Dosar Biboron 12:5 - সান্তালী বাইবেল

⁵ Menkhan aperen Probhu Isor do apnar sodorokʼ lạgitʼ aperen gusṭiko emakʼ jaega khon okaṭakʼ ṭhạ̃i acʼ lạgitʼe bachao joṅ onḍege sewawae lạgitʼ calakʼpe.

Dosar Biboron 12:5 Referans Kwoze

Dosar Biboron 12:11

Unre uni do acʼ sodorokʼ lạgitʼ okaṭakʼ ṭhạ̃i acʼ tahen lạgitʼe bachaojoṅ onḍege ape do oneń hukum akawatʼpe jotowakʼ jinisko idikate apeakʼ jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar Probhu Isor ṭhenpe manotakatʼ reakʼ samaṅokʼakʼko uni ṭhenpe ạguiya.

Dosar Biboron 26:2

unre aperen Probhu Isore em akawatʼpe ona disạmre okako phosolpe hoyocoe ona reakʼ pạhil rakapʼakʼ khon thoṛa phosol hataokate khạclạkʼrepe dohoya. Ar Probhu Isor sodorokʼ lạgitʼ okaṭakʼ ṭhạ̃iye bachaojoṅ onḍepe idiya.

2 Bõsbudạ 7:12

Tayomte mitʼ din ńindạ jokhecʼ Probhu Isor do Solomon ṭhene ńel ocoyenteye metadea, “Iń do amakʼ koejoṅ iń ańjom akada ar samaṅokʼakʼ porobokʼ reakʼ oṛakʼ lekate iń lạgitʼ niạ jaegageń bachao akawana.

Dosar Biboron 16:2

Acʼ apnartetʼe sodorokʼ iạte Probhu Isor do acʼakʼ tahen jaega lekate okaṭakʼe bachao joṅ, onḍege aperen ḍaṅgra se merom se bhiḍi palko khon janwar hataokate aperen Probhu Isor ńutumte bańcaokʼ porobpe porobokʼa.

1 Rapajko 8:29

Ar okaṭakʼ jaega reakʼem menakatʼ, ‘niạ ṭhạ̃i do ińakʼ tahen oṛakʼ hoyokʼa,’ ona ṭhạ̃i secʼ, metakʼme niạ koejoṅ oṛakʼ secʼ amakʼ mẽtʼ siń ńindạ beṅgetʼ akae baṛe tahenma; ar niạ ṭhạ̃i secʼ samaṅkate amren guti tinreye koejoṅa unre uniyakʼ koejoṅ baṛe ańjomtaeme.

Sereńko 78:68

Menkhan Jihudi bõsrenkoakʼ ṭhạ̃igeye bachaoana one okaṭakʼ Sion buru uni doe dulạṛetʼ tahẽkan.

Dosar Biboron 12:13

Ńelpe, apepe kusiyakʼ jãhãn ṭhạ̃ire jeredokʼ samaṅokʼakʼ do alope samaṅa.

Kolossiko lạgitʼ Pạul Apostolakʼ ciṭhi 2:9

Isorakʼ goṭa perecʼtetʼ do Mạsiyakʼ hoṛmo rupteye girobasokʼ kana, ar Mạsi tulucʼpe kolom mitʼakante ape hõ ona perecʼtetʼpe ńamakada.

1 Rapajko 8:27

“Menkhan Isor do cetʼ sạrige dhạrtiren manwako sãoteye girobasokʼa? Sermare, se coṭ serma reakʼ sanam jaegare hõ amakʼ okulạn hoyokʼkan khan ińakʼ benaoakʼ niạ oṛakʼre amakʼ jaega do cetʼ hoyokʼtama?

1 Rapajko 8:20

‘Probhu Isor do acʼakʼ gokʼakʼe purạu akada. Ińren ạpuń oka hudạreye tahẽkan iń do ona hudạgeń ńam akada. Probhu Isorakʼ gokʼakʼ lekate iń do Israelkoakʼ siṅghạsonreń duṛupʼ akana ar Israelren Probhu Isor lạgitʼ niạ oṛakʼ iń benao akada.

