Biblia Todo Logo
Bib sou entènèt

- Piblisite -




Dosar Biboron 12:25 - সান্তালী বাইবেল

25 Ape ar ape tayom jemon aperen hopon ar hoponerakoakʼ bhạlại hoyokʼtako onate ape do mãyãm alope joma; inạ khan Probhu Isorakʼ mẽtʼãhã samaṅre ṭhikakʼ hoyokʼa.

Gade chapit la Kopi




Dosar Biboron 12:25
16 Referans Kwoze  

Dhorom hoṛko metakope, bhạlại hoyokʼtakoa, ente onko do akoakʼ kạmi reakʼ kuṛạiko ńama.


Ińakʼ hukum lekam kạmi ar ińakʼ hortem calakʼ ar ińren guti Dạud leka ińakʼ hukum ar niạmkom pańjaete ińakʼ mẽtʼ samaṅre okaṭakʼ ṭhik onam kạmi enḍekhan iń do am sãoteń tahena. Ar Dạud lekage amakʼ bõsrenko do raj hudạreń teṅgo keṭecʼkoa ar amakʼ tire Israelkoń jimạkoa.


Ape ar ape tayom aperen hoponko jemon bhạlại hoyokʼtako ar aperen Probhu Isor okaṭakʼ disạm jaejug lạgitʼe emape lạgidokʼ kan onare jemon ḍher din jiwetʼpe tahẽdaṛeakʼ onate iń do onako ạn-ạri ar hukumkoń emape kana onako manao idipe baṛe.”


Uni doe metatʼko tahẽkana, “Ape do aperen Probhu Isorakʼ kathape bataotaea ar uniyakʼ mẽtʼre oka lek reakʼ kan onape onkaea ar uniyakʼ hukumkope luturakʼa ar uni emakʼ sanam niạmpe dohoya, enḍekhan Misriko cetanre okako rog iń ạguletʼ ape cetanre ona bạń ạguya. Ar iń Probhu Isorge ape doń bogepea.”


ente teheń okako hukumiń emapekan onape bataotae ar aperen Probhu Isorakʼ nońjorre ṭhikakʼpe kạmi.


Ar jemon bhạlại hoyokʼtape onate Probhu Isorakʼ mẽtʼre okaṭakʼ do ṭhik ar bhageakʼkan onape kạmiya. Onate Probhu Isor do aperen hapṛamko ṭhen kiriạkate okaṭakʼ mońjakʼ disạm emokʼ reakʼ kathae gokʼletʼ, ona disạmte senkate onape ạidạri daṛeakʼa ar Probhu Isor okae menakatʼ onkage ape samaṅ khon bạirikope laga ńir daṛeakoa.


Ona iạte am do onkom metakoa, Probhu Isore menetʼkana, ‘ape do mãyãm sudhạ jelpe jomeda, ar boṅgakope sewa akokana ar mãyãmpe joroyetʼkana; enḍekhan ape do cetʼ disạmpe ạidạri joṅa?


Okoe Isore kusi ocoye uni do bud, ạkil ar rạskại danaea, menkhan kại hoṛ do dhon-durib jogaṛ lạgitʼ ar ona jogao reakʼ kạmiye emaea, jemon ona do uni hoṛe emawae one okoe do Isore kusi ocoyedekan. Noa hõ ạuṛiyakʼgea, hoe tayomte ńir calakʼkan chaḍa ar cetʼge baṅkana.


Uniren bõsko do dhạrtire daṛeanko hoyokʼa; ontorre okoeye khạṭige uniren bõsko do bhorko ńama.


Ape ar aperen hoponko ar hoponerako jemon jao okte bhạlại hoyokʼtako onate iń emakʼ noako hukum joton salakʼ manaope, ente onape onkale khan aperen Probhu Isorakʼ mẽtʼre ṭhikakʼpe kạmiya.


‘Amren Probhu Isorakʼ hukum bataotaeme ar amren gogo ar baba ganaokinme. Enḍekhan Probhu Isore emam disạmre ḍher din jiwetʼem tahena ar bhạlại hoyokʼtama.


Ape jemonpe bańcao tahen, apeakʼ jemon bhạlại hoyokʼ ar okaṭakʼ disạmpe ạidạrijoṅ onḍe ḍher din jemonpe tahẽdaṛeakʼ onate aperen Probhu Isor oka horte senokʼe hukum akatʼpe ona hortege taṛampe.


Ona do alogepe joma, dakʼ leka otrepe dul giḍikakʼa.


Kạkại hoṛ mitʼsae bạṛicʼakʼe kạmi ar ḍher dine bahaokʼre hõ ińiń baḍaea Isor botoraekan hoṛ do bhạlại hoyokʼtakoa.


Nonkate ape tala khon bin dusạn hoṛakʼ mãyãm reakʼ dospe meṭao daṛeakʼa, ente unre Probhu Isorakʼ mẽtʼre oka bhageakʼkan onage hoyokʼa.


Swiv nou:

Piblisite


Piblisite