Dosar Biboron 12:21 - সান্তালী বাইবেল

²¹ Aperen Probhu Isor do apnar sodorokʼ lạgitʼ okaṭakʼ ṭhạ̃iye bachao joṅ ar ape khon ona ḍherge sạṅgińokʼ khan, tobe iń emakʼ hukum lekate Probhu Isorre emakan aperen ḍaṅgra ar bheḍa do pal khon hataokatepe gur daṛeakoa ar apan ạpin ato ar nagrahakore apeakʼ sana leka jelpe jom daṛeakʼa.

Dosar Biboron 12:21 Referans Kwoze

Dosar Biboron 12:5

Menkhan aperen Probhu Isor do apnar sodorokʼ lạgitʼ aperen gusṭiko emakʼ jaega khon okaṭakʼ ṭhạ̃i acʼ lạgitʼe bachao joṅ onḍege sewawae lạgitʼ calakʼpe.

Esra 6:12

Jãhãe raj se jãhãe jạtrenge jodi niạ hukume bebatao ar Jerusalem reakʼ ona mundil dhaṅdhaser reakʼe monejoṅ enḍekhan Isor, onḍe okoeye tahẽnkan uni do jemon uniye marao giḍikae. Ar iń Darjawesge niạ hukum doń emena. Noa do jemon joton salakʼ manao idikʼ.”

2 Bõsbudạ 12:13

Rehobiam raj do Jerusaleme kajakkeda ar raje calao idikeda. Uni do tinre raje hoylena unre uniyakʼ umer do pongel mitʼ bochor umer tahẽkana. Israelren gusṭikoakʼ sanam jaegako modre okaṭakʼ nagraha do Probhu Isorakʼ tahen oṛakʼ menteye bachaoletʼ ona Jerusalem nagrahare Rehobiam do gel eae bochore rajlena. Rehobiamren eṅgatakʼ ńutum do Nakʼama; uni do Amoni maejiue tahẽkana.

1 Rapajko 14:21

Solomonren hopon Rehobiam do Jihudạreye rajokʼkan tahẽkana. Ar tinre raje hoylena unre uniyakʼ umer do pongel mitʼ bochor tahẽkana. Ar Probhu Isor do Israel gusṭirenkoakʼ sanam jaega mod khon okaṭakʼ nagraha acʼ tahen lạgitʼe bachaoan tahẽkan ona Jerusalem nagrahare Rehobiam do gel eae bochorre rajena. Uniren eṅgatakʼ ńutum do Nama tahẽkana; uni do Amoni jạtrene tahẽkana.

Dosar Biboron 26:2

unre aperen Probhu Isore em akawatʼpe ona disạmre okako phosolpe hoyocoe ona reakʼ pạhil rakapʼakʼ khon thoṛa phosol hataokate khạclạkʼrepe dohoya. Ar Probhu Isor sodorokʼ lạgitʼ okaṭakʼ ṭhạ̃iye bachaojoṅ onḍepe idiya.

Dosar Biboron 16:11

Aperen Probhu Isor apnare sodorokʼ iạte okaṭakʼ tahen ṭhạ̃iye bachao joṅ onḍe uni samaṅre aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭuạ̃r amarko ar rạnḍi maejiuko- sanamkoge mitʼtepe rạskạ midokʼa.

Dosar Biboron 16:6

okaṭakʼ ṭhạ̃ire uni do apnartetʼ sodorokʼ lạgitʼte acʼakʼ tahen oṛakʼ lekateye bachao joṅ eken onḍegepe samaṅkoa. Oka hilokʼ Misor disạm khonpe oḍokʼ hecʼakan jao bochor ona dinre siń cando hạsur tayom bańcaokʼ porobren janwarpe samaṅkoa.

Dosar Biboron 12:15

“Enḍekhan aperen Probhu Isor do apeye bhorapete okoeko janwarkoe emape onko do jãhãn atore se nagrahare gocʼkate apeakʼ kusileka jelpe jom daṛeakʼa, cetʼleka aperen sapha ar besapha sanam hoṛ selepʼ jel se jhaṅkaṛ jelpe jom daṛeako.

Dosar Biboron 12:11

Unre uni do acʼ sodorokʼ lạgitʼ okaṭakʼ ṭhạ̃i acʼ tahen lạgitʼe bachaojoṅ onḍege ape do oneń hukum akawatʼpe jotowakʼ jinisko idikate apeakʼ jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar Probhu Isor ṭhenpe manotakatʼ reakʼ samaṅokʼakʼko uni ṭhenpe ạguiya.

Exodus 20:24

Ape do iń lạgitʼ hasa reakʼ mitʼṭecʼ pinḍ benaope, ar ona cetanre jeredokʼ samaṅokʼakʼ dãṛẽ ar sulukren samaṅokʼakʼ ḍaṅgra, merom ar bheḍa samaṅkope. Ar okako ṭhạ̃ire ińakʼ ńutum disại lạgitʼ iń bondobos ona jaegare hecʼkate apeń bhorapea.

Dosar Biboron 12:20

“Aperen Probhu Isor do acʼakʼ gokʼakʼ lekate apeakʼ disạm reakʼ simạnakoe phaelao ocoytapere men, ‘jel jojom sanayetʼlea,’ unre apeakʼ kusi leka jelpe jom daṛeakʼa.

Dosar Biboron 12:22

Selepʼ ar jhaṅkaṛ jel lekage ape do jelpe joma. Sapha ar besapha sanamkoge ona dope jom daṛeakʼa.