Dosar Biboron 14:1 - সান্তালী বাইবেল

¹ “Ape do aperen Probhu Isorren hoponko kanape. Ona iạte gocʼ hoṛko lạgitʼpe rakʼ homor joṅre hoṛmore alope getʼ cirokʼa, se bohokʼ samaṅ secʼ alope hoyo poṭorokʼa.

Dosar Biboron 14:1 Referans Kwoze

Galathiko lạgitʼ Pạul Apostolakʼ ciṭhi 3:26

Mạsi Jisure biswạs hotete ape jotoge Isorren hoponkope hoyakana.

Romiko lạgitʼ Pạul Apostolakʼ ciṭhi 9:8

Metakʼme, Israel jạtreko janam akanre hõ Isorren gidrạ doko baṅkana, menkhan Isorakʼ gokʼakʼ lekate okoekoakʼ janam hoyakan, onkoge Abrahamren bõs menteko lekhakʼa.

Levitikus 21:5

“Naekekoakʼ bohokʼ hoyo poṭorokʼ, goco getʼ se hoṛmo reakʼ jãhã jaegare alo jemonko getʼ ghaotako.

Romiko lạgitʼ Pạul Apostolakʼ ciṭhi 9:26

Oka jaegare onkoko men ocolen; ‘ape do ińren hoṛpe baṅkana,’ onḍege onko do jiwetʼ Isorren hopon menteko hoho ocokʼa.”

Ibriko 2:10

Sanamakʼ do Isor lạgitʼ kangea ar uni hotetege sanamakʼ do hoyakana. Onate ạḍi utạr hoponko acʼakʼ mạhimaren bhạgiyạdarko hoyocoko lạgitʼ Jisu do duk jom talate sạbit ocoye reakʼ lek tahẽkantaea.

Romiko lạgitʼ Pạul Apostolakʼ ciṭhi 8:16

Sonot Jiu hõ acʼge aboakʼ ontorre noa gohae emetʼkana je, abo do Isorren gidrạko kana bon.

Johan 1:12

Menkhan tinạkʼ do unireko pạtiạuen arko ataṅkede onko mimitʼko do Isorren gidrạ hoyokʼ reakʼ ạidạriye ematʼkoa.

Hosea 1:10

Enhõ Israel do gaḍa aṛe reakʼ gitil lekako saṅgekʼa, oka do soṅ hõ baṅ soṅ daṛekokʼ se lekha hõ bako lekha daṛekokʼ. Oka jaegare onkoko men ocolen, ‘ape do ińren hoṛpe baṅkana’ onko do onḍegeko men ocokʼa, ‘jiwetʼ Isorren hoponko kanape.’

Jirimiạ 16:6

Niạ disạmren huḍiń hapṛakʼ sanamgeko gujukʼa. Okoehõ onko do bako topakoa, onko lạgitʼ do bako homor halaṅa ar onko lạgitʼ akoakʼ hoṛmo hõ bako getʼ cirạitakoa, ar bohokʼ hõ bako hoyo poṭorokʼa.

1 Johan 3:10

Okoe bhage kạmire apnar bako lạgiyạ paṛao akan tahen ar boeha bako dulạṛetʼko, onko do Isorren doko baṅkana. Ar noatege sodorokʼ kana okoe doko Isorren Hopon kana ar okoe doko Soetanren hopon kana mente.

2 Korinthiko 6:18

Ona chaḍa “Phạdkoren Probhu Isore meneda, ińge aperen babań hoyokʼa, ar ape do ińren hopon ar hoponerakope hoyokʼtińạ.”

Johan 11:52

Ar eken Jihudi jạtrenko lạgitʼ do baṅa, menkhan Isorren chirchạtur akan gidrạko samṭaoko lạgitʼ hõ uni doe gujukʼa.

Jirimiạ 3:19

“Ińgeń menleda, ‘ińge hoponko menkateń ataṅpea ar mitʼṭecʼ hạ̃sanakʼ disạmre, jạt jạtrenko talare mońj utạr ạidạriankoń hoyocopea.’ Iń doń hudisleda baba mentepe hohowạńạ ar iń tayom khon do bape ruạṛa.

Genesis 6:4

Isorren hoponko sãote noko kuṛiyakʼ giticʼmidokʼ iạte tinạkʼko janamen onko do onako dinren daṛean hoṛko hoyena. Onako dinre ar ona tayom hõ dhạrtire Nepheliạ ńutuman mitʼ jạtren hoṛko tahẽkana.

1 Johan 5:2

Abo do tinre Isor bon dulạṛ edekana ar uniyakʼ hukumko bon bataoetʼtaea unre bon baḍaekana je, Isorren gidrạko hõ bon dulạṛetʼkoa.

1 Thessalonikikko 4:13

E boehako, gocʼ akankoakʼ cetʼ hoyokʼ takoa ona reaṅ bin baḍaepe tahen do bale menjoṅ kana, jemon as bạnukʼtako hoṛko leka dukte alope hadosokʼ.

Jirimiạ 47:5

Gasa doe jare jarekʼa ar acʼakʼ bohokʼe ceḍeytaea; Askelon doe marao giḍi ocokʼa. E bilạn ṭạnḍiren sarecʼ hoṛko, ar tinạkʼ din apeakʼ hoṛmope getʼ sirạ soroytapea?

Romiko lạgitʼ Pạul Apostolakʼ ciṭhi 9:4

Onko ma Israel jạtren hoṛ kanako. Isor do hopon hoyokʼ reakʼ ạidạriye em akawatʼkoa, uni do acʼakʼ ṭhonoke udukʼ akawatʼkoa, onko lạgitʼ bondobose dohoakada, ạn-ạrikoe emakada, acʼ sewawae reakʼ ponthae emakana ar ạḍi utạr gokʼakʼ hõe gokʼ akawatʼkoa.

Dosar Biboron 13:18

ente teheń okako hukumiń emapekan onape bataotae ar aperen Probhu Isorakʼ nońjorre ṭhikakʼpe kạmi.

1 Rapajko 18:28

Onate onko do arhõ ãṭ aṛaṅte hohoate memenko ehopʼena ar onkoakʼ niạm lekate hoṛmo khon mãyãm ạuriko oḍok hạbicʼ churikote getʼ cirạkʼ ar jạnumkote akoakʼ hoṛmo ghạlko ehopʼena.

Dosar Biboron 32:6

E bebuj, ar bin ạkilan jạtrenko! Probhu Isor do cetʼ nonkagepe halawaea? Uni do cetʼ aperen baba ar sisirjạuicʼ doe baṅkana? Unige coṅ ape mae sirjạu akatʼpe; ar jạtrenko lekate unige ape doe kajak akatʼpea.

Jesaea 63:16

E Probhu Isor, am do aleren baba kanam. Abraham do bae baḍae akatʼlere hõ se Jakob bae aṅgoclere hõ, enhõ amge aleren baba kanam; am do jaejug hạbicʼ chakʼḍaoicʼ kanam ar noage amakʼ ńutum do.

Jirimiạ 31:9

Onko do rakʼ rakʼteko hijukʼa; ar tinre onkoń ruạṛ ạgukoa unre onko do koe koeteko hijukʼa. Onko do otte ar gaḍa dakʼko secʼteń taṛam ocokoa; onḍe onko do bako tohodokʼa, ente iń do Israelren, metakʼme Eprayimren apat kạnạń ar uni do ińren pạhil janamicʼ hopon kanae.