Dosar Biboron 13:11 - সান্তালী বাইবেল

¹¹ Onate Israel do sanamkoge niạ katha ańjomkate botor caṛhaoakoa ar ape modren okoe hõ nonkan bạṛicʼ kạmi do bako kạmiya.

Dosar Biboron 13:11 Referans Kwoze

Dosar Biboron 19:20

Inạkhan noa ańjomkate eṭakʼ Israelko do botor hecʼakoa ar nonkan behokakʼ do tisge bako kạmiya.

Dosar Biboron 17:13

Enḍekhan ona katha ańjomkate hoṛko do botor caṛhao akoa ar nonka bako bạḍạiyokʼa.

1Timothi 5:20

Okoe mukhiyạko kạkạitegeko tahen onko do manḍerren sanam hoṛko samaṅre nisṛạukom jemon eṭakʼ mukhiyạko hõ botor tahentako.

Kạhtukko 21:11

Landa dhutʼicʼ sạjại lekhan lelhayicʼ do ạkile hameṭ joṅa; ạkilan hoṛ solha emae khan uni do bude hameṭjoṅa.

Kạhtukko 19:25

Landa dhutʼicʼem dal lekhan lelha hoṛ doe sontorokʼa; ar bujhạntar hoṛem nisṛạule khan uni do ạkile hameṭ joṅa.

Dosar Biboron 13:12

“Aperen Probhu Isor okako ato se nagrahako girobasokʼ lạgitʼe em lạgidokʼkan ona jãhãṭakʼ reaṅ hoedaṛeakʼape ańjom ńama,

Dosar Biboron 21:21

Unre ona ṭhạ̃iren sanam herel hoṛ do dhirite uniko tiń gojea. Ar nonkate ape tala khon uni bạṛicʼ hoṛ doe caba utạrokʼa. Ar Israelko do noa katha ańjomkate botor caṛhaoakoa.

Exodus 13:3

Unre Mose do hoṛkoe metatʼkoa, “Noa din reakʼ katha disại iạte noa dinpe manaoa, ente ape do niạ dinrege Misor reakʼ golam khonpe oḍok hecʼakana. Probhu Isorge acʼakʼ daṛeye udukʼketʼte ona disạm khone oḍok ạguakatʼpea. Niạ dinre khạmi mesalakatʼ cetʼge alope joma.

Numeri 25:4

Probhu Isor do Moseye metadea, “Israelkoren sanam mukhiyạkom sapʼkoa arem gocʼkoa ar onkoakʼ mạ̃ṛĩ do siń reakʼ marsalre iń samaṅrem giḍikakʼa. Tobe anecʼ Israel hoponko cetan khon ińakʼ edre do ocogokʼtińạ.”

Josuạ 7:25

Ona tayom Josuại menkeda, “Abo cetanre cedakʼ muhin dom ạgukeda? Teheń Probhu Isor do amre hõ muhine paṛao ocoya.” Unre sanam Israelko do pạhilre Akhan ar ona tayom do uni gharońjren sanamko dhiriteko tiń gocʼketʼkoa. Ar ona tayom do jotowakʼko jeretʼ giḍikada.