Dosar Biboron 13:6 - সান্তালী বাইবেল

^6-7 “Dhạrti reakʼ mitʼ simạna khon eṭakʼ simạna hạbicʼ ape beṛhaeten sor ar sạṅgińren okoe do debotako sewawako kan, ar okoe do amren hapṛamkoren bin baḍayicʼ uni debota secʼ amren boeha se amren hopon ar hoponerako se amren bạhu se amren gate am ńamkate bạṛicʼ horte calakʼ lạgitʼe metam, ‘dela, debotako laṅ sewawakoa,’

Dosar Biboron 13:6 Referans Kwoze

2 Patras 2:1

Menkhan Israelko talare cetʼleka eṛe nạbikoko tahẽkan, onkage apeko talarehõ eṛe cecetʼkoko tahena. Onko do hape hapete nonkan bhul cecetʼakʼko ạguiya one okaṭakʼte manwako nosṭokʼ; ar okoeye kiriń chaḍao akatʼko uni Probhu Isor hõ bako aṅgocea. Nonkate onko do ạḍi usạra apnarte nosṭokʼko ạgujoṅa.

Ephesiko lạgitʼ Pạul Apostolakʼ ciṭhi 4:14

Bạṛicʼ bulạuakʼte eṭakʼko bhul horte idiko lạgitʼ oka bhul sikhnạtko emakokan, ona bhul sikhnạt iạte abo do hoete sokojokʼkan ḍheoko leka hante nate alo bon sokojokʼma.

Kạhtukko 18:24

Okoeren aema gate menakʼko uniyakʼ jarkhar do ḍherge hoe botecʼjokʼtaea, menkhan nonkan gate menakʼkoa okoe do boeha khon hõ ḍhere pạtiạrge.

Johan sodor 20:3

Tayomte kulup oṭokate ona cetanreye chap oṭowada, jemon ona mitʼ hajar bochor ạuri mucạdokʼ hạbicʼ dhạrtire jạt jạtrenko eṭakʼ bhul horte bae idi daṛeako; ona tayom thoṛa din lạgitʼ uni doe aṛakʼ ocokʼa.

Johan sodor 12:9

Unre uni maraṅ okocʼ biń ar uniren soṅgeten goḍetko do dhạrtiteko lebda ńur ocoyena. Nui biń doe hoyokʼ kana uni mare bińge okoe do Diabol Soetanko metaekan. Uni do dhạrtiren sanam hoṛko bhul horteye idiyetʼkoa.

1 Samuel 20:17

Jonathan do acʼ apnar lekage Dạude dulạṛede tahẽkante uni do Dạud arhõe kiriạ ocokedea.

1 Samuel 18:3

Jonathan do acʼakʼ jiwi leka Dạude dulạṛkedete uni tulucʼ mitʼṭecʼe bondoboskeda.

1 Samuel 18:1

Sạul tulucʼ Dạudakʼ galmaro mucạtʼen khan Jonathanakʼ jiwi do Dạudakʼ jiwi tulucʼ tolentaea. Onate Jonathan do acʼakʼ jiwi leka Dạude dulạṛkedea.

Dosar Biboron 29:18

Teheń ape talare nonkan herel hoṛ se maejiu se jãhãe gusṭirenko aloko tahenma okoe do aperen Probhu Isor bạgikate onko boṅgako sewawako lạgitʼe lilkạrokʼkan. Ar jãhãe nonkanicʼ menae khan uni do ape talare mitʼṭecʼ rehetʼ leka kanae okoe do sesre bis ar nagdanae upcạu ocoy.

Dosar Biboron 28:54

Unre ape talare okoe dulạṛteye hara akana are sukhi hoṛkan, uniyakʼ ontorre hõ boeha se acʼren dulạṛiạ bạhutae se acʼren hopon ar hoponerakore mãyã baṅ hecʼaea metakʼme jãhãn jomakʼ hõ bae em hạṭińakoa.

Johan sodor 13:14

Ar okako hahaṛa kạmi lạgitʼ ektiạriye emocolen onako kạmikate hoṛko bhul horte idikoe ehopʼkeda. Ar Pạhilicʼ janwar okoe do tarwaṛeteye ghạl ocolenre hõ jiwetʼe tahẽkan, uni dosaricʼ janwar do hoṛkoe metatʼkoa jemon onko do uniyakʼ muṭhạnko benaotae.

Kolossiko lạgitʼ Pạul Apostolakʼ ciṭhi 2:4

Iń do noa kathageń metapekana jemon okoe hõ ạuṛiyakʼ kathakote bhul horte aloko ạnḍicʼ idipe.

Galathiko lạgitʼ Pạul Apostolakʼ ciṭhi 2:4

Adom eṛe boehako oko okoteko bololente katha do rakapʼlena. Jisu Mạsire biswạsiko lekate aboakʼ oka sạdhintetʼ menakʼ ona sạdhintetʼ reakʼ dosko sab lạgitʼ onko do oko okoteko bololena jemon golamko benao daṛeabon.

