Dosar Biboron 14:8 - সান্তালী বাইবেল

⁸ Sukri doko besaphagea; khurạ hạṭińgetakore hõ bako pạgura. Onkoakʼ jel do alope joma ar joṭetʼ hõ alope joṭeda.

Dosar Biboron 14:8 Referans Kwoze

2 Patras 2:22

Onko babotre noa katha do sạrige hoyakana, “Seta do acʼakʼ becʼ secʼe ạcurokʼa,” ar “Sukri do ạrupʼ saphayere hõ leḍreye jobekʼgea.”

Jesaea 66:17

Probhu Isore meneda, “Okoe sukri gel, goḍo gel ar eṭakʼ bạṛicʼakʼ jinisko jom ar porob cakʼlaoko tayom tayomte Jaher ṭạnḍire bolokʼ lạgitʼ debotako ńutumte apnarko begarokʼ arko sonotokʼ, onko do mitʼ domteko marao ocokʼa.

Jesaea 66:3

Menkhan okoe mitʼṭen ḍaṅgrae samaṅede uni do manwa khũnicʼ kanae, okoe mitʼṭen bhiḍi hopone samaṅede uni do setawakʼ hoṭokʼ rạputʼicʼ kanae, ar okoe anaje samaṅetʼkan uni do sukrikoakʼ mãyãm samaṅicʼ kanae, ar iń ńutumte dhupe jeretʼetʼkạnicʼ do boṅgako sewayicʼ kanae. Onko do apan ạpin horko bachao akawana; ar hirkhạwakʼ jinisteko tirpitokʼkana.

Jesaea 65:4

Onko do topakoreko ikṛum baṛaekana ar danaṅ ṭhạ̃ireko tahẽ aṅgakʼkana; onko do sukri jelko jomeda ar bespha jel reakʼ suṛạ hõ onkoakʼ celaṅre tahenkana.

Levitikus 5:2

“Ar jãhãe begor baḍaete jãhãn besaphawakʼe joṭetʼ eman lekhan uni do besapha ar dusi hoṛe hoyokʼa, baṅ do besapha janwar ar ạsul janwarakʼ mạ̃ṛĩkan ar baṅ do leńokʼ ṭunḍạṅkan kạṭicʼ jãhãnkoakʼ mạ̃ṛĩkan.

Dosar Biboron 14:7

Menkhan ekenko pạgur se eken khurạ moto hạṭińgetako onkan janwarkoakʼ jel do bape jom daṛeakʼa. Ũṭ, kulại, saphon kulạiyakʼ jel do alope joma, ente onko doko pạgurgere hõ khurạ do baṅ bar hạṭińgetakoa. Onate onko doko besaphagea.

Dosar Biboron 14:9

“Dakʼreko tahen jiwiyanko modre okoekoakʼ il ar cũyạkʼ menakʼtako eken onkogepe jom daṛeakoa,