Dosar Biboron 12:23 - সান্তালী বাইবেল

²³ Menkhan sontor akae tahenpe mãyãm do alope joma, ente mãyãmkangea jiwi do, onate jel sãote jiwi hõ alope joma.

Dosar Biboron 12:23 Referans Kwoze

Levitikus 17:11

ente mãyãmrege jiwi do tahen kana. Onate apeakʼ jiwi bodolte iń do pinḍ cetanre apeakʼ kại reakʼ puruchun lạgitʼ iń bebosta akatʼpea. Ar mãyãmre jiwi menakʼte ona do kại reakʼe puruchuneda.

Genesis 9:4

menkhan jiwi sudhạ, metakʼme mãyãm sudhạ jel do alope joma.

Dosar Biboron 12:16

Menkhan mãyãm jom do baṅ ganaokʼtapea; ona do dakʼ leka otrepe dul giḍikakʼa.

Johan sodor 5:9

Onko do noa nãwã sereńko sereńetʼ tahẽkana: “Amge ona puthi hataokate mohor chapko raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsirenko, disạmrenko ar jạt jạtrenko mod khon Isor lạgitʼ hoṛkom kiriń akatʼkoa.

Mathae 20:28

Manwa Hopon do sapʼsor ocokʼ do bae hecʼakana, bickom sapʼsosor lạgitʼge, ar ạḍi utạr hoṛko bodolte chaḍaokʼ reakʼ dam menkate acʼakʼ jiwi emokʼgeye hecʼakana.”

Aposkạmi 15:20

Bickom onko ṭhen noa katha bon olma, jemon boṅga tulucʼ jopoṛao sanamakʼ ar joto lekan loṭghuṭi khon sahaṛ akanko tahen, ar limbạtʼ gocʼ janwarakʼ jel ar mãyãm jemon aloko jom.

Levitikus 7:26

Jãhãregepe girobasokʼ, ape do jãhãn cẽṛẽ se janwarakʼ mãyãm alope joma.

Levitikus 17:10

“Jãhãe Israel hoṛ se onko talareye girobasokʼkan eṭakʼ jãhãn jạtren hoṛge mãyãme jom enḍekhan uni doń dea giḍikaea ar acʼakʼ jạtrenko khoniń meṭao utạrea,

Levitikus 19:26

“Mãyãm sudhạ jãhãn jel alope joma. Alope guniya ar alope bhabaoa.

Dosar Biboron 12:22

Selepʼ ar jhaṅkaṛ jel lekage ape do jelpe joma. Sapha ar besapha sanamkoge ona dope jom daṛeakʼa.

Dosar Biboron 12:24

Ona do alogepe joma, dakʼ leka otrepe dul giḍikakʼa.

Dosar Biboron 15:23

Menkhan uniyakʼ mãyãm do alope joma; dakʼ leka ona do otrepe dul giḍikakʼa.

1 Samuel 14:32

Onate onko do luṭ reakʼ jinisko cetanre hatko emketʼte bhiḍi, ḍaṅgra, mĩhũ sapʼkate otre gurkate mãyãm sudhạ jel jojomko ehopʼena.

1 Samuel 14:33

Unre hoṛko do senkate Sạulko metadea, “Ńelme, onko do mãyãm sudhạ jelko jomketʼte Probhu Isor upạrteko kạiyeda.” Uniye menkeda, “Ape do bepạtiạrkope hoyakana. Do, begor bilomte mitʼṭecʼ maraṅ dhiri nonḍe giṛgạu ạguiype.”

Jeheskel 33:25

Ona iạte am do onkom metakoa, Probhu Isore menetʼkana, ‘ape do mãyãm sudhạ jelpe jomeda, ar boṅgakope sewa akokana ar mãyãmpe joroyetʼkana; enḍekhan ape do cetʼ disạmpe ạidạri joṅa?