Dosar Biboron 15:10 - সান্তালী বাইবেল

¹⁰ Ar monre haso dohokate do alope emaea; enḍekhan Probhu Isor do apeakʼ sanam kạmireye bhorapea ar jãhãnakʼrege hatpe lagao onaregepe jo bahakʼa.

Dosar Biboron 15:10 Referans Kwoze

Kạhtukko 22:9

Danetʼkan hoṛ okoe do acʼakʼ jomakʼ reakʼ bhag khon reṅgecʼ orecʼkoe emako kan uni do bhore ńama.

Ibriko 13:16

Bhage kạmi lạgitʼ ar eṭakʼko reṅgejokʼre bhạlạiko reakʼ do alope hiṛińa, ente Isor do nonkan dãṛẽgeye kusiyakʼa.

Jesaea 58:10

ar reṅgecʼ hoṛpe mãyãwako ar jomakʼpe emako, enḍekhan ńutrehõ apeakʼ marsal do jolokʼtapea ar ńindạ do tikin okte leka hoyokʼa.

Dosar Biboron 14:29

Ar onate Liwiko, okoe do apnarakʼ mente cetʼ jaega jumi se sompotti bạnukʼtako ar onḍe menakʼko porjạtrenko, rạnḍiko ar ṭũạr amarko onako jom daṛeakʼa. Onate apeakʼ sanam kạmire aperen Probhu Isor doe bhorapea.

Dosar Biboron 24:19

“Apeakʼ jumi reakʼ phosolpe samṭao jokhecʼ ạṭi ạguiype hiṛiń lekhan ona ạgui lạgitʼ do alope ruạṛ calakʼa. Ona do upriạko, ṭũạr amarko ar rạnḍiko lạgitʼ bạgi oṭokakʼpe. Enḍekhan aperen Probhu Isor do jotowakʼ kạmireye bhorapea.

Jesaea 32:8

Menkhan bhage hoṛ do bhageakʼe goṭaea ar acʼakʼ bhage kạmirege lạgiạ paṛao akane tahena.

Aposkạmi 20:35

Iń okań ceka akatʼ ona sanamakʼge ape koń udukʼakatʼpea je, nonkan kajak khaṭao hotete nijorko goṛowako do lek kana ar Probhu Jisuakʼ noa katha jemon disạ dohokʼ baṅma, ‘hatao khon emokʼrege bickom ḍher bhor do ńamokʼa.’ ”

Dosar Biboron 15:4

Aperen Probhu Isorakʼ kathare batao akanpe tahen ar teheń okako hukumiń emapekan ona reakʼpe moneyakʼ, enḍekhan ape modre okoehõ bape reṅgejokʼa, ente sompotti lekate okaṭakʼ disạm aperen Probhu Isore emape lạgidokʼkan uni do onḍe ạḍiye bhorapea.

1 Patras 4:11

Jãhãeye porcar khan, enḍekhan nonka lekae porcar ma jemon uni do Isorakʼ moca reakʼ kathae roṛeda mente. Ar jãhãye sapʼ sopohotʼ khan enḍekhan Isor emakʼ daṛete uni doe sapʼ sopohotʼma, jemon Jisu Mạsi hotete jotowakʼre Isorge ṭhonoke ńam. Ente daṛe ar ṭhonok do jaejug hạbicʼ uniyakʼge. Amen.

Romiko lạgitʼ Pạul Apostolakʼ ciṭhi 12:8

okoe sikhạu paṛhao reakʼ daṛeye ńamakatʼ uni doe sikhạu paṛhaokoma; okoe eṭakʼko danako reakʼ daṛeye ńamakatʼ, uni do soṛa monteye emokʼma; okoe mukhiyạ hoyokʼ reakʼ daṛeye ńamakatʼ uni do jidkateye calaoma; ar okoe eṭakʼko goṛowako lạgitʼ daṛeye ńamakatʼ uni do kharsala monteye goṛowakoma.

Mathae 25:40

“Ado raje roṛ ruạṛakoa, ‘sạrigeń metapekana, ińren noko huḍiń utạr boehako modre jãhãe mitʼ hoṛpe nonkawade enḍekhan unre ińgepe onkawạdiń tahẽkana.’

Dosar Biboron 14:19

“Ar sanam cĩuṭi pipṛiko hõ ape lạgitʼko besaphagea; onko do alope jomkoa,

Dosar Biboron 23:20

Menkhan eṭakʼ jạtren hoṛko ṭhen khon dope hatao daṛeakʼa eken Israel boehako chaḍa. Nonkape senakʼ khan okaṭakʼ disạm dokhol lạgitʼpe calakʼkan onḍe ape do jãhãnakʼrege hatpe calao onarege Probhu Isor doe bhorapea.

Dosar Biboron 28:8

“Apeakʼ murạiko cetanre Probhu Isorakʼ bhor tahena ar jãhãnakʼrege hatpe em onarege uni doe jo-baha ocoytapea. Aperen Probhu Isor do acʼakʼ noa disạmregeye bhorapea.

Sosolhayic̕ 11:1

Amakʼ jomakʼ do dakʼ cetanre chiṭiạume, ente ḍher din tayom ona do arhõm ńam ruạṛa.

Dosar Biboron 15:18

“Aperen guti se kạ̃ṛmĩ do sạdhintepe sen ocoaere hamal do alope hudisa; ente niạ turui bochor ape ṭhen khaṭaokʼ reakʼ dam do barea mujurikin reakʼ soman kana. Onkope sạdhinleko khan aperen Probhu Isor do sanamakʼe bhoratapea.