Dosar Biboron 14:3 - সান্তালী বাইবেল

³ “Ape do jãhãn hirkhạwakʼ jinisko alope joma.

Dosar Biboron 14:3 Referans Kwoze

Jeheskel 4:14

Unre ińiń menkeda, “E Probhu Isor, nonka do alo baṛe hoyokʼma. Iń do tishõ bạń besapha akana. Gidrạ khon ńit hạbicʼ acʼte gocʼ akan janwar se janwar hotete ciro gocʼicʼakʼ jãhãnakʼge bạń jomakada. Jãhãn besapha jel do ińakʼ mocate baṅ bolo akana.”

Romiko lạgitʼ Pạul Apostolakʼ ciṭhi 14:14

Probhu Jisu tulucʼ bon kolom mitʼ akante iń do bes okocʼteń baḍaea je, okaṭakʼ jomakʼ hõ besaphawakʼ do baṅkana, menkhan jãhãe jãhãn jomakʼ besaphagea menteye hudisetʼ khan enḍekhan uni lạgitʼ ona jomakʼ do besaphagea.

Levitikus 20:25

Ona iạte janwarko ar cẽṛẽko modren okoe doko saphakokan ar okoe doko besaphage onkope begarkoa. Okoe janwarko se cẽṛẽko se otreko ạcur baṛaekan kạṭicʼ jiwiyanko modre iń do besaphakoń begar akatʼko, onko modren okoeṭakʼte hõ jemon hirkhạwanko alope hoyokʼ.

Levitikus 11:43

Onko iạte alope hirkhạ ocokʼa. Ar onko iạte alope besapha ocokʼa. Ar alope bhõnḍokʼa

Titus lạgitʼ Pạul Apostolakʼ ciṭhi 1:15

Okoeyakʼ ontor napaege onko ṭhen do jotowakʼge napaegea, menkhan okoeyakʼ ontor bạṛicʼ ar bepạtiạrge onko ṭhen cetʼge napaeakʼ do bạnukʼanaṅ, ente onkoakʼ mon ar bibek do mạilạgetakoa.

1 Korinthiko 10:28

Menkhan jãhãeko metape khan, “Noa do boṅga ṭhen teṅgenakʼ kana,” Enḍekhan one okoeye menakatʼpe uni iạte ar bibek khạtirte alope joma.

Jesaea 65:4

Onko do topakoreko ikṛum baṛaekana ar danaṅ ṭhạ̃ireko tahẽ aṅgakʼkana; onko do sukri jelko jomeda ar bespha jel reakʼ suṛạ hõ onkoakʼ celaṅre tahenkana.

Genesis 7:2

Am do sapha jiwiyan mimitʼ jạtrenko khon eae joṛkate eṅga ar ạnḍiạ, ar be sapha jiwiyanko khon do mitʼ joṛakate eṅga ar ạnḍiạm hataokoa.