Dosar Biboron 15:6 - সান্তালী বাইবেল

⁶ Aperen Probhu Isor do acʼakʼ gokʼakʼ lekateye bhorapea, ar onate ape do jạt jạtren hoṛko rinpe emakoa, menkhan ape do okoe ṭhen khon hõ rin bape hataoa ar baṅ lagaoapea. Ape do ạḍi utạr jạtrenkope ḍanṭaokoa menkhan okoe hõ ape do bako ḍanṭaopea.

Dosar Biboron 15:6 Referans Kwoze

Luk 6:35

Menkhan ape do aperen bạiriko dulạṛkope ar onko bhạlạikope. Ar baṅ ńam ruạṛokʼ reakʼ askate pańca emakope. Enḍekhan ape lạgitʼ maraṅ kuṛại menakʼa, ar ape do sanam dayawạnicʼ Isorren hoponpe hoyokʼa, ente uni do gun baṅ manaoko ar bạṛicʼko hõe dayawako kana.

Kạhtukko 22:7

Kisạ̃ṛ hoṛ do nacarko cetanre mạlikiye calaoeda, ar rin jom hoṛ do emokʼicʼren golame hoyokʼa.

1 Rapajko 4:21

Phurạt gaḍa khon ehopʼkate Misor ar Philisṭikoakʼ disạm reakʼ simạ hạbicʼ sanam rajosṭiko do Solomonakʼ gobolrege tahẽkana. Solomon tinạkʼ din jiwetʼe tahẽkan unạkʼ dinge niạko disạmren hoṛko do bhejako emaekan tahẽkana ar uni gobolreko tahẽkana.

Sereńko 37:21

Bạṛicʼko do pańcako hataoa ar bako hala ruạṛa, menkhan Isor botoraeko do daya arko emokʼa.

Esra 4:20

Daṛean rapajko do Jerusalem khon phurạt gaḍa pạchim aṛe reakʼ goṭa ṭoṭhako rajokʼ kan tahẽkana ar onḍenko hoṛko hõ khajna, bheja ar mạsulko emokʼkan tahẽkana.

Nehemiạ 9:27

Onatege am do bạirikoakʼ tirem jimạletʼkoa ar bạiriko do onkoko santaoetʼko tahẽkana. Onkoakʼ kosṭo oktere onko do am ṭhenko rakʼ homoretʼ tahẽkana ar am do serma khonem ańjomletʼtakoa. Amakʼ maraṅ daya iạte onko bańcaoko lạgitʼ hoṛkom kolletʼkoa. Ar bạirikoakʼ ti khon onkom bańcaoketʼkoa.

Sereńko 112:5

Okoe dayate pańcae emokʼkan ar dhoromte jotowakʼe kạmikan uniyakʼ bhạlại do hoyokʼgea.

Sereńko 37:26

Isor botoraeko do jao oktegeko dayakʼa ar pańcako emokʼa; onkoren bõsko do bhorko ńama.

1 Rapajko 4:24

Solomon do Phurạt gaḍa pạchim secʼ reakʼ sanam rajosṭiko, metatʼme Tipsa khon Gasa hạbicʼe rajokʼkan tahẽkana ar uniyakʼ rajosṭi reakʼ sanam jaegakore do suluk tahẽkana.

2 Bõsbudạ 9:26

Uni do Phurạt gaḍa khon Philisṭikoakʼ disạm ar Misor disạm reakʼ simạ hạbicʼren rapajko cetanreye rajokʼkan tahẽkana.

Dosar Biboron 28:44

Onkoge rinko emapea menkhan ape ṭhen khon do bako hataoa. Ar ape cetanreko tahena ar ape dope jaṅga latar ocokʼa.

1 Bõsbudạ 17:27

Ińakʼ bõs do kusitem bhor akawada jemon niạ bõs do jaejug am samaṅre tahen. E Probhu Isor, am do tinre niạ bõsem bhorakʼa unre ona do jaejug bhoranakʼge tahena.”