Dosar Biboron 12:7 - সান্তালী বাইবেল

⁷ Onḍege aperen Probhu Isor samaṅre apeakʼ gharońjrenko salakʼpe jom ńũiya ar uniyakʼ bhor iạtepe ńamakatʼ apeakʼ khaṭao akan reakʼ kuṛại iạtepe rạskạkʼa.

Dosar Biboron 12:7 Referans Kwoze

Dosar Biboron 12:18

Aperen Probhu Isore bachao akatʼ ṭhạ̃ire uni samaṅre jojom hoyokʼtapea. Ape, aperen gidrạko, aperen guti-kạ̃ṛmĩko ar apeakʼ ato ar nagraharen Liwiko do onako joma ar apeakʼ khaṭaoakʼ reakʼ kuṛại iạte aperen Probhu Isor samaṅrepe rạskạ midokʼa.

Dosar Biboron 14:26

Ar ona ṭakate apeakʼ kusi leka jiniskope kirińa, jemon ḍaṅgra, merom, bhiḍi, darkha rasa, eṭakʼ jãhãnakʼ se apeakʼ kusi leka jãhãnakʼgepe kiriń daṛeakʼa. Ona tayom do apeakʼ gharońjrenko tulucʼ aperen Probhu Isor samaṅre jom ńũkatepe rạskạkʼa.

Levitikus 23:40

Pạhilakʼ dinre ape lạgitʼ dare reakʼ joto khon bhageakʼ jo, khijur sakam, suṛukucʼ dareko ar jhạṛpạ dareko reakʼ ḍạrkope ạguiya. Ona tayom eae din ape do aperen Probhu Isor samaṅrepe rạskạ hulạsokʼa.

Dosar Biboron 12:12

Ar onḍe aperen Probhu Isor samaṅre ape ar apren hoponko, hoponerako, aperen guti-kạ̃ṛmĩko, ato ar nagraharen Liwiko okoe do apnarakʼ mente jãhãn jaega-jumi se sompotti bạnukʼtako onko sanamko sãotepe rạskạ midokʼa.

Philipiko lạgitʼ Pạul apostolakʼ ciṭhi 4:4

Probhu tulucʼpe kolom mitʼ akante ape do jaoge rạskạkʼpe. Arhõń mena, rạskạkʼpe baṛe.

Dosar Biboron 27:7

Onḍe do sulukren samaṅokʼakʼ porob hõpe porobokʼa ar samaṅokʼakʼ jinisko jomkate aperen Probhu Isor samaṅrepe rạskạkʼa.

Dosar Biboron 15:20

Aperen Probhu Isorre bachao akawan ṭhạ̃ire jao bochor ape do gharońjrenko sãote onako reakʼ jelpe joma.

Dosar Biboron 14:23

Aperen Probhu Isor botoraepe ar apeakʼ anaj ar phosol reakʼ, nãwã darkha rasa ar sunum reakʼ gel hạṭiń reakʼ mitʼ hạṭiń do emokʼ hoyokʼtapea. Ar aperen palren ḍaṅgra, bhiḍi, meromkoren pạhilicʼ hopon reakʼ jel do aperen Probhu Isor samaṅre nonkan ṭhạ̃ire jojom hoyokʼtapea one okaṭakʼ ṭhạ̃ire sodorokʼ lạgitʼte acʼakʼ tahen oṛakʼ menteye bachaojoṅ.

Aposkạmi 2:46

Onko do din hilokʼ mundilreko jarwakʼkan tahẽkana ar oṛakʼ oṛakʼ piṭhạ kecag tulucʼ rạskạ salakʼ soṛa monte mitʼteko jom ńũiyetʼ tahẽkana.

Malaki 2:13

Ar mitʼṭecʼ bạṛicʼ kạmipe kạmikana; apeakʼ mẽtʼ dakʼte ape do Probhu Isorakʼ pinḍpe lohotʼetʼtaea. Ape dope rakʼeda arpe homor halaṅeda, ar okape emokʼkan uni do ona ar bae moneyakʼkana ar kusi monte apeakʼ ti khon ataṅ hõ bae ataṅeda.

