Dosar Biboron 13:5 - সান্তালী বাইবেল

⁵ Menkhan uni nạbi se uni kukmũ ńeńelicʼ hoṛ dope gocʼ giḍikaea, ente aperen Probhu Isor, okoe do Misor disạm khone oḍok ạguakatʼpe ar golam oṛakʼ khone chaḍao akatʼpe, uni upạrteye uskạu akatʼpea ar aperen Probhu Isor oka horte calakʼ reakʼe hukumakatʼpe ona hor khon ruạṛpe lạgitʼe kurumuṭukana. Onate ape tala khon uni bạṛicʼicʼ dope marao giḍikaea.

Dosar Biboron 13:5 Referans Kwoze

Dosar Biboron 18:20

Menkhan iń oka bạń hukum akawade nonkan katha jãhãe nạbi ińakʼ ńutumte dilkate se debotakoakʼ ńutumte kathae roṛ, enḍekhan uni do gocʼ giḍikae hoyokʼa.’

Jirimiạ 14:15

Okoeko nạbi do iń ńutumteko nạbiyetʼkan onko reaṅge iń Probhu Isor do noa kathageń menetʼkana, onko do bạń kol akatʼkoa, enhõko meneda, ‘niạ disạmre jãhãn lạṛhại se akal do baṅ hoyokʼa.’ Menkhan onko nạbi do jotoge lạṛhại ar akalteko marao utạrokʼa.

Dosar Biboron 24:7

“Ar jãhãe hoṛ jãhãe Israel boeha kombṛo idikate guti menteye hataoe seye ạkhrińe, enḍekhan uni kombṛo hoṛ do gujukʼ hoyokʼtaea. Ape tala khon onkan bạṛicʼ hoṛ dope marao utạrkoa.

Dosar Biboron 22:21

tobe kuṛi do acʼ apattetʼakʼ oṛakʼ reakʼ duạr ṭhen idiye hoyokʼa. Ar onḍe herel hoṛko do dhirite uniko tiń gojea. Kuṛi do apattetʼakʼ oṛakʼre tahen jokhecʼe laṭghaṭletʼ iạte Israelko talare mitʼṭecʼ hirkhạwakʼe kạmiakada. Ar ape tala khon nonkan bạṛicʼan hoṛ dope marao utạrkoa.

Dosar Biboron 19:19

enḍekhan acʼren boeha cetanre oka cekawaeye menletʼ onage uni cetanre hõ hoyocoe hoyokʼa. Ar ape tala khon nonkanko hoṛ dope marao utạrkoa.

Dosar Biboron 17:7

Uni hoṛ goje lạgitʼ do gohakoge pạhilre dhiriteko tiń maṛaṅema, ar ona tayom do eṭakʼ hoṛkoko tińea. Ar nonkate ape tala khon uni bạṛicʼ hoṛpe marao giḍikaea.

Dosar Biboron 13:10

Misor disạm reakʼ golam oṛakʼ khon okoeye oḍok ạguakatʼme amren Probhu Isor secʼ khon ruạṛmeye kurumuṭuyetʼ khan uni do dhiritem tiń gojea.

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniyakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.

Aposkạmi 13:8

Menkhan Eluma do Barnabas ar Sạul tạkicʼkine ehopʼkeda ar disạm cakʼlaoyicʼ hõ Jisure pạtiạukʼ khon ruạṛe lạgitʼe kurumuṭukeda.

Sakariạ 13:3

Enhõ jãhãe nạbi lekate kathako roṛ enḍekhan acʼren eṅgat-apat do unikin metaea, ‘am do gujukʼ hoyokʼtama, ente am do Probhu Isor ńutumte eṛe katham roṛeda.’ Ar nạbi lekate kathae roṛetʼkante uniren eṅgat-apat do unikin sobokʼ gojea.

Jirimiạ 50:6

“Ińren hoṛ do atʼ akan bhiḍiko lekako hoyakana; onkoren gukʼpiko do bạṛicʼ horteko ghańjeṛ idi akatʼkoa. Onko gukʼpiko iạte onko do buru burukore ar boṭkocʼ boṭkocʼko calakʼkana ar akoakʼ chaṛko hiṛińakada.

1 Rapajko 18:40

Unre Eliạ do noae hukumkeda, “Bakʼal debotaren nạbiko sapʼkope. Onkoren mitʼ hoṛ hõ alope paskao ocokoa.” Unre hoṛko do onkoko sapʼketʼkoa. Ar Eliạ do Kisạn soḍokʼte idikate onkoe gocʼketʼkoa.