1 Rapajko 8:16

‘ińren hoṛko Misor disạm khoniń oḍok ạguletʼko tayom Israelkoakʼ jãhãn nagraha do bạń bachaoana one onḍe apnar sodorokʼ lạgitʼ mitʼṭecʼ tahen oṛakʼ benaokʼ. Menkhan ińren Israelko ḍanṭaoko lạgitʼ do Dạudgeń bachaoan tahẽkana.’

Ibriko 12:22

Ape do Sion buru ar jiwetʼ Isorakʼ nagraha ṭhenpe hecʼakana. Ona nagraha do hoyokʼ kana serma reakʼ Jerusalem. Ar hajar hajar serma goḍetkoakʼ rạskạ porob ṭhenpe hecʼakana;

Numeri 7:89

Ona tayom Mose do tinre Probhu Isor tulucʼ galmarao lạgitʼ ńapamokʼ tạmbuteye bolokʼkan tahẽkana unre sekʼwa sindukre menakʼ daya duṛupʼakʼ cetan Kerubkin tala khon uniyakʼ aṛaṅ do Moseye ańjometʼ tahẽkana. Ar nonkate Probhu Isor do Mose tulucʼe galmaraoetʼ tahẽkana.

1 Bõsbudạ 22:1

Inạ tayom Dạude menkeda, “Probhu Isorakʼ oṛakʼ ar Israelkoakʼ jeredokʼ samaṅokʼ reakʼ pinḍ do nonḍege hoyokʼa.”

1 Rapajko 14:21

Solomonren hopon Rehobiam do Jihudạreye rajokʼkan tahẽkana. Ar tinre raje hoylena unre uniyakʼ umer do pongel mitʼ bochor tahẽkana. Ar Probhu Isor do Israel gusṭirenkoakʼ sanam jaega mod khon okaṭakʼ nagraha acʼ tahen lạgitʼe bachaoan tahẽkan ona Jerusalem nagrahare Rehobiam do gel eae bochorre rajena. Uniren eṅgatakʼ ńutum do Nama tahẽkana; uni do Amoni jạtrene tahẽkana.

Josuạ 18:1

“Ar Israel hoponko do Silote senkateko jarwayena ar ńapamokʼ tạmbuko beretʼkeda. Goṭa disạmge Israelko tabere hecʼenre hõ onkoren eae gusṭiren hoṛko do unhõ sompotti bako ńamakatʼ tahẽkana.”

Exodus 25:22

Ar iń do goha sinduk reakʼ daya duṛupʼakʼ cetanre Kerubkin talare am sãote ńapamkate Israelko lạgitʼ ińakʼ sanam hukumiń emama.

Josuạ 9:27

Ar Josuạ do enhilokʼge Gibeonkoe hukumatʼkoa jemon onko do Israelko lạgitʼ ar Probhu Isor okaṭakʼ ṭhạ̃iye bachao joṅ ona ṭhạ̃ire Probhu Isorakʼ pinḍ lạgitʼ sahan ar dakʼ ạgui reakʼ kạmiko kạmiy. Ar teheń hạbicʼ onko do ona kạmigeko kạmikana.

Exodus 15:2

Probhu Isorge ińakʼ daṛe, unige ińakʼ sereń do; ińakʼ bańcao do unirege menakʼa. Probhuge ińren Isor do; uniyakʼgeń sarhao sereńa. Uni do iń ạpuńren Isor kanae; uniyakʼ ṭhonok reakʼ iń sereńa.

Johan sodor 14:1

Ona tayom iń ńelkeda, Bheḍa Hopon do Sion buru coṭreye teṅgo akana. Uni soṅgere mitʼ sae pongel pon hajar hoṛ menakʼkoa. Onkoakʼ cạndire do Bheḍa Hoponakʼ ar uniren Babawakʼ ńutum ol menakʼa.

Exodus 20:24

Ape do iń lạgitʼ hasa reakʼ mitʼṭecʼ pinḍ benaope, ar ona cetanre jeredokʼ samaṅokʼakʼ dãṛẽ ar sulukren samaṅokʼakʼ ḍaṅgra, merom ar bheḍa samaṅkope. Ar okako ṭhạ̃ire ińakʼ ńutum disại lạgitʼ iń bondobos ona jaegare hecʼkate apeń bhorapea.