2 Korinthiko 5:16

Onate ńit khon manwawakʼ bahre secʼ ńelte do bale bicạra. Ale hõ Mạsi do pạhilte onkagele baḍaeledea, menkhan ńitokʼ onka do ar bale baḍaeyede kana.

Jobakʼ 31:27

ar onate ińakʼ ontor do hape hapete unkin secʼ sen akan khan, unkin cokʼakin ńutumte ińakʼ tiyiń cokʼạtiń khan,

Bikʼcạrko 10:6

Israel hoponko do arhõ Probhu Isorakʼ nońjorre oka bạṛicʼakʼkan onage kạmiko ehopʼena. Onko do Bakʼal debotako ar Astarot debiko ar Aramrenko, Sidonrenko, Moabrenko, Amonrenko ar Philisṭikoren debotako sewawakoko ehopʼena. Nonkate Israelko do Probhu Isorko bạgikedete ar bako sewawadea.

Bikʼcạrko 5:8

Onko do nãwã isorko secʼ monko lawerketʼtakoa Ar onkoakʼ phaṭok duạr ṭhen lạṛhại hoyena. Unre pongel hajar Israelkoakʼ tire mitʼṭecʼ ḍhal hõ baṅ tahẽkana, ar mitʼṭecʼ borlom hõ baṅ tahẽkana.

Bikʼcạrko 2:13

Ar nonkate onko do Probhu Isor bạgikate Bakʼal debota ar Asṭoret debiko sewawae kan tahẽkana.

Genesis 16:5

Onate Sạri do Abrame metadea, “Ińre noa behok lạgitʼ dạyi dom amkangea. Ińren kạ̃ṛmĩ do amakʼ aṭetʼreń kolledea, menkhan uni doe bhạrti hoṛmo akana menteye baḍaeketʼ khan ar bae bạsutạń kana. Enḍekhan alaṅ talare okoeṭakʼ laṅ dusikana ona do ńitokʼ Probhu Isorgeye bicạrma.”

Kạhtukko 5:20

E bạbu, cedakʼ am do bạṛicʼ maejiurem moṅgonokʼ kana? Ar ạ̃nạ̃ṛi maejiu do cedakʼem hạṛubea?

2 Samuel 1:26

Hae, Jonathan, ińren boeha! Am lạgitʼ ińakʼ do maraṅ duktiń. Ińren do tinạkʼ dulạṛiạ; iń lạgitʼ amakʼ dulạṛ do kuṛikoakʼ dulạṛ khon hõ ḍherge tahẽkana.

2 Bõsbudạ 15:13

ar onko modren huḍińko ar lạṭuko, herelko ar maejiuko jãhãege Israelren Probhu Isorakʼ sana leka bae calakʼ uni doe gocʼ giḍi ocokʼa.

2 Bõsbudạ 23:17

Ona tayom sanam hoṛko do Bakʼal debotawakʼ mundilte bolokate murtiko rạputʼ giḍikatʼkoa. Onko do pinḍ ar murtikoko rạputʼ gejerketʼkoa. Ar Bakʼal debotaren naeke Matan do pinḍ samaṅregeko gocʼkedea.

Jirimiạ 44:3

Ona do iń khĩs ocoyiń lạgitʼ dusṭạmi kạmiko kạmiakada, onko do senkate dhupko jeretʼkeda ar eṭakʼ isorko sewawatʼkoa, one okoe do bako baḍaeakatʼko ar ape hõ baṅ ar aperen hapṛamko hõ bako baḍaeletʼko.

Sakariạ 13:3

Enhõ jãhãe nạbi lekate kathako roṛ enḍekhan acʼren eṅgat-apat do unikin metaea, ‘am do gujukʼ hoyokʼtama, ente am do Probhu Isor ńutumte eṛe katham roṛeda.’ Ar nạbi lekate kathae roṛetʼkante uniren eṅgat-apat do unikin sobokʼ gojea.

Exodus 13:3

Unre Mose do hoṛkoe metatʼkoa, “Noa din reakʼ katha disại iạte noa dinpe manaoa, ente ape do niạ dinrege Misor reakʼ golam khonpe oḍok hecʼakana. Probhu Isorge acʼakʼ daṛeye udukʼketʼte ona disạm khone oḍok ạguakatʼpea. Niạ dinre khạmi mesalakatʼ cetʼge alope joma.

