Dosar Biboron 12:11 - সান্তালী বাইবেল

¹¹ Unre uni do acʼ sodorokʼ lạgitʼ okaṭakʼ ṭhạ̃i acʼ tahen lạgitʼe bachaojoṅ onḍege ape do oneń hukum akawatʼpe jotowakʼ jinisko idikate apeakʼ jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar Probhu Isor ṭhenpe manotakatʼ reakʼ samaṅokʼakʼko uni ṭhenpe ạguiya.

Dosar Biboron 12:11 Referans Kwoze

Dosar Biboron 15:20

Aperen Probhu Isorre bachao akawan ṭhạ̃ire jao bochor ape do gharońjrenko sãote onako reakʼ jelpe joma.

Dosar Biboron 12:5

Menkhan aperen Probhu Isor do apnar sodorokʼ lạgitʼ aperen gusṭiko emakʼ jaega khon okaṭakʼ ṭhạ̃i acʼ lạgitʼe bachao joṅ onḍege sewawae lạgitʼ calakʼpe.

Dosar Biboron 18:6

“Israelkoakʼ disạmren jãhãe Liwi hoṛ acʼakʼ nagraha khon Probhu Isore bachao akatʼ ṭhạ̃iteye hijukʼ,

Dosar Biboron 17:8

“Apeakʼ nonkanakʼ mamblako adalotre bicạr lạgitʼ muskilge bujhạukʼ khan- baṅ do khun khun talare ar baṅ do hok hok talare ar baṅ do hạn hạn talare enḍekhan ona mambla do Probhu Isore bachao akawan ṭhạ̃ite idiy hoyokʼtapea.

Jirimiạ 7:12

“Ape do ńitokʼ Silore one ińakʼ tahen oṛakʼ okare pạhilteń hoyocoletʼ onḍe calakʼpe ar ińren hoṛ Israelkoakʼ bạṛicʼakʼ khạtirte onare cetʼ iń cekaletʼ ona ńel ạguiype.

Sereńko 78:68

Menkhan Jihudi bõsrenkoakʼ ṭhạ̃igeye bachaoana one okaṭakʼ Sion buru uni doe dulạṛetʼ tahẽkan.

1 Rapajko 8:29

Ar okaṭakʼ jaega reakʼem menakatʼ, ‘niạ ṭhạ̃i do ińakʼ tahen oṛakʼ hoyokʼa,’ ona ṭhạ̃i secʼ, metakʼme niạ koejoṅ oṛakʼ secʼ amakʼ mẽtʼ siń ńindạ beṅgetʼ akae baṛe tahenma; ar niạ ṭhạ̃i secʼ samaṅkate amren guti tinreye koejoṅa unre uniyakʼ koejoṅ baṛe ańjomtaeme.

1 Rapajko 8:13

Ńitokʼ do am lạgitʼ napae okocʼ mitʼṭecʼ oṛakʼ iń benao akada; ar noa do jaejug lạgitʼ amakʼ tahen oṛakʼge hoyokʼa.”

Josuạ 18:1

“Ar Israel hoponko do Silote senkateko jarwayena ar ńapamokʼ tạmbuko beretʼkeda. Goṭa disạmge Israelko tabere hecʼenre hõ onkoren eae gusṭiren hoṛko do unhõ sompotti bako ńamakatʼ tahẽkana.”

Dosar Biboron 26:2

unre aperen Probhu Isore em akawatʼpe ona disạmre okako phosolpe hoyocoe ona reakʼ pạhil rakapʼakʼ khon thoṛa phosol hataokate khạclạkʼrepe dohoya. Ar Probhu Isor sodorokʼ lạgitʼ okaṭakʼ ṭhạ̃iye bachaojoṅ onḍepe idiya.

Dosar Biboron 23:16

Uni guti do ape talare okare tahene menjoṅ onḍege tahẽ ocoaea; ar alope santaoea.

Dosar Biboron 14:23

Aperen Probhu Isor botoraepe ar apeakʼ anaj ar phosol reakʼ, nãwã darkha rasa ar sunum reakʼ gel hạṭiń reakʼ mitʼ hạṭiń do emokʼ hoyokʼtapea. Ar aperen palren ḍaṅgra, bhiḍi, meromkoren pạhilicʼ hopon reakʼ jel do aperen Probhu Isor samaṅre nonkan ṭhạ̃ire jojom hoyokʼtapea one okaṭakʼ ṭhạ̃ire sodorokʼ lạgitʼte acʼakʼ tahen oṛakʼ menteye bachaojoṅ.

