Dosar Biboron 11:25 - সান্তালী বাইবেল

²⁵ Jãhãn jạtrenge ape samaṅre bako teṅgo daram daṛeapea. Ar ona disạmre jãhãtegepe calakʼ aperen Probhu Isor do acʼakʼ gokʼakʼ lekate onḍenko hoṛkoakʼ monre ape reaṅ mitʼṭen botore caṛhao ocoytakoa.

Dosar Biboron 11:25 Referans Kwoze

Josuạ 1:5

Ar tinạkʼ din jiwetʼem tahen celege am upạrte do ohoko teṅgo daṛelena. Cetʼleka Mose sãoteń tahẽkan onkage am sãote hõń tahena; iń do tishõ bạń bạgi giḍimea ar bạń alaemea.

Dosar Biboron 7:24

Onkoren raj do apeakʼ tireye jimạyea ar ape do onkoakʼ ńutum dhạrti khonpe meṭao utạrtakoa. Cele hõ bako teṅgo daram daṛeapea; ape dope marao cabakoa.

Exodus 23:27

“Jãhae jạtrenko ṭhenpe calakʼre onkoakʼ monre iń reaṅ botoriń caṛhaoakoa ariń andmandao ocokoa. Ar aperen bạiriko do ape khonko ńir pharakokʼa.

Josuạ 5:1

Jordan gaḍa pạchim secʼren Amorikoren sanam rajko ar doreão aṛe reakʼ sanam Kanani rajko tinreko ańjomkeda, abo bon parom hijukʼre Probhu Isor cetʼleka jordan gaḍa reakʼ dakʼ, metakʼme Israelko samaṅ khone ańjetʼ ocoletʼ un khon onkoakʼ as do chuṭạuentakoa; Israelko samaṅre teṅgokʼ reakʼ dil ar do baṅ hoylentakoa.

Dosar Biboron 2:25

Teheń khon dhạrtiren sanam jạtrenko talare ape reaṅ mitʼṭecʼ botoriń caṛhao ocoytakoa. Onko do apeakʼ kathako ańjomle khan botorteko thar tharaokʼa ar ape iạte ạḍiko cintạkʼa.’

1 Bõsbudạ 14:17

Nonkate Dạudakʼ ńutum do goṭa disạm pasnao idiyentaea, ar Probhu Isor do sanam jạtrenko talare uni reaṅ mitʼṭecʼ botore rakapʼ ocoketʼtakoa.