Dosar Biboron 12:13 - সান্তালী বাইবেল

¹³ Ńelpe, apepe kusiyakʼ jãhãn ṭhạ̃ire jeredokʼ samaṅokʼakʼ do alope samaṅa.

Dosar Biboron 12:13 Referans Kwoze

2 Bõsbudạ 15:17

Uni do Israel khon than boṭkocʼko bae marao giḍi utạr daṛeatʼ tahẽkanre hõ uni do jiwetʼ bhor Probhu Isorgeye botoradea.

1 Rapajko 15:34

Uni do Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana. Uni do Jerobiam lekageye calakʼkan tahẽkana, metakʼme Jerobiam cetʼleka Israelkoe kại ocoletʼko uni hõ onkageye kạmikeda.

Dosar Biboron 12:6

Ape do aperen jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar manotakʼ samaṅokʼakʼ, kusiteakʼ samaṅokʼakʼ ar aperen ḍaṅgrako, bhiḍiko ar meromkoren pạhilicʼ hoponge onḍepe idikoa.

Dosar Biboron 12:5

Menkhan aperen Probhu Isor do apnar sodorokʼ lạgitʼ aperen gusṭiko emakʼ jaega khon okaṭakʼ ṭhạ̃i acʼ lạgitʼe bachao joṅ onḍege sewawae lạgitʼ calakʼpe.

Dosar Biboron 12:11

Unre uni do acʼ sodorokʼ lạgitʼ okaṭakʼ ṭhạ̃i acʼ tahen lạgitʼe bachaojoṅ onḍege ape do oneń hukum akawatʼpe jotowakʼ jinisko idikate apeakʼ jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar Probhu Isor ṭhenpe manotakatʼ reakʼ samaṅokʼakʼko uni ṭhenpe ạguiya.

Dosar Biboron 12:14

Aperen gusṭiko khon emakʼ okaṭakʼ ṭhạ̃i Probhu Isore bachao joṅ onḍege jeredokʼ samaṅokʼakʼpe samaṅa ar onḍege ińiń hukum akatʼ reakʼ jotowakʼpe kạmiya.

Josuạ 22:29

“Aleren Isor Probhu Isorakʼ ḍera tạmbu samaṅre okaṭakʼ pinḍ menakʼ ona chaḍa jeredokʼ samaṅokʼakʼ, jomakʼ samaṅokʼakʼ ar janwarko samaṅko lạgitʼ eṭakʼ jãhãn pinḍ benaokate Probhu Isor upạrtele hul ar uniyakʼ hor khonle ghańjeṛokʼ ona do ale khon sạṅgińre tahenma.”

1 Rapajko 3:2

Ar hoṛko do unrehõ than boṭkocʼkore akoren janwarkoko dãṛẽyetʼko tahẽkana, ente un hạbicʼ hõ Probhu Isor dewa sewawae lạgitʼ jãhãn oṛakʼ hõ baṅ benao akan tahẽkana.

Josuạ 22:15

Onko do Gileadre Ruben ar Gad gusṭiren hoṛko ar Manase gusṭiren adha hoṛko ṭhen senkateko menkeda,