Exodus 32:27

Unre uni do onkoe metatʼkoa, “Israelren Probhu Isore meneda, ‘ape mimitʼko apan ạpin ḍanḍare tarwaṛe rebedpe, ar ḍera reakʼ sanam ṭhạ̃ire senkate jãhãege samaṅrepe ńamko onkope gocʼkoa, baṅ doe boeha kan, baṅ doe gatekan, baṅ doe aḍepaseren hoṛkan.’ ”

Dosar Biboron 8:14

Unre ape do bạḍại iạtepe phulạukʼa ar golam oṛakʼ khon okoeye oḍok ạgu akatʼpe uni aperen Isorpe hiṛińea.

Dosar Biboron 17:12

Jãhãe hoṛ bạḍại salakʼ uni bikʼcạricʼakʼ katha se aperen Probhu Isorren sapʼdapʼicʼ naekeakʼ katha bae ańjom, enḍekhan uni do khạṭige gocʼ giḍikae hoyokʼa. Ar Israelko tala khon nonkan bạṛicʼ hoṛ dope marao utạrkoa.

Dosar Biboron 18:20

Menkhan iń oka bạń hukum akawade nonkan katha jãhãe nạbi ińakʼ ńutumte dilkate se debotakoakʼ ńutumte kathae roṛ, enḍekhan uni do gocʼ giḍikae hoyokʼa.’

Dosar Biboron 19:19

enḍekhan acʼren boeha cetanre oka cekawaeye menletʼ onage uni cetanre hõ hoyocoe hoyokʼa. Ar ape tala khon nonkanko hoṛ dope marao utạrkoa.

Dosar Biboron 21:21

Unre ona ṭhạ̃iren sanam herel hoṛ do dhirite uniko tiń gojea. Ar nonkate ape tala khon uni bạṛicʼ hoṛ doe caba utạrokʼa. Ar Israelko do noa katha ańjomkate botor caṛhaoakoa.

Dosar Biboron 22:21

tobe kuṛi do acʼ apattetʼakʼ oṛakʼ reakʼ duạr ṭhen idiye hoyokʼa. Ar onḍe herel hoṛko do dhirite uniko tiń gojea. Kuṛi do apattetʼakʼ oṛakʼre tahen jokhecʼe laṭghaṭletʼ iạte Israelko talare mitʼṭecʼ hirkhạwakʼe kạmiakada. Ar ape tala khon nonkan bạṛicʼan hoṛ dope marao utạrkoa.

Dosar Biboron 24:7

“Ar jãhãe hoṛ jãhãe Israel boeha kombṛo idikate guti menteye hataoe seye ạkhrińe, enḍekhan uni kombṛo hoṛ do gujukʼ hoyokʼtaea. Ape tala khon onkan bạṛicʼ hoṛ dope marao utạrkoa.

Josuạ 7:13

“Am do senkate iń ńutumte hoṛko begarkom. Arem metakoa onko jemon gapa lạgitʼ apnartetʼ sapha akanko tahen ma. Israelkoren Probhu Isore meneda, ‘E Israel, ape modren nonkanakʼ jinis menakʼa one okaṭakʼ do ḍahao maraokʼ sarapanakʼ tabe reakʼ kan. Onako ape tala khon ạuripe oḍok giḍikakʼ hạbicʼ aperen bạiriko samaṅre bape teṅgo daṛeakʼa.

Bikʼcạrko 20:13

Gibearen onko bạṛicʼ hoṛ do aleakʼ tire jimạkope jemon onkole gocʼkote Israelko tala khon hirkhạwakʼle ocokʼ giḍikakʼ. Menkhan Benjaminrenko do akoren Israel boehakoakʼ katha bako luturada.

1 Rapajko 18:40

Unre Eliạ do noae hukumkeda, “Bakʼal debotaren nạbiko sapʼkope. Onkoren mitʼ hoṛ hõ alope paskao ocokoa.” Unre hoṛko do onkoko sapʼketʼkoa. Ar Eliạ do Kisạn soḍokʼte idikate onkoe gocʼketʼkoa.

2 Rapajko 11:18

Ona tayom disạmren sanam hoṛ do Bakʼal debotawakʼ mundilte senkate onako rạputʼ giḍikada. Onko do onḍenakʼ pinḍ ar murhutʼkoko rạputʼ giḍikatʼkoa ar Bakʼal debotaren naeke Matan do pinḍ samaṅreko gocʼkedea. Tayomte Jehoyada naeke do Probhu Isorakʼ oṛakʼre pahradarkoe bahalketʼkoa.

Jirimiạ 28:15

Unre Jirimiạ nạbi do Hananiại metadea, “E Hananiạ, ańjomme. Probhu Isor do bae kol akatʼmea, menkhan jạtrenko do eṛe kathatem pạtiạu ocoakatʼkoa.

Jirimiạ 28:16

Onate Probhu Isore meneda, ‘am do dhạrti khoniń ocokʼmea. Niạ bochorge am dom gujukʼa, ente am do Probhu Isor upạrte hul reakʼem porcar akada.’ ”