Dosar Biboron 12:26

“Probhu Isore bachao akatʼ ṭhạ̃ire apeakʼ sonot jinisko ar manot akatʼakʼ jinisko idiy hoyokʼtapea.

Dosar Biboron 12:21

Aperen Probhu Isor do apnar sodorokʼ lạgitʼ okaṭakʼ ṭhạ̃iye bachao joṅ ar ape khon ona ḍherge sạṅgińokʼ khan, tobe iń emakʼ hukum lekate Probhu Isorre emakan aperen ḍaṅgra ar bheḍa do pal khon hataokatepe gur daṛeakoa ar apan ạpin ato ar nagrahakore apeakʼ sana leka jelpe jom daṛeakʼa.

Dosar Biboron 12:18

Aperen Probhu Isore bachao akatʼ ṭhạ̃ire uni samaṅre jojom hoyokʼtapea. Ape, aperen gidrạko, aperen guti-kạ̃ṛmĩko ar apeakʼ ato ar nagraharen Liwiko do onako joma ar apeakʼ khaṭaoakʼ reakʼ kuṛại iạte aperen Probhu Isor samaṅrepe rạskạ midokʼa.

Dosar Biboron 12:14

Aperen gusṭiko khon emakʼ okaṭakʼ ṭhạ̃i Probhu Isore bachao joṅ onḍege jeredokʼ samaṅokʼakʼpe samaṅa ar onḍege ińiń hukum akatʼ reakʼ jotowakʼpe kạmiya.

Exodus 25:8

Israelko hotete iń tahen lạgitʼ mitʼṭecʼ sonot ṭhạ̃irem benaoa. Onate iń do onko talareń girobasokʼa.

Exodus 29:45

Iń do Israelren Isor hoekate onko talareń girobasokʼa.

Dosar Biboron 12:13

Ńelpe, apepe kusiyakʼ jãhãn ṭhạ̃ire jeredokʼ samaṅokʼakʼ do alope samaṅa.

Josuạ 22:23

Ar Probhu Isorakʼ hor khon ghańjeṛokʼ lạgitʼ ar jeredokʼ samaṅokʼakʼ, jomakʼ samaṅokʼakʼ se sulukren samaṅokʼakʼ samaṅ iạte apnar lạgitʼ niạ pinḍle benao akatʼ khan enḍekhan Probhu Isor do acʼgeye sạjạilema.

Josuạ 22:27

Ona do ape ar ale talare ar aboren hoponko talare niạ gohae ema, abon do Probhu Isor samaṅrege aboren jeredokʼ samaṅokʼakʼ ar eṭakʼ janwar samaṅokʼakʼ ar sulukren samaṅokʼakʼko bon samaṅa. Enḍekhan tayom daram dinkore aperen hoponko do aleren hoponko niạ katha bako men daṛeakoa, ‘Probhu Isor cetanre apeakʼ do jãhãn bakhra bạnukʼtapea.’

1 Samuel 1:21

Elkana do jao bochor leka arhõ acʼakʼ gharońjrenko soṅgekate Probhu Isor ńutumte samaṅokʼren janwar samaṅe ar manot doho akatʼakʼ purạu lạgitʼe senena,

1 Rapajko 8:16

‘ińren hoṛko Misor disạm khoniń oḍok ạguletʼko tayom Israelkoakʼ jãhãn nagraha do bạń bachaoana one onḍe apnar sodorokʼ lạgitʼ mitʼṭecʼ tahen oṛakʼ benaokʼ. Menkhan ińren Israelko ḍanṭaoko lạgitʼ do Dạudgeń bachaoan tahẽkana.’

2 Bõsbudạ 6:20

Ar okaṭakʼ jaega reakʼ katham menakatʼ, nonḍege amakʼ koejoṅ reakʼ oṛakʼ do hoyokʼa ona jaega secʼ metakʼme, niạ koejoṅ oṛakʼ secʼ amakʼ mẽtʼ do siń ńindạ beṅgetʼ akae baṛe tahenma. Ar niạ ṭhạ̃i secʼ samaṅkate amren guti do tinreye koejoṅa unre uniyakʼ koejoṅ baṛe ańjomtaeme.

