Dosar Biboron 13:16 - সান্তালী বাইবেল

¹⁶ Ar onḍenakʼ luṭ ạguwakʼ joto jinisko do nagraha reakʼ tala kulhirepe dohoya ar sanamakʼ jinisko, ona ato ar nagraha hõ aperen Probhu Isor ńutumte jeredokʼ samaṅokʼakʼ leka purạtepe jeretʼ giḍikakʼa. Ona jaega do jaejug hạbicʼ ḍhipi leka tahena; ar ona do tishõ baṅ benao hoyokʼ.

Dosar Biboron 13:16 Referans Kwoze

Jirimiạ 49:2

Ńelme, okteko hijukʼkana tinre iń do Amonrenkoakʼ Raba nagraha upạrte lạṛhại reakʼ andoṛiń ańjom ocoya; unre ona do dhaṅdhaser akatʼ ḍạṅge hoyokʼa, ar ona beṛhaeteakʼ atoko do seṅgelko junḍiyakʼa. Unre Israelko do okoe ṭhenko dokhol ocolen onkogeko dokholkoa. Iń Probhu Isorge noa katha doń meneda.

Josuạ 8:28

Ar Josuạ do Ae nagrahae jeretʼatʼte jaejug lạgitʼ mitʼṭecʼ ḍahao maraoakʼ ḍhipi lekae hoyocokeda; ona do teheń hõ mitʼṭecʼ jarkharakʼ ṭhạ̃ige menakʼa.

Jesaea 25:2

Ente nagraha do dhiri puńjirem hoy ocoakada ar pạcrite esetʼ nagrahako dom dhaṅ dhaser akada. Bidisiạ bạirikoakʼ gaṛ do ar baṅ tahena; ona do tishõ baṅ benaokʼa.

Jesaea 17:1

Damesek reakʼ nạbi katha do nonka leka: Probhu Isore meneda, “Ńelpe, Damesek nagraha do ar baṅ tahena, ona do mitʼṭecʼ dhaṅdhaserakʼ ḍạṅge hoyokʼa.

Josuạ 6:24

Ona tayom onko do goṭa nagraha ar ona bhitri reakʼ jotowakʼko jeretʼ giḍikada, menkhan sona, rupạ, tama ar mẽṛhẽtʼ reakʼ jinisko do Probhu Isorakʼ khajańci oṛakʼreko jarwakeda.

Mikạ 1:6

Ona iạte Probhu Isore meneda, “Samariạ do khola ṭạnḍi reakʼ ḍipigeń hoeocoya, ar ona do darkha nạ̃ṛĩ rohoe reakʼ ṭhạ̃ige hoyokʼa. Ona reakʼ dhiriko do lodamreń giḍikakʼa ar ona reakʼ rehetʼ doń oṭakʼ dohokakʼa.

Josuạ 6:26

“Inạ tayom Josuạ do kiriạyenteye menkeda, “Jerikho nagraha okoe hoṛ arhõe benao rakab unire do Probhu Isorakʼ sarap paṛaokʼa: Pạhilicʼ hoponakʼ jiwite uni do ona reakʼ rehetʼe rakaba, ar huḍińicʼ hoponakʼ jiwite ona reakʼ phaṭok duạrkoe gathaoa.”

Dosar Biboron 7:25

Onkoren boṅga muṭhạnko do seṅgelrepe khadle giḍikakʼa. Ar onkoakʼ hoṛmo reakʼ sona, rupạ do alope lalocakʼa. Ar ape lạgitʼ hõ alope hataoa, ente onape onkae khan onakoge apeakʼ jhampa leka hoyokʼa. Ar aperen Isor ṭhen hõ ona do hirkhạwanakʼ jinis kana.

Dosar Biboron 7:26

Jãhãn hirkhạwakʼ jinisko oṛakʼte alope adera. Onako do mon ar ontorte hirkhạwakʼpe ar giḍikakʼpe, ente onako cetanre do maraokʼ reakʼ sarap menakʼa. Ar oṛakʼtepe ader khan ape cetanre hõ sarap paṛaokʼa.

Jeheskel 26:14

Am do cạṭạni lekań hoyocomea ar am do jhạliko tase reakʼ rohoṛ ṭhạ̃igem hoyokʼa. Ar am do bam benao aro ocokʼa, ente iń Probhu Isorge noa katha doń meneda.

Exodus 22:19

“Jãhãn janwar sãote jãhãegeye laṭghaṭ enḍekhan uni do gojete hõ goje hoyokʼa.

Josuạ 6:21

Onko do khanḍa banḍawante herel ar maejiuko, gidrạ ar haṛam buḍhiko, ḍaṅgrako, bhiḍiko, gadhako ar eṭakʼ sanam jiwiyankoko marao cabaketʼkoa.