Dosar Biboron 13:17 - সান্তালী বাইবেল

¹⁷ Probhu Isor jemon acʼakʼ botoranakʼ edre khone ruạṛokʼ onate apeakʼ tire noako jinis reakʼ mitʼṭen hõ jemon alo ńelokʼ, ente onare do maraokʼ reakʼ sarap menakʼa. Enḍekhan uni do daya are mãyãwapea ar aperen hapṛamko ṭhen kiriạkateye gokʼletʼ iạte aperen bõskoe bạḍ ocokoa,

Dosar Biboron 13:17 Referans Kwoze

Josuạ 7:26

Akhanakʼ hoṛmo cetanre onko do ạḍi utạr dhiriko puńjikeda. Ona do teheń hạbicʼ hõ menakʼgea. Inạ tayom Probhu Isor do acʼakʼ edre khone ạcurena. Ar onate ona jaega do Akor lodamko metakʼkana.

Dosar Biboron 7:26

Jãhãn hirkhạwakʼ jinisko oṛakʼte alope adera. Onako do mon ar ontorte hirkhạwakʼpe ar giḍikakʼpe, ente onako cetanre do maraokʼ reakʼ sarap menakʼa. Ar oṛakʼtepe ader khan ape cetanre hõ sarap paṛaokʼa.

Genesis 26:24

Ar Probhu Isor do enhilokʼge uni ṭhen ńel ocoyenteye menkeda, “Iń do amren baba Abrahamren Isor kạnạń. Alom botorokʼa, ente iń do am sãote minạńa. Ińren guti Abraham lạgitʼge amiń bhorama ar amakʼ bõskoń saṅge ocoytama.”

Genesis 26:4

Iń do am bõsren hoṛko sermaren ipilko lekań saṅge ocokoa ar noa disạm do onkoń emakoa. Ar amren bõs hotete dhạrtiren sanam jạtrenko do bhorko ńama,

Josuạ 6:18

Menkhan okako jinis do sarapanakʼ tabere menakʼ ona khon pharakre tahenpe jemon ona khon jãhãnakʼ apnar lạgitʼpe ạgujoṅte ape cetanre bạṛicʼakʼpe ạgujoṅ. Arpe onka lekhan Israelkoakʼ ḍera cetanre bạṛicʼakʼpe ạguiya ar muhinrepe paṛao ocokoa.

Dosar Biboron 30:3

unre Probhu Isor do bondi dosa khone chaḍao ruạṛ ạgupea. Uni doe mãyãwapea ar okoe jạtrenko talareye pasnaope onko tala khon arhõe halaṅ samṭao ruạṛpea.

Genesis 28:14

Amren bõsko do dhạrtiren gitil lekako saṅgekʼa. Onko do purub-pạchim ar utạr-dạkhin secʼko pasnao idikʼa. Ar dhạrtiren sanam jạtrenko do am ar amren bõsko hotete bhorko ńama.

1 Korinthiko 16:22

Jãhãe hoṛ Probhu Isor bae dulạṛe khan sarapicʼe hoyokʼma. Maran atha [Probhu Isore darae kana].

Jeheskel 37:26

Onko lạgitʼ mitʼṭecʼ bhạlạiyanakʼ bondobosiń dohoya; ar ona do jaejug lạgitʼ mitʼṭecʼ bondobosge hoyokʼa. Onko do daṛeankoń hoyocokoa ar onkoakʼ lekhań baḍhao ocoytakoa ar ińakʼ oṛakʼ do jaejug lạgitʼ onko talareń bạisạutińạ.

Rak̕joṅ 3:32

Uni do duke emokʼrehõ enhõ uniyakʼ asambheṛ daya iạteye mãyãkʼgea,

Sereńko 78:38

Enhõ uni do mãyãteye perecʼgete onkoakʼ bedhoromakʼkoe ikạketʼtakoa, onko do bae marao giḍiletʼkoa; acʼakʼ edre do ghane ghạṛicʼe dobnaoketʼtaea, uniyakʼ edre do baṅ sarsao rakapʼlena.