Dosar Biboron 22:24

enḍekhan unkin banarge onḍenakʼ phaṭok duạr ṭhen idikate dhirite tiń gocʼkin hoyokʼa. Kuṛi do noa iạtege goje hoyokʼa uni do ato se nagrahare tahẽkate hõ goṛo ńam lạgitʼ bae kikiạuleda, ar herel do eṭakʼ hoṛren bạhui nosṭokede iạte. Ape talare nonkan bạricʼ hoṛ dope marao utạrkoa.

Dosar Biboron 7:4

ente onko kuṛiko do iń ṭhen khon aperen hoponkoko pharakkoa ar onkoren debotako sewa ocokoa. Onate Probhu Isorakʼ edre seṅgel do ape upạrte jolokʼa ar apeye marao utạrpea.

Dosar Biboron 4:19

Serma secʼ beṅgetʼkate siń-cando, ńindạ-cando ar ipilko, metakʼme coṭ sermare menakʼakʼ jiniskote apeakʼ mẽtʼ do alo baṛe bulạukʼtapema ar dhạrtiren sanam jạtrenko cetanre emakʼ aperen Probhu Isorakʼ noa jinisko reakʼ alope sewawakʼa.

Dosar Biboron 13:9

Uni do gojetege hoyokʼa. Ar uni gocʼ giḍikae reakʼ kạmi do amakʼ titege ehob hoyokʼtama, ar inạ tayom do eṭakʼkoko seledokʼa.

Dosar Biboron 13:15

onḍenko sanam hoṛge gocʼ giḍikako hoyokʼa. Ar ape do ona ato ar nagraha, onaren hoṛko ar janwarko purạtepe marao cabakoa.

Dosar Biboron 17:5

enḍekhan okoe herel hoṛ se maejiu nonkae kạmiakatʼ uni do ato se nagraha reakʼ bahre phaṭok duạr ṭhen idikate dhiritepe tiń gojea.

Bikʼcạrko 20:13

Gibearen onko bạṛicʼ hoṛ do aleakʼ tire jimạkope jemon onkole gocʼkote Israelko tala khon hirkhạwakʼle ocokʼ giḍikakʼ. Menkhan Benjaminrenko do akoren Israel boehakoakʼ katha bako luturada.

Jirimiạ 29:32

Iń do khạṭige Nehelamren Semaya ar uni bõsrenkoń sạjạikoa. Noko jạtrenko modre uniren do celege bako tahena ar ińren hoṛko okań bhạlạiko ona do bae ńela, ente uni do iń upạrteye hul akada. Iń Probhu Isorge noa katha doń meneda.’ ”

Dosar Biboron 6:13

“Ape do aperen Probhu Isorpe ḍobokʼaea, ar eken uni eskargepe sewawaea ar uni ńutumtegepe kiriạkʼa.

Dosar Biboron 26:14

Gocʼko lạgitʼ homor halaṅ dinre hõ am ńutumte begar dohoakatʼ hạṭińko reakʼ khon cetʼge bạń jomakada, se chut iń tahẽkan jokhecʼ hõ oṛakʼ khon bạń oḍokleda, se ona khon jãhãn hạṭiń hõ gocʼko ńutumte bạń dan akada. Iń do ińren Probhu Isorakʼ katha lekageń kạmi akada. Amem hukumakatʼ jotowakʼgeń kạmi akada.

Josuạ 23:8

Ape do aperen Probhu Isorre sapʼ kajak akae tahenpe, cetʼleka teheń hạbicʼ sapʼakae menakʼpe.

1 Samuel 12:14

Ape do Probhu Isorpe botorae, arpe sewawae ar uniyakʼpe bataotaete uni upạrte bape taṛam, ar okoe apeye ḍanṭaope uni aperen raj ar aperen Probhu Isorakʼ sana lekape calakʼ, enḍekhan do bhagegea.

1 Rapajko 13:19

Ar unre Isorren hoṛ do uni sãoteye ruạṛ calaoena ar uniyakʼ oṛakʼreye jom-ńũkeda.

2 Bõsbudạ 34:31

Raj do acʼakʼ jaegare teṅgokate Probhu Isorakʼ horte calakʼ lạgitʼ goṭa mon ar ontorte uniyakʼ sanam hukumko, ạn-ạriko manao lạgitʼ, metakʼme niạ puthire olakʼ bondobos reakʼ sanamakʼ katha manao lạgitʼ Probhu Isor samaṅreye kiriạ ocoketʼkoa.

Jirimiạ 7:23

menkhan noań hukumatʼko tahẽkana, ‘ińakʼ katha leka senokʼpe, iń do aperen Isoriń hoyokʼa ar ape do ińren hoṛpe hoyokʼtińạ. Ar oka horte calakʼ reakʼ iń hukumakatʼpe ona horte calakʼpe jemon bhạlại hoyokʼtape.’