Dosar Biboron 15:19 - সান্তালী বাইবেল

¹⁹ “Aperen ḍaṅgra, bhiḍi ar meromkoren mimitʼ pạhil janam akan ạnḍiạ hoponko do aperen Probhu Isor ńutumtepe begar dohokoa. Ar ḍaṅgraren pạhil hoponko hõ kạmire alope lagaokoa ar bhiḍi ar meromren pạhil hoponkoakʼ upʼ hõ alope kạpciy takoa.

Dosar Biboron 15:19 Referans Kwoze

Exodus 13:2

“Israelkoren mitʼke mitʼ pạhil koṛa hopon do iń ńutumtem begar dohokoa, onko modre baṅ doe manwakan ar baṅ doko janwarkan. Mitʼke mitʼ pạhil janamokʼ koṛa hopon doko ińren kana.”

Exodus 13:12

unre ape hõ aperen mitʼke mitʼ pạhil hoponko do Probhu Isor ńutumtepe emokʼa. Janwarkoren mimitʼ pạhil hopon hõ Probhu Isorrenko hoyokʼa.

Dosar Biboron 16:14

Ape, aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭũạr amarko, rạnḍi maejiuko ar ape sanamkoge niạ porobrepe rạskạkʼa.

Dosar Biboron 12:17

Ona chaḍa apeakʼ, anaj, nãwã darkha rasa ar sunum reakʼ gel hạṭiń reakʼ mitʼ hạṭiń, ar ḍaṅgrako, bhiḍiko, meromkoren pạhil hoponko, apeakʼ manot akatʼakʼko, tulokʼ samaṅokʼakʼko ar kusiteakʼ danko do apeakʼ nij ato se nagrahakore jom do baṅ ganokʼtapea.

Numeri 18:17

Menkhan pạhile janam akan nonkan ạnḍiạ ḍaṅgra se bheḍa se merom boda hopon chaḍaoko do baṅ ganokʼa. Noko doko sonotgea. Am do pinḍ cetanre onkoakʼ mãyãmem irciya ar seṅgelre samaṅokʼakʼ lekate onkoakʼ itilem jereda. Noa reakʼ jut so Probhu Isor doe kusiyakʼa.

Numeri 18:15

Probhu Isor ṭhenko samaṅokʼ mimitʼ pạhil koṛa hoponko do amrenko hoyokʼa. Baṅ doe manwakan ar baṅ doe janwarkan. Manwaren pạhil koṛa hoponko do khạṭigem chaḍaokoa ar besapha janwarren pạhil ạnḍiạ hoponko hõm chaḍaokoa.

Levitikus 27:26

“Jãhãege mĩhũ-meromren pạhil ạnḍiạ hopon do Probhu Isor ńutumte alope sonotkoa, ente joto mĩhũ-meromren pạhil ạnḍiạ hopon do Probhu Isorren kanako. Baṅ doe ḍaṅgrakan ar baṅ doe bheḍakan jotoge Probhu Isorren kanako.

Ibriko 12:23

pạhil janam hopon reakʼ ạidạriko ńamakatʼ hoṛ lekate okoekoakʼ ńutum sermare ol akan, onko hotete benaoakʼ manḍer ṭhenpe hecʼakana; okoe doe sanamkoren bicạricʼkan uni Isor ṭhenpe hecʼakana; ar okoekoko sạbit ocoakan onko sanam dhorom hoṛkoakʼ jiu ṭhenpe hecʼakana;

Dosar Biboron 16:11

Aperen Probhu Isor apnare sodorokʼ iạte okaṭakʼ tahen ṭhạ̃iye bachao joṅ onḍe uni samaṅre aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭuạ̃r amarko ar rạnḍi maejiuko- sanamkoge mitʼtepe rạskạ midokʼa.

Dosar Biboron 14:23

Aperen Probhu Isor botoraepe ar apeakʼ anaj ar phosol reakʼ, nãwã darkha rasa ar sunum reakʼ gel hạṭiń reakʼ mitʼ hạṭiń do emokʼ hoyokʼtapea. Ar aperen palren ḍaṅgra, bhiḍi, meromkoren pạhilicʼ hopon reakʼ jel do aperen Probhu Isor samaṅre nonkan ṭhạ̃ire jojom hoyokʼtapea one okaṭakʼ ṭhạ̃ire sodorokʼ lạgitʼte acʼakʼ tahen oṛakʼ menteye bachaojoṅ.

Numeri 3:13

ente Israelkoren sanam pạhil koṛa hopon doko ińren kana. Misor disạmre pạhil koṛa hopon gocʼko jokhecʼ Israelko talare mitʼke mitʼ pạhil koṛa hopon do iń lạgitʼgeń begar dohoakatʼkoa- ar ona do manwakoge cetʼ ar janwarkoge baṅ cetʼ. Onko do ińren kanako; ar iń doń Probhu Isor kana.”

Exodus 34:19

“Kukhiren mitʼke mitʼ pạhil hoponko do ińren kanako. Aperen sanam janwar palkoren mitʼke mitʼ pạhil ạnḍiạ hoponko hõ ińren kanako.

Romiko lạgitʼ Pạul Apostolakʼ ciṭhi 8:29

Isor do okoeko lahareye bachao akatʼko onko do acʼren hopon hoyokʼ lạgitʼ laha khongeye ṭhik doho akatʼko tahẽkana, jemon uni Hopon do ạḍi utạr boehako modre maraṅicʼe hoyokʼ.

Exodus 22:30

Aperen ḍaṅgra ar bheḍako hõ onkage lagaoapea. Ar eae din hạbicʼ onkoren hoponko do eṅgat ṭhenko tahena, ar ona tayom irạl mãhã hilokʼ do iń ṭhen emokʼ hoyokʼtapea.

Dosar Biboron 15:18

“Aperen guti se kạ̃ṛmĩ do sạdhintepe sen ocoaere hamal do alope hudisa; ente niạ turui bochor ape ṭhen khaṭaokʼ reakʼ dam do barea mujurikin reakʼ soman kana. Onkope sạdhinleko khan aperen Probhu Isor do sanamakʼe bhoratapea.

Exodus 22:29

“Apeakʼ phosol ar darkha rasa khon okaṭakʼ emokʼ reakʼ ona emokʼ do alope biloma. Aperen pạhil koṛa hopon do iń imạń hoyokʼtapea.

Dosar Biboron 12:11

Unre uni do acʼ sodorokʼ lạgitʼ okaṭakʼ ṭhạ̃i acʼ tahen lạgitʼe bachaojoṅ onḍege ape do oneń hukum akawatʼpe jotowakʼ jinisko idikate apeakʼ jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar Probhu Isor ṭhenpe manotakatʼ reakʼ samaṅokʼakʼko uni ṭhenpe ạguiya.