Dosar Biboron 12:4

“Aperen Probhu Isorakʼ dekʼwa sewa do onkoakʼ sewa leka do alope onkaea.

Dosar Biboron 12:18

Aperen Probhu Isore bachao akatʼ ṭhạ̃ire uni samaṅre jojom hoyokʼtapea. Ape, aperen gidrạko, aperen guti-kạ̃ṛmĩko ar apeakʼ ato ar nagraharen Liwiko do onako joma ar apeakʼ khaṭaoakʼ reakʼ kuṛại iạte aperen Probhu Isor samaṅrepe rạskạ midokʼa.

Dosar Biboron 14:23

Aperen Probhu Isor botoraepe ar apeakʼ anaj ar phosol reakʼ, nãwã darkha rasa ar sunum reakʼ gel hạṭiń reakʼ mitʼ hạṭiń do emokʼ hoyokʼtapea. Ar aperen palren ḍaṅgra, bhiḍi, meromkoren pạhilicʼ hopon reakʼ jel do aperen Probhu Isor samaṅre nonkan ṭhạ̃ire jojom hoyokʼtapea one okaṭakʼ ṭhạ̃ire sodorokʼ lạgitʼte acʼakʼ tahen oṛakʼ menteye bachaojoṅ.

Dosar Biboron 14:24

Menkhan ona ṭhạ̃i do sạṅgińre menakʼ khan ar Probhu Isor nunạkʼe bhor akatʼpete ona gel hạṭiń reakʼ mitʼ hạṭińko sạṅgiń hor iạte bape idi daṛeakʼ khan,

Dosar Biboron 15:20

Aperen Probhu Isorre bachao akawan ṭhạ̃ire jao bochor ape do gharońjrenko sãote onako reakʼ jelpe joma.

Dosar Biboron 16:6

okaṭakʼ ṭhạ̃ire uni do apnartetʼ sodorokʼ lạgitʼte acʼakʼ tahen oṛakʼ lekateye bachao joṅ eken onḍegepe samaṅkoa. Oka hilokʼ Misor disạm khonpe oḍokʼ hecʼakan jao bochor ona dinre siń cando hạsur tayom bańcaokʼ porobren janwarpe samaṅkoa.

Dosar Biboron 17:8

“Apeakʼ nonkanakʼ mamblako adalotre bicạr lạgitʼ muskilge bujhạukʼ khan- baṅ do khun khun talare ar baṅ do hok hok talare ar baṅ do hạn hạn talare enḍekhan ona mambla do Probhu Isore bachao akawan ṭhạ̃ite idiy hoyokʼtapea.

Josuạ 22:11

Ar sarecʼ Israelko doko ańjomkeda, akoakʼ jaegare Kanan disạm simạna reakʼ jordan gaḍa ṭhen onko do mitʼṭecʼ pinḍko benao akada mente,

Esra 3:2

Ar ona tayom Josadakren hopon Jesua ar uni sãoten naekeko ar Solṭielren hopon Serubabel ar uni sãoten hoṛko do jeredokʼ samaṅokʼakʼ porobokʼ lạgitʼ Isorren hoṛ Moseyakʼ ạn-ạrire olakʼ lekate Israelren Isorakʼ pinḍko benaokeda.

Esra 6:12

Jãhãe raj se jãhãe jạtrenge jodi niạ hukume bebatao ar Jerusalem reakʼ ona mundil dhaṅdhaser reakʼe monejoṅ enḍekhan Isor, onḍe okoeye tahẽnkan uni do jemon uniye marao giḍikae. Ar iń Darjawesge niạ hukum doń emena. Noa do jemon joton salakʼ manao idikʼ.”

Esra 7:17

Am do onako sona ar rupạte ḍaṅgrako, bheḍako ar bhiḍi hoponko ar ona soṅgeteakʼ anaj-samaṅokʼakʼ ar coḍor samaṅokʼakʼ jinisko mońjte ńelkatem kirińa ar Jerusalemre aperen Isorakʼ oṛakʼre pinḍ cetanre onakom samaṅa.

