Dosar Biboron 13:15 - সান্তালী বাইবেল

¹⁵ onḍenko sanam hoṛge gocʼ giḍikako hoyokʼa. Ar ape do ona ato ar nagraha, onaren hoṛko ar janwarko purạtepe marao cabakoa.

Dosar Biboron 13:15 Referans Kwoze

Dosar Biboron 7:2

Ar aperen Probhu Isor do tinre apeakʼ tireye jimạkoa unre sanamkope marao utạrkoa. Onko sãote jãhãn bondobosge alope dohoya ar onkore daya hõ alope dayakʼa.

Levitikus 27:28

“Jãhãe hoṛ acʼren jãhãnicʼge Probhu Isor ńutumte marao reakʼe sarapae enḍekhan uni do ar bae ạkhriń daṛeaea se bae chaḍao daṛeaea. Baṅ do gharońj reakʼ jumige cetʼ ar manwa se mĩhũ-meromge cetʼ. Nonkanakʼ jãhãnakʼge maraoakʼ reakʼ sarapakʼ tabere sodorokʼ ona jotoge Probhu Isor ńutumte sonotakʼ jinis kana.

Exodus 22:20

“Probhu Isor chaḍa jãhãege jãhãe debota ṭhen jãhãnakʼe samaṅ enḍekhan uni hõ goje hoyokʼa.

Johan sodor 17:16

Ar oka gel goṭecʼ dereńem ńelketʼ onako ar uni janwar do uni kusmbiko hirkhạwaea. Onko do uniko maraoe giḍiyea arko uluṅea ar uniyakʼ jelko joma; ona tayom uni do seṅgelreko atar giḍikaea.

Bikʼcạrko 20:48

Ar Israelko do ruạṛkate Benjạminren sarecʼ sanam hoṛko gocʼketʼkoa ar nagraha ar atore onkoren jãhãegeko ńamketʼko onko jotogeko gocʼketʼkoa. Onko do nagraha ar atote bolokate seṅgelte jotowakʼko jeretʼ giḍikada.

Josuạ 6:24

Ona tayom onko do goṭa nagraha ar ona bhitri reakʼ jotowakʼko jeretʼ giḍikada, menkhan sona, rupạ, tama ar mẽṛhẽtʼ reakʼ jinisko do Probhu Isorakʼ khajańci oṛakʼreko jarwakeda.

Dosar Biboron 7:16

Aperen Probhu Isor apeakʼ tire okoe jạtrenkoe jimạko onko dope marao utạrkoa. Onko do daya hõ alope dayawakoa ar onkoren debotako hõ alope sewawakoa, ente ona do apeakʼ jhampa lekako hoyokʼa.

Dosar Biboron 2:34

Ona jokhecʼ abo do uniyakʼ sanam atoko ar nagrahako bon dokholketʼte onkoren herel hoponko, maejiuko ar gidrạko bon marao cabaketʼkoa; onkoren celege jiwetʼ do babon doholetʼkoa.

Exodus 23:24

Ape do onkoren boṅgako se debotako alope sewawakoa ar onḍenko hoṛ cetʼko cekae onka hõ alope kạmiya. Ape do onkoren murtikope rạputʼkoa ar onkoakʼ pujạ reakʼ thanko hõpe rạputʼ gidikakʼa.

Dosar Biboron 13:5

Menkhan uni nạbi se uni kukmũ ńeńelicʼ hoṛ dope gocʼ giḍikaea, ente aperen Probhu Isor, okoe do Misor disạm khone oḍok ạguakatʼpe ar golam oṛakʼ khone chaḍao akatʼpe, uni upạrteye uskạu akatʼpea ar aperen Probhu Isor oka horte calakʼ reakʼe hukumakatʼpe ona hor khon ruạṛpe lạgitʼe kurumuṭukana. Onate ape tala khon uni bạṛicʼicʼ dope marao giḍikaea.

Dosar Biboron 13:14

Ar onage hoyokʼ khan ape do mońj okocʼte suṭhik hataokate biḍạu aṭkarpe. Ar sạrikana mente sạbudlen khan bạṛicʼ utạrakʼ kạmi ape talare hoyakante,

Dosar Biboron 17:4

Ar onako reakʼpe baḍae lekhan, ona reakʼ mońjtepe suṭhik hataoa. Ar sạrikan khan ar Israelko talare hirkhạwanakʼ kạmi hoyakana mente sạbudokʼ khan,

Esra 10:16

Ar bondi dosa khon ruạṛ hecʼakan hoṛko do ona katha lekageko kạmikeda. Naeke Esra do mitʼke mitʼ bõs khon mukhiyạkoe bachaoana. Ar gelakʼ cando reakʼ pạhil din hilokʼ onko do ona babotre ḍunḍhạu lạgitʼko duṛupʼena.