Dosar Biboron 11:17 - সান্তালী বাইবেল

¹⁷ Onate Probhu Isor do ape cetanre edrete pit caṛhaokʼtaea ar serma reakʼ duạrkoe bond ocoya, onate dakʼ hõ bae kola ar jumire phosol hõ baṅ hoyokʼa. Ar okaṭakʼ mońj disạm Probhu Isorre emape lạgidokʼkan onḍe thoṛa dintegepe marao utạrokʼa.

Dosar Biboron 11:17 Referans Kwoze

1 Rapajko 8:35

“Am birudre amren hoṛkoakʼ kại gunạkʼte tinre rimil esedokʼte bae daga unre onko do niạ jaegare ruạṛkate amko sarhaome ar am ṭhenko koejoṅ ar akoakʼ kại khonko ruạṛokʼ,

Amos 4:7

Irokʼ din pe cando ạuri tiyogokʼrege iń do ape cetanre jạṛi dakʼ iń akoṭkeda. Mitʼṭecʼ atore jạṛi dakʼ kolkate eṭakʼ atore do bạń dakʼ ocowada. Mitʼṭecʼ khet do dakʼte lohotʼena, ar eṭakʼ khet do dakʼ begorte khaṅgoṭena.

2 Bõsbudạ 6:26

“Am upạrte amren hoṛkoakʼ kại gunạkʼte tinre rimil esedokʼte bae daga unre onko do niạ jaegare ruạṛkate amko sarhaome ar am ṭhenko koejoṅ ar kosṭo iạte kại khonko ruạṛokʼ,

Dosar Biboron 6:15

ente ape talare aperen okoe Isor menae uni do ãṭicʼ Isor kanae