Dosar Biboron 14:7 - সান্তালী বাইবেল

⁷ Menkhan ekenko pạgur se eken khurạ moto hạṭińgetako onkan janwarkoakʼ jel do bape jom daṛeakʼa. Ũṭ, kulại, saphon kulạiyakʼ jel do alope joma, ente onko doko pạgurgere hõ khurạ do baṅ bar hạṭińgetakoa. Onate onko doko besaphagea.

Dosar Biboron 14:7 Referans Kwoze

Titus lạgitʼ Pạul Apostolakʼ ciṭhi 1:16

Onko do Isorko baḍaeyede kana menteko lạiyogokʼ kana, menkhan akoakʼ kạmi hotete uni doko baṅekana. Onko do hirkhạ ocokʼko ar bebataoko kanako ar sanam bhage kạmi lạgitʼ doko okạjuạgea.

2Timothi 3:5

Onkoakʼ bahretetʼem ńelle khan Isor bhokti menakʼtakoa mentem bujhạukea, menkhan Isor bhokti reakʼ daṛe do bako aṅgoceda. Nonkan hoṛko khon do pharak akae tahenme.

Mathae 7:26

Ar okoe ińakʼ katha ańjomkate ona leka bae senakʼ uni do lelha hoṛ lekanae, one okoe do gitil cetanre oṛakʼe benaoketʼ.

Levitikus 11:5

Saphon kulại hõko pạgurgea menkhan khurạ do baṅ hạṭińtakoa, onate onko hõko besaphagea.

Dosar Biboron 14:6

Okoeko janwarakʼ khurạ bar hạṭińte cirạge ar okoeko pạgur onko janwarakʼ jel dope jom daṛeakʼgea.

Dosar Biboron 14:8

Sukri doko besaphagea; khurạ hạṭińgetakore hõ bako pạgura. Onkoakʼ jel do alope joma ar joṭetʼ hõ alope joṭeda.

Levitikus 11:6

Kulại doko pạgurre hõ khurạ do baṅ hạṭińtakoa, onate onko hõko besaphagea.