Dosar Biboron 11:24 - সান্তালী বাইবেল

²⁴ Dạkhin reakʼ hahaṅkar khon Lebanon hạbicʼ ar Phurạt gaḍa khon jalapuri hạbicʼ jãhãrege jaṅga talkape dohoy onage apeakʼ hoyokʼa.

Dosar Biboron 11:24 Referans Kwoze

Josuạ 14:9

Ona iạte Mose enhilokʼ iń ṭhen okae gokʼletʼ tahẽkan, ‘am okaṭakʼ jaegam ńel ạguakatʼ ona do jaejug lạgitʼ am ar amren bõsrenkoakʼ sompotti lekatege tahena, ente am do ińren Probhu Isorakʼ katha purạtem manao ạguakada.’

Exodus 23:31

“Arakʼ jalapuri khon Palestain disạm reakʼ doreão hạbicʼ ar eṭakʼ secʼ do hahaṅkar khon Uphreṭis gaḍa hạbicʼ apeakʼ disạm reakʼ simạń dohoapea. Ar ona disạmre okoeko girobasokʼkan onko do apeakʼ tireń jimakoa ar ape do onkope laga ńirkoa.

1 Rapajko 4:21

Phurạt gaḍa khon ehopʼkate Misor ar Philisṭikoakʼ disạm reakʼ simạ hạbicʼ sanam rajosṭiko do Solomonakʼ gobolrege tahẽkana. Solomon tinạkʼ din jiwetʼe tahẽkan unạkʼ dinge niạko disạmren hoṛko do bhejako emaekan tahẽkana ar uni gobolreko tahẽkana.

2 Bõsbudạ 9:26

Uni do Phurạt gaḍa khon Philisṭikoakʼ disạm ar Misor disạm reakʼ simạ hạbicʼren rapajko cetanreye rajokʼkan tahẽkana.

1 Rapajko 4:24

Solomon do Phurạt gaḍa pạchim secʼ reakʼ sanam rajosṭiko, metatʼme Tipsa khon Gasa hạbicʼe rajokʼkan tahẽkana ar uniyakʼ rajosṭi reakʼ sanam jaegakore do suluk tahẽkana.

Dosar Biboron 1:7

Ńitokʼ do ḍera uṭhạukate Amorikoakʼ buru ṭoṭha ar ona aḍepase jaegaren hoṛko ṭhen calakʼpe. Onko do Arabare, usul burure, latar burure, Negebre ar doreão aṛereko girobasokʼ kana. Noako jaega do hoyokʼ kana Kananikoakʼ disạm Lebanon secʼte maraṅ gaḍa phurạt hạbicʼ sanam jaegakoge.

Dosar Biboron 1:8

Ńelpe, onako jaega doń emakawatʼpea. Iń Probhu Isor do aperen hapṛam Abraham, Isahak, Jakob ar onko tayom do onkoren bõsko oka disạm emako lạgitʼ iń kiriạlen onḍe senkate ape do ona disạm ạidạri joṅpe.’

Dosar Biboron 12:20

“Aperen Probhu Isor do acʼakʼ gokʼakʼ lekate apeakʼ disạm reakʼ simạnakoe phaelao ocoytapere men, ‘jel jojom sanayetʼlea,’ unre apeakʼ kusi leka jelpe jom daṛeakʼa.

Dosar Biboron 34:2

Napthali reakʼ sanam jaega, Ephrayim ar Manaseakʼ jaega ar pạchim secʼ jalapuri aṛe hạbicʼ Jihudạ reakʼ sanam jaegae udukʼadea.

Joel 2:20

“Utạr secʼ khon hijukʼkan lạṛhại phạdko do ape ṭhen khoniń sạṅgiń giḍikakoa; khaṅgoṭ ar jarkhar akan hahaṅkar jaega secʼ iń laga ńirkoa. Onko samaṅ secʼrenko do purub jalapurire ar onko tayom secʼrenko do pạchim jalapuriteń lagakoa. Onkoakʼ bạṛicʼ so do cetante rakapʼa ar seage so oḍokokʼa, ente onkoakʼ kạmi do bạḍạite perecʼge takoa.”