Dosar Biboron 12:16 - সান্তালী বাইবেল

¹⁶ Menkhan mãyãm jom do baṅ ganaokʼtapea; ona do dakʼ leka otrepe dul giḍikakʼa.

Dosar Biboron 12:16 Referans Kwoze

Genesis 9:4

menkhan jiwi sudhạ, metakʼme mãyãm sudhạ jel do alope joma.

Dosar Biboron 15:23

Menkhan uniyakʼ mãyãm do alope joma; dakʼ leka ona do otrepe dul giḍikakʼa.

Aposkạmi 15:29

Ona jạruṛokʼakʼko reaṅ do hoyokʼ kana: Boṅga ṭhen samaṅakʼ jãhãnakʼge alope joma, mãyãm hõ alope ńũiya, ar limbạtʼ gocʼkoakʼ jel hõ alope joma, ar sanam lekan loṭghuṭi khon sahaṛ akae tahenpe. Ar noako khon sạṅgińrepe tahen khan bhage hoyokʼtapea. Ma napaete tahen tabonpe.”

1Timothi 4:4

Isore sirjạu akatʼ sanamakʼge bhagegea, onate okaṭakʼ hõ bạṛicʼ hudiskate giḍikakʼ lek do baṅkana; menkhan ona do jemon gun manao joharkate ataṅokʼ,

Aposkạmi 15:20

Bickom onko ṭhen noa katha bon olma, jemon boṅga tulucʼ jopoṛao sanamakʼ ar joto lekan loṭghuṭi khon sahaṛ akanko tahen, ar limbạtʼ gocʼ janwarakʼ jel ar mãyãm jemon aloko jom.

Levitikus 19:26

“Mãyãm sudhạ jãhãn jel alope joma. Alope guniya ar alope bhabaoa.

Dosar Biboron 15:22

Onkanko do apeakʼ nagraharegepe jomkoa. Sapha-besapha jãhãe hoṛge jhaṅkaṛ se selepʼ jelakʼ jel lekagepe jom daṛeakʼa.

1 Samuel 14:32

Onate onko do luṭ reakʼ jinisko cetanre hatko emketʼte bhiḍi, ḍaṅgra, mĩhũ sapʼkate otre gurkate mãyãm sudhạ jel jojomko ehopʼena.

1 Samuel 14:33

Unre hoṛko do senkate Sạulko metadea, “Ńelme, onko do mãyãm sudhạ jelko jomketʼte Probhu Isor upạrteko kạiyeda.” Uniye menkeda, “Ape do bepạtiạrkope hoyakana. Do, begor bilomte mitʼṭecʼ maraṅ dhiri nonḍe giṛgạu ạguiype.”

Jeheskel 24:7

Ente uniye joro ocoakatʼ mãyãm do ńithõ acʼ talarege menakʼa; uni do ona cenḍeń cạṭạnireye jorokeda, otre do bae joroleda dhuṛire ona dapalkakʼ lạgitʼ do.

Jeheskel 33:25

Ona iạte am do onkom metakoa, Probhu Isore menetʼkana, ‘ape do mãyãm sudhạ jelpe jomeda, ar boṅgakope sewa akokana ar mãyãmpe joroyetʼkana; enḍekhan ape do cetʼ disạmpe ạidạri joṅa?

Levitikus 3:17

Jãhãregepe girobasokʼ ape do itil ar mãyãm do alope joma. Ar noage piṛhike piṛhi ape lạgitʼ niạm do tahẽyena. ”