Jesaea 23:18

Menkhan uniyakʼ lab ar rojgar do Probhu Isor ńutumte begar dohokʼa; se jogaokʼa ona do baṅa. Ar okoe do Probhu Isor samaṅreko dãṛã baṛae onkoakʼ ḍher jomakʼ ar mońj kicricʼko lạgitʼge uniyakʼ ona labtetʼ do khorocokʼtaea.

Dosar Biboron 26:11

Ape ar gharońjrenko Probhu Isor oka bhage bhageakʼ jiniskoteye bhor akawatʼpe onate ape do, Liwiko ar ape talare menakʼko upriạ hoṛko sãotepe rạskạ joṅa.

Dosar Biboron 12:8

“Aperen Probhu Isor do sulukte girobasokʼ lạgitʼ okaṭakʼ sompottiye emape lạgidokʼkan onḍe do ńit hõ ạuripe seṭerokʼa. Ar ona disạmpe bololenre jãhãege acʼakʼ kusi sanaleka aloe kạmima.

Dosar Biboron 28:47

Sanamakʼ sareṛakʼko tahẽkan jokhecʼ rạskạ salakʼ aperen Probhu Isor bape sewawade tahẽkante ape do tetaṅ ar ạḍi ṭonṭa talate aperen bạirikope sapʼsorakoa ente Probhu Isorge ape upạrte onkoe kolkoa. Uni do mẽṛhẽtʼ reakʼ arãṛ tarenreye gokʼapea ape ạuripe marao utạrokʼ hạbicʼ.

Nehemiạ 8:9

Ona tayom disạm cakʼlaoyicʼ Nehemiạ, naekeko ar dhorom guru Esra ar okoe Liwiko do hoṛkoko cetʼako kan tahẽkan onko do sanam hoṛko metatʼkoa, “Teheńakʼ niạ din do aperen Probhu Isor ńutumte sonotakʼ din kana. Ape do alope homora se alope raga.” Uni do niạ kathae menkeda, ente sanam hoṛge ạn-ạri reakʼ katha ańjomkateko rakʼetʼ tahẽkana.

Sosolhayic̕ 3:12

Ińiń baḍaea, manwa jionre rạskạ ar bhage kạmi chaḍa uni lạgitʼ bhageakʼ do ar cetʼhõ bạnukʼa.

Sosolhayic̕ 3:13

Niạ do Isorakʼ dan kana, sanam manwageko jom ńũiya ar uniyakʼ joto kạmire kusiko tahena.

Sosolhayic̕ 5:18

Ona tayomiń bujhạukeda, siń cando latarre manwa tinạkʼ din jiwetʼe dohoyede onate jom-ńũ ar kajak khaṭao talate tirpitokʼ tahenge uni lạgitʼ do bhage ar lek kana, ente uniyakʼ kuṛại do ona kangea.

Joel 1:16

Aboakʼ mẽtʼãhã samaṅrege jomakʼ ar aboren Isorakʼ oṛakʼ khon rạskạ ar hulạs do cetʼ baṅ sahaṛakana?

Joel 2:26

Ape do lacʼ bikʼpe joma arpe tirpitokʼa ar aperen Probhu Isorpe sarhaoea one uni ape lạgitʼ hahaṛa kạmikoe kạmi akatʼ; ar ińren hoṛ do ar tishõ bako lajao ocokʼa.

1 Bõsbudạ 29:22

Enhilokʼ onko do Probhu Isor samaṅre rạskạ salakʼko jom ńũkeda. Onko do Dạudren hopon Solomon do dosar raj menteko aṅgockedea ar Sadok do naeke menkate Probhu Isor ńutumteko ojokʼ bahalkedea.

Jesaea 62:9

Ona do okoe phosolko samaṭaoa onkoge joma ar Probhu Isorko sarhaoea. Okoe darkha rasako jarwae onko do ińakʼ sonot ṭhạ̃i reakʼ racareko ńũiya.”

Jeheskel 44:3

Eken disạm cakʼlaokoge phaṭok duạr ṭhen duṛupʼkate Probhu Isor samaṅreko jom daṛeakʼa. Ar mucạtʼ kandha talate duạrteko bolokʼa ar inạ hortegeko oḍok calakʼa.”