Dosar Biboron 15:13 - সান্তালী বাইবেল

¹³ Ar sạdhine oktere uni do eken ti alope bidạ gotʼkaea.

Dosar Biboron 15:13 Referans Kwoze

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Jirimiạ 22:13

Probhu Isore meneda, “Hae uni do, one okoe bedhoromakʼte acʼakʼ oṛakʼe benaoetʼkan ar behokakʼkote acʼakʼ koṭha kandhakoe tearetʼtae. Hae uni do, okoe hoṛ jãhãnakʼ baṅ emkate acʼakʼ disạmren hoṛkoe khaṭaoetʼko ar onkoakʼ khaṭaoakʼ reakʼ kuṛại bae emako kan.

Kolossiko lạgitʼ Pạul Apostolakʼ ciṭhi 4:1

E kisạ̃ṛko, sermare aperen hõ mitʼṭen kisạ̃ṛ menaea ar ona baḍaekate aperen golamko sãote bhage ar hok reakʼ beoharpe.

Exodus 3:21

Israelko cetanre Misorrenkoakʼ monre nonkan mitʼṭecʼ dayań janam ocoya jemon Misor khon oḍokokʼ jokhecʼ eken ti alope oḍok hijukʼ.

Genesis 31:42

Ạliń babaren Isor, okoe do Abraham ar Isahakren Isor kan, uni do ạliń sãote bae tahẽlen khan enḍekhan khạṭige aben do ńitokʼ eken ti ben bidạkelińa. Isor do ạlińakʼ khaṭaokʼ ar kosṭoe ńelakada. Ar onatege calaoen ńindạ do noa reakʼ bhageye bicạr akada.”

Dosar Biboron 15:12

“Jãhãe Ibri herel se maejiu hoṛ ape ṭhene ạkhrińokʼ, enḍekhan turui bochor ape ṭhen golame khaṭaokʼa ar eaeakʼ bochorre doe sạdhin ocokʼa.

Dosar Biboron 15:14

Ape do kharsala monte aperen merom se bhiḍi, se khạrại reakʼ anaj ar darkha jo lelen kunḍ khon darkha rasape emaea. Aperen Probhu Isor oka lekae bhor akawatʼpe onkage uni hõpe emaea.