Josuạ 22:20

Okako jinis do ḍahao maraokʼ reakʼ kan ona reaṅ Sera hopon Akan do bepạtiạricʼe hoylente Probhu Isorakʼ edre goṭa Israelko cetanre cetʼ baṅ paṛaolena? Uni do acʼakʼ kại iạte eskar do bae gocʼlena.’ ”

Josuạ 7:1

Jerikho nagraha maraokʼ reakʼ sarapanakʼ jinisko babotre Israelko do pạtiạrangeko tahẽkana. Menkhan Jihudạ gusṭiren Kạrmi hopon Akhan do onako jinis khon thoṛa do acʼ lạgitʼe dohokeda. Uni do Sabdaeren hopon Serahren goṛomtetʼ koṛae tahẽkana. Uni do noa kạmi iạte Israelko cetanre Probhu Isorakʼ pite caṛhao ocoketʼtaea.

Josuạ 6:26

“Inạ tayom Josuạ do kiriạyenteye menkeda, “Jerikho nagraha okoe hoṛ arhõe benao rakab unire do Probhu Isorakʼ sarap paṛaokʼa: Pạhilicʼ hoponakʼ jiwite uni do ona reakʼ rehetʼe rakaba, ar huḍińicʼ hoponakʼ jiwite ona reakʼ phaṭok duạrkoe gathaoa.”

Dosar Biboron 7:13

Uni do apeye dulạṛpea, are bhorapea ar aperen hoṛkoe saṅge ocopea. Ar okaṭakʼ disạm emokʼ lạgitʼ aperen hapṛamko ṭhene gokʼletʼ tahẽkan ona disạmteye aderpea. Onate aperen do ḍher hopon ar hoponerako hoyokʼtapea, ar apeakʼ jumi khon ḍher anajko, darkha rasako ar sunumkope ńama, ar aperen bhiḍi, merom, ḍaṅgrako hõ ạḍi ḍherko hoyokʼtapea.

Numeri 25:4

Probhu Isor do Moseye metadea, “Israelkoren sanam mukhiyạkom sapʼkoa arem gocʼkoa ar onkoakʼ mạ̃ṛĩ do siń reakʼ marsalre iń samaṅrem giḍikakʼa. Tobe anecʼ Israel hoponko cetan khon ińakʼ edre do ocogokʼtińạ.”

Exodus 20:6

Menkhan okoe ińko dulạṛiń ar ińakʼ hukum lekako calakʼ, onko do hajar piṛhi hạbicʼ iń dayawakoa.

Exodus 32:12

Ar Misorrenko do niạ katha roṛ reakʼ cedakʼ ạtko ńama, dhạrti khon meṭaoko lạgitʼ am do noa buru ṭoṭha talarem oḍok ạgu akatʼkoa? Amakʼ noa botoranakʼ edre do thirtam. Dayakʼme, amren hoṛko cetanre noa muhin do alom ạguiya.

Dosar Biboron 13:18

ente teheń okako hukumiń emapekan onape bataotae ar aperen Probhu Isorakʼ nońjorre ṭhikakʼpe kạmi.

Dosar Biboron 30:5

Uni do aperen hapṛamkoakʼ disạmteye ruạṛ ạgupea ar ape do arhõ onape hat ruạṛa. Uni do ạḍiye bhạlạiypea ar aperen hapṛamko khon hõ ḍhere saṅge ocopea.

Sereńko 85:3

Amakʼ sanam bumhạukʼkan edre dom sạṅgiń giḍi akada ar amakʼ jolokʼkan edre khonem ruạṛ akana.

Hosea 11:9

Ińakʼ botoranakʼ edre do bạń sodora, Ephrayim do ar bạń marao utạrea, ente iń doń Isor kana, manwa do baṅa; iń do amreń tahenkan uni sonoticʼ kangeạń. Edre do bạń ạguiya.

Josuạ 6:24

Ona tayom onko do goṭa nagraha ar ona bhitri reakʼ jotowakʼko jeretʼ giḍikada, menkhan sona, rupạ, tama ar mẽṛhẽtʼ reakʼ jinisko do Probhu Isorakʼ khajańci oṛakʼreko jarwakeda.

Josuạ 8:28

Ar Josuạ do Ae nagrahae jeretʼatʼte jaejug lạgitʼ mitʼṭecʼ ḍahao maraoakʼ ḍhipi lekae hoyocokeda; ona do teheń hõ mitʼṭecʼ jarkharakʼ ṭhạ̃ige menakʼa.