2 Bõsbudạ 7:12

Tayomte mitʼ din ńindạ jokhecʼ Probhu Isor do Solomon ṭhene ńel ocoyenteye metadea, “Iń do amakʼ koejoṅ iń ańjom akada ar samaṅokʼakʼ porobokʼ reakʼ oṛakʼ lekate iń lạgitʼ niạ jaegageń bachao akawana.

Esra 6:12

Jãhãe raj se jãhãe jạtrenge jodi niạ hukume bebatao ar Jerusalem reakʼ ona mundil dhaṅdhaser reakʼe monejoṅ enḍekhan Isor, onḍe okoeye tahẽnkan uni do jemon uniye marao giḍikae. Ar iń Darjawesge niạ hukum doń emena. Noa do jemon joton salakʼ manao idikʼ.”

Sereńko 100:2

Ar rạskạte Probhu Isor sewawaepe; ar rạskạ sarhao sereńte uni samaṅre hạjirokʼpe.

Dosar Biboron 15:19

“Aperen ḍaṅgra, bhiḍi ar meromkoren mimitʼ pạhil janam akan ạnḍiạ hoponko do aperen Probhu Isor ńutumtepe begar dohokoa. Ar ḍaṅgraren pạhil hoponko hõ kạmire alope lagaokoa ar bhiḍi ar meromren pạhil hoponkoakʼ upʼ hõ alope kạpciy takoa.

Josuạ 9:27

Ar Josuạ do enhilokʼge Gibeonkoe hukumatʼkoa jemon onko do Israelko lạgitʼ ar Probhu Isor okaṭakʼ ṭhạ̃iye bachao joṅ ona ṭhạ̃ire Probhu Isorakʼ pinḍ lạgitʼ sahan ar dakʼ ạgui reakʼ kạmiko kạmiy. Ar teheń hạbicʼ onko do ona kạmigeko kạmikana.

Josuạ 22:11

Ar sarecʼ Israelko doko ańjomkeda, akoakʼ jaegare Kanan disạm simạna reakʼ jordan gaḍa ṭhen onko do mitʼṭecʼ pinḍko benao akada mente,

Josuạ 22:16

“Probhu Isorakʼ manḍerren jotogeko meneda, ‘Israelren Isor upạrte cedakʼ nonka dope kạmikana? Cedakʼ teheń do Probhu Isorakʼ hor khonpe ghańjeṛ akana ar uni upạrte hulkate ape lạgitʼ pinḍpe benao akada?

Josuạ 22:29

“Aleren Isor Probhu Isorakʼ ḍera tạmbu samaṅre okaṭakʼ pinḍ menakʼ ona chaḍa jeredokʼ samaṅokʼakʼ, jomakʼ samaṅokʼakʼ ar janwarko samaṅko lạgitʼ eṭakʼ jãhãn pinḍ benaokate Probhu Isor upạrtele hul ar uniyakʼ hor khonle ghańjeṛokʼ ona do ale khon sạṅgińre tahenma.”

1 Rapajko 12:27

Ente hoṛko Jerusalemre Probhu Isorakʼ oṛakʼre samaṅokʼakʼ porob lạgitʼko calakʼ khan onko do akoren kisạ̃ṛ Jihudạren raj Rehobiam gobolreko tahẽ ruạṛokʼa. Ar onko do ińko gojeńa ar Rehobiam ṭhenko ruạṛ calakʼa.”

2 Rapajko 18:22

Menkhan aperen Probhu Isor cetanrepe bhorsakʼ kana mentepe mitạń, enḍekhan uni do cetʼ uni Isor doe baṅkana one uniyakʼ than boṭkocʼko ar pinḍko Hiskiạ doe marao giḍiakatʼtae ar one Jihudạ ar Jerusalemren hoṛkoe metakokan Jerusalem reakʼ pinḍ samaṅrege dewa sewae hoyokʼtakoa mente?

1 Bõsbudạ 22:1

Inạ tayom Dạude menkeda, “Probhu Isorakʼ oṛakʼ ar Israelkoakʼ jeredokʼ samaṅokʼ reakʼ pinḍ do nonḍege hoyokʼa.”

Sereńko 66:13

Iń do jeredokʼ samaṅokʼakʼante amakʼ oṛakʼteń hijukʼa ar am ṭhen ińakʼ manotakʼkoń purạutińạ.

Sereńko 116:17

Iń do am lạgitʼge gun manaoren dãṛẽń samaṅama ar amakʼ sarhao iń lại sodora.