Jirimiạ 7:14

Nokʼoe niạ oṛakʼ cetanrepe bhorsakʼkan ona oṛakʼ do ińakʼ tahen oṛakʼ iń hoyocoleda, ar niạ ṭhạ̃i do ape ar aperen hapṛamkoń ematʼko tahẽkana. Menkhan apeakʼ kại iạte niạ oṛakʼ ar niạ ṭhạ̃i do ona lekań hoeocoya one Siloreń cekaletʼ.

Jirimiạ 26:2

“Iń Probhu Isorgeń meneda, am do senkate ińakʼ racare teṅgokʼme ar Jihudạ reakʼ nagrahako khon okoeko hoṛ do koejoṅ lạgitʼ ińakʼ oṛakʼteko hijukʼ onko sanamko ṭhen okaṭakʼ katha galmaraoakoń hukum akatʼme ona reakʼ mitʼke mitʼ katham lạiyakoa, mitʼṭecʼ hõ alom bad oṭokakʼa.

Dosar Biboron 16:7

Aperen Probhu Isor okaṭakʼ ṭhạ̃iye bachao joṅ onḍege ona reakʼ jelpe isina arpe joma. Ar dosar hilokʼ do apeakʼ oṛakʼtepe ruạṛ calakʼa.

Dosar Biboron 16:11

Aperen Probhu Isor apnare sodorokʼ iạte okaṭakʼ tahen ṭhạ̃iye bachao joṅ onḍe uni samaṅre aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭuạ̃r amarko ar rạnḍi maejiuko- sanamkoge mitʼtepe rạskạ midokʼa.

Dosar Biboron 16:15

Aperen Probhu Isor okaṭakʼ ṭhạ̃iye bachao joṅ onḍe ape do uni ńutumte eae din hạbicʼ niạ porobpe porobokʼa, ente apeakʼ rakapʼakʼ sanam phosol ar sanamakʼ kạmire aperen Probhu Isor do apeye bhorapea ar purạtepe rạskạjoṅa.

Dosar Biboron 18:6

“Israelkoakʼ disạmren jãhãe Liwi hoṛ acʼakʼ nagraha khon Probhu Isore bachao akatʼ ṭhạ̃iteye hijukʼ,

1 Rapajko 12:27

Ente hoṛko Jerusalemre Probhu Isorakʼ oṛakʼre samaṅokʼakʼ porob lạgitʼko calakʼ khan onko do akoren kisạ̃ṛ Jihudạren raj Rehobiam gobolreko tahẽ ruạṛokʼa. Ar onko do ińko gojeńa ar Rehobiam ṭhenko ruạṛ calakʼa.”

2 Rapajko 18:22

Menkhan aperen Probhu Isor cetanrepe bhorsakʼ kana mentepe mitạń, enḍekhan uni do cetʼ uni Isor doe baṅkana one uniyakʼ than boṭkocʼko ar pinḍko Hiskiạ doe marao giḍiakatʼtae ar one Jihudạ ar Jerusalemren hoṛkoe metakokan Jerusalem reakʼ pinḍ samaṅrege dewa sewae hoyokʼtakoa mente?

Nehemiạ 1:9

menkhan iń ṭhenpe ruạṛ hijukʼ ar ińakʼ hukumkope dohoy ar ona lekape kạmi, enḍekhan aperen bondi akan hoṛko dhạrti reakʼ mitʼ mucạtʼreko tahenre hõ iń do onḍe khoniń hạr samṭaokoa ar tahen lạgitʼ okaṭakʼ ṭhạ̃iyiń bachao akawan onḍeń idikoa.’

Jirimiạ 7:12

“Ape do ńitokʼ Silore one ińakʼ tahen oṛakʼ okare pạhilteń hoyocoletʼ onḍe calakʼpe ar ińren hoṛ Israelkoakʼ bạṛicʼakʼ khạtirte onare cetʼ iń cekaletʼ ona ńel ạguiype.