Dosar Biboron 12:12 - সান্তালী বাইবেল

¹² Ar onḍe aperen Probhu Isor samaṅre ape ar apren hoponko, hoponerako, aperen guti-kạ̃ṛmĩko, ato ar nagraharen Liwiko okoe do apnarakʼ mente jãhãn jaega-jumi se sompotti bạnukʼtako onko sanamko sãotepe rạskạ midokʼa.

Dosar Biboron 12:12 Referans Kwoze

Dosar Biboron 12:7

Onḍege aperen Probhu Isor samaṅre apeakʼ gharońjrenko salakʼpe jom ńũiya ar uniyakʼ bhor iạtepe ńamakatʼ apeakʼ khaṭao akan reakʼ kuṛại iạtepe rạskạkʼa.

Dosar Biboron 26:12

“Tesarakʼ bochor, metakʼme, gel hạṭiń reakʼ mitʼ hạṭiń emokʼ bochorre, apeakʼ arjaoakʼ sanam phosol reakʼ gel hạṭiń reakʼ mitʼ hạṭińpe begar sạtlere arpe tirpitlenre Liwiko, upriạko, ṭũạr amarko ar rạnḍi maejiukope emakoa. Onate onko do apeakʼ disạmre jom-ńũkateko tirpitokʼa.

Dosar Biboron 10:9

Ona iạte Liwiko do akoren Israel boehako talare sompotti reakʼ jãhãn hạṭiń se ạidạri do bako ńamleda; aperen Probhu Isorakʼ katha leka Isorge onkoren sompottiye tahẽkana.

Dosar Biboron 14:29

Ar onate Liwiko, okoe do apnarakʼ mente cetʼ jaega jumi se sompotti bạnukʼtako ar onḍe menakʼko porjạtrenko, rạnḍiko ar ṭũạr amarko onako jom daṛeakʼa. Onate apeakʼ sanam kạmire aperen Probhu Isor doe bhorapea.

Dosar Biboron 12:19

Apeakʼ disạmre tinạkʼ dinpe girobasokʼ unạkʼ din ape do Liwikope ńel todarotkoa.

Sereńko 147:1

Probhuakʼge sarhao hoyokʼtae ma. Aboren Isor oṛhẽ sereńae do bhagegea! Ona do samani mońj! Uni gun manao joharae do lek kangea!

2 Bõsbudạ 29:36

Isor do acʼren hoṛko lạgitʼ ạḍi usạraye kạmiletʼte Hiskiạ ar sanam hoṛko doko rạskạyena.

1 Rapajko 8:66

Ona dosar hilokʼ raj do hoṛkoe bidạ baṛakatʼkoa. Probhu Isor do acʼren guti Dạud ar uniren hoṛ Israelko okae bhạlại akatʼko ona lạgitʼ kusi ar rạskạte hoṛko do rajko sarhaokedea ar oṛakʼteko ruạṛ calaoena.

Josuạ 14:4

Manase ar Ephrayim ńutuman Josephren hoponkin hotete barea gusṭi benaolena. Liwiko do jumi reakʼ bhag bako ńamleda, menkhan girobasokʼ lạgitʼ ar jinisko dohoy lạgitʼ adom adom atoko, nagrahako ar gại-ḍaṅgra ar bhiḍi merom ạtińko lạgitʼ beṛhaeteakʼ ạtiń ṭạnḍiko ńamkeda.

Josuạ 13:33

Menkhan uni do Liwi gusṭirenko oka sompotti hõ bae ematʼkoa; onko ṭhen Probhu Isor okae gokʼletʼ ona lekage Israelren Probhu Isorge onkoren sompottiye tahẽkana.

Numeri 18:20

Inạ tayom Probhu Isor do Arone metadea, “Israelkoakʼ disạmre am do okaṭakʼ sompotti hõ bam ạidạrijoṅa ar jumi reakʼ oka hạṭiń hõ bam ńama. Israelko talare iń kangeạń amren hạṭiń do, ar iń kangeạń amren sompotti do.

Josuạ 13:14

Mose do Liwi gusṭirenko oka sompottige bae ạidạri ocoatʼkoa, ente Probhu Isorakʼ gokʼakʼ lekage onko do Israelkoren Probhu Isor ńutumte seṅgelre samaṅakʼ jiniskoge onkoakʼ sompotti do hoyokʼa.

Dosar Biboron 18:6

“Israelkoakʼ disạmren jãhãe Liwi hoṛ acʼakʼ nagraha khon Probhu Isore bachao akatʼ ṭhạ̃iteye hijukʼ,

Dosar Biboron 16:14

Ape, aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭũạr amarko, rạnḍi maejiuko ar ape sanamkoge niạ porobrepe rạskạkʼa.

Dosar Biboron 16:11

Aperen Probhu Isor apnare sodorokʼ iạte okaṭakʼ tahen ṭhạ̃iye bachao joṅ onḍe uni samaṅre aperen hopon ar hoponerako, aperen guti-kạ̃ṛmĩko ar ape talareko girobasokʼkan Liwiko, porjạtrenko, ṭuạ̃r amarko ar rạnḍi maejiuko- sanamkoge mitʼtepe rạskạ midokʼa.

Johan 13:8

Patras do uniye metadea, “Ińakʼ jaṅga do tis hõ bam ạbuk ńama.” Jisu do Patrase metadea, “Bạń ạbukletam khan iń tulucʼ amakʼ bakhra do bạnukʼ tama.”

Aposkạmi 8:21

Ạlińakʼ noa kạmire amakʼ bakhra se ạidạri do bạnukʼtama, ente Isor samaṅre amakʼ ontor do baṅ sojhetama.

Dosar Biboron 12:18

Aperen Probhu Isore bachao akatʼ ṭhạ̃ire uni samaṅre jojom hoyokʼtapea. Ape, aperen gidrạko, aperen guti-kạ̃ṛmĩko ar apeakʼ ato ar nagraharen Liwiko do onako joma ar apeakʼ khaṭaoakʼ reakʼ kuṛại iạte aperen Probhu Isor samaṅrepe rạskạ midokʼa.

Dosar Biboron 26:11

Ape ar gharońjrenko Probhu Isor oka bhage bhageakʼ jiniskoteye bhor akawatʼpe onate ape do, Liwiko ar ape talare menakʼko upriạ hoṛko sãotepe rạskạ joṅa.

Nehemiạ 8:9

Ona tayom disạm cakʼlaoyicʼ Nehemiạ, naekeko ar dhorom guru Esra ar okoe Liwiko do hoṛkoko cetʼako kan tahẽkan onko do sanam hoṛko metatʼkoa, “Teheńakʼ niạ din do aperen Probhu Isor ńutumte sonotakʼ din kana. Ape do alope homora se alope raga.” Uni do niạ kathae menkeda, ente sanam hoṛge ạn-ạri reakʼ katha ańjomkateko rakʼetʼ tahẽkana.

Levitikus 23:40

Pạhilakʼ dinre ape lạgitʼ dare reakʼ joto khon bhageakʼ jo, khijur sakam, suṛukucʼ dareko ar jhạṛpạ dareko reakʼ ḍạrkope ạguiya. Ona tayom eae din ape do aperen Probhu Isor samaṅrepe rạskạ hulạsokʼa.

Dosar Biboron 27:7

Onḍe do sulukren samaṅokʼakʼ porob hõpe porobokʼa ar samaṅokʼakʼ jinisko jomkate aperen Probhu Isor samaṅrepe rạskạkʼa.