Dosar Biboron 11:2 - সান্তালী বাইবেল

² Teheń disạ dohokakʼpe, noako katha do ape ṭhengeń meneda, aperen hoponko ṭhen do baṅa, ente onko do aperen Isorakʼ benao rakapʼakʼ reakʼ do bako baḍaea ar ńelhõ bako ńelakada. Onko do uniyakʼ ṭhonok ar uniyakʼ daṛeanakʼ tiạrakatʼ ti hõ bako ńel akatʼtaea.

Dosar Biboron 11:2 Referans Kwoze

Aposkạmi 26:22

Menkhan Isor do teheń hạbicʼe goṛo akawạdińa ar onate nonḍe teṅgokate kạṭicʼ lạṭu sanamko ṭhen gohań emeda. Nạbiko ar Mose hõ okaṭakʼ hoyokʼgea menteko roṛakatʼ ona bahre do cetʼ hõ bạń roṛeda.

Kạhtukko 22:19

Probhu Isorre jemonem bhorsa daṛeakʼ onate iń do teheń, jotowakʼiń baḍae ocoketʼmea.

Dosar Biboron 29:10

“Teheń ape do sanamkoge Probhu Isor samaṅre hecʼkatepe teṅgo akana- aperen sordarko ar mukhiyạko, aperen murubbiko ar kạmiyạko ar eṭakʼ sanam Israelko hõ nonḍe menakʼkoa.

Dosar Biboron 9:26

Ar uni ṭhen noa menkateń koeleda, ‘E Probhu Isor am do amren hoṛko alom marao giḍikoa. Ente onko do amren hoṛ kangeako ar amge amakʼ maraṅ daṛetem chaḍao akatʼkoa ar amakʼ daṛeanakʼ tite Misor khonem oḍok ạgu akatʼkoa.

Dosar Biboron 8:19

“Ar jãhãtisokʼ aperen Isor hiṛińkate debotako secʼpe ạcurokʼte onkope sewawako, enḍekhan teheń ape upạrte noa katha do khạṭitegeń roṛeda, ape dope marao utạrokʼa.

Dosar Biboron 7:19

Aperen Probhu Isor do botoranakʼ biḍạu hotete, hahaṛa kạmi ar cinhạko hotete ar acʼakʼ daṛeanakʼ tite apeye oḍok ạguketʼpe ona do apeakʼ mẽtʼtegepe ńelakada. Ar ńitokʼ okoe jạtrenko ńeltepe botorokʼkan onko cetanrehõ unigeye onkaea.

Dosar Biboron 5:24

Unre ape dope menleda, ‘aboren Probhu Isor do acʼakʼ ṭhonok ar daṛeye ńel ocoketʼbona ar seṅgel tala khon uniyakʼ aṛaṅle ańjomakada. Teheń ale dole bujhạu daṛeakʼkana, Isor jãhãe ṭhen kathae roṛle khan hõ uni do jiwetʼe tahẽdaṛeakʼa mente.

Dosar Biboron 4:34

Ape do kuli joṅpe, aperen Probhu do apeakʼ mẽtʼ samaṅre Misor disạmre ape lạgitʼ okae cekaletʼ onka jãhãn debota jãhãtisokʼ biḍạu hotete, hahaṛa kạmi hotete, cinhạ kạmikote, lạṛhại talate, keṭecʼ ar daṛeanakʼ tite ar maraṅ ar botoranakʼ kạmiko hotete jãhãn jạtren hoṛko eṭakʼ jạtrenko tala khon apnar lạgitʼe oḍok ạgu akatʼkoa se baṅa.

Dosar Biboron 3:24

‘E Probhu Isor, am do maraṅ arem daṛeangea ar amren guti onam udukʼae kana. Serma ar dhạrtire okoe debota menakʼkoa, amem kạmikanakʼkoe kạmi daṛeke ar amem udukʼ akatʼ daṛekoe udukʼ daṛeke?

Sereńko 136:12

Uni do kuṭhin ar daṛeanakʼ tite onkoe oḍok ạguletʼkoa; uniyakʼ dulạṛ do jaejuggetaea.

Jesaea 53:5

Aboakʼ kại gunạkʼtege uni doe ghạl ocolena; aboakʼ ghạtko iạtege uni doe talga tạuạkʼ ocoyena. Okaṭakʼ sạjại hotete abore suluk hecʼakan ona sạjại do unigeye em ocoyena, ar uniyakʼ dal ur iạte abo do bon bogeyena.

Exodus 6:6

Onate Israelkom lạiyakoa, Probhu Isore meneda, ‘Iń doń Probhu Isor kana. Misorrenkoakʼ bojhatepe ten akan khoniń oḍok ạgupea. Ar golam reakʼ ti khoniń bańcaopea. Ti tiạrkate onko do bebạṛicʼ iń sạjạikoa ariń chaḍaopea.

Josuạ 24:31

Josuạ tinạkʼ din jiwetʼe tahẽkan ar ona tayom dinkore okoeko murubbiko jiwetʼko tahẽkan unạkʼ din Israelko do Probhu Isorko sewawadea. Israelko lạgitʼ Probhu Isor oka bhageakʼkoe kạmiletʼ ona do onkoren murubbiko hõko ńelleda.