Dosar Biboron 11:18 - সান্তালী বাইবেল

¹⁸ Apeakʼ mon ar ontorre ińakʼ noako kathape rebetʼ dohokakʼa, ar disạ dohoy reakʼ cinhạ lekate tire hõpe tolkakʼa ar mạndạli leka cạndirepe dohoya.

Dosar Biboron 11:18 Referans Kwoze

Kolossiko lạgitʼ Pạul Apostolakʼ ciṭhi 3:16

Mạsiyakʼ katha apeakʼ ontorre purạte girobas ocowakʼpe. Isorakʼ akelte lại cecetʼ ar sipikhạukʼpe, sereńko, sarhao sereńko ar Jiuteakʼ õṛhẽyakʼkote apeakʼ ontorre Isor gun manao tulucʼ sereńaepe.

Kạhtukko 3:1

E bạbu, ińakʼ sikhnạt do alom hiṛińa, amakʼ goṭa ontorre ińakʼ hukumko dohoyme;

Sereńko 119:11

Amakʼ katha do ińakʼ ontorreń dohoakada, jemon am upạrte aloń kại.

2 Patras 1:12

Onate noako reaṅ iń do jaogeń disạ ocoyetʼpea. Menkhan ape do noakope baḍaegea ar oka sạritetʼ apeakʼ ontorre menakʼ onare hõ kajak menakʼpea.

Exodus 13:9

Nonkate Probhu Isorakʼ emakʼ noa hukum reakʼ kathape cetʼakoa. Noa niạm manao do nonkan mitʼṭecʼ cinhạ hoyokʼa one ona do ti ar moloṅ reakʼ cinhạ lekae disạ ocopea, Probhu Isor do acʼakʼ daṛete Misor disạm khone oḍok ạguakatʼpea.

Ibriko 2:1

Onate oka bon ańjomakatʼ ona manao lạgitʼ arhõ moneyakʼ lek tabona, jemon ona khon alo bon pharakokʼ.

Exodus 13:16

Noa do nonkan mitʼṭecʼ cinhạ hoyokʼa oka do ti ar moloṅ reakʼ cinhạ lekae disạ ocomea, Probhu Isor do acʼakʼ daṛete Misor disạm khone oḍok ạguketʼbona.’ ”

Mathae 23:5

Hoṛko ṭhen ńelocokʼ lạgitʼ onko do sanamakʼko kạmiyeda. Sonot sostor reakʼ olakʼ tạbijkoko lạṭuiyeda ar dhorom ńel ocokʼ lạgitʼ oyonakʼ reakʼ ańcarkore jeleń jeleńko dạsiyeda.

Kạhtukko 3:3

Pạtiạr ar dhorom do tishõ aloe bạgiwam ma; amakʼ hoṭokʼre onako bedhao dohokakʼme, ar amakʼ ontorre hõ ol dohokakʼme.

Jirimiạ 32:39

Iń do nonkan mon ar ontoriń emakoa onko do eken iń secʼgeko ạwilokʼa; onate onko do ako apnarte ar onkoren hopon ar hoponerakoakʼ bhạlại lạgitʼ jao okte ińko botorạńạ.