛakʼ soṛojontro do kại kana; ar landa dhutʼicʼ do hoṛkoko hirkhạwaea.

Kạhtukko 21:13

Okoe hoṛ reṅgecʼkoakʼ rakʼjoṅre luture tubetʼetʼtae, Uni do tinre acʼe rakʼ homora unre okoe hõ bako luturataea.

Kạhtukko 4:23

Jotowakʼ khon amakʼ ontorge pahra dohoyme, ente ontor khonge amakʼ jion reakʼ jotowakʼ do oḍokʼ hijukʼa.

Sereńko 9:12

ente mãyãm reakʼ okoeye hala hạliy uni do gocʼ ocoakan hoṛko hõ bae hiṛiń akatʼkoa, ar dukokʼ kankoakʼ rakʼ joṅ hõ bae ḍhilạutakoa.

Dosar Biboron 15:1

“Eae bochor mucạtʼre rin khonpe khalaskoa.

Sereńko 12:5

Probhu Isore meneda, “Nacarkoakʼ ujạṛokʼ ar reṅgecʼ orecʼkoakʼ rakʼjoṅte iń do ńitgeń beredokʼa, ar bańcao tahen lạgitʼ okoeyakʼ ontorre monejoṅakʼ menakʼ onko doń bańcao dohokoa.”

Sereńko 101:3

Bạṛicʼakʼ cetʼge ińakʼ mẽtʼ samaṅre bạń dohoya. Bạṛicʼ horteko calakʼ hoṛkoakʼ kạmi doń hirkhạwakʼ kana. Onako do ińre baṅge laṭkaokʼạ.

Exodus 22:22

“Jãhãe rạnḍi maejiu se jãhãe ṭũạr amarko alope kosṭokoa.

Dosar Biboron 31:10

Uni doe hukumatʼkoa, “Mimitʼ eaeakʼ bochorre, metakʼme rin khon chaḍaokʼ bochorre chạuni porob jokhecʼ Israelko tinre Probhu Isor samaṅre hạjirokʼ lạgitʼ uniyakʼ bachao akatʼ ṭhạ̃iteko calakʼa unre noa ạn-ạripe paṛhao ańjomakoa.

Kạhtukko 14:21

Okoe acʼ aḍepaseren hoṛkoe nihạ̃tko uni doe kạiyeda, menkhan okoe reṅgecʼkoe dawawako kan uni doe bhạgangea.

Jirimiạ 34:14

‘jãhãe Ibri boeha acʼte ape ṭhene ạkhriń akan khan enḍekhan eaeakʼ bochorre uni do aṛakʼkae hoyokʼtapea. Uni do turui bochor ape ṭhen golame khaṭaokʼa ar ona tayom do aṛakʼkae hoyokʼa.’ Menkhan aperen hapṛamko do ińakʼ katha bako ańjomleda, ar ińakʼ katha mone hõ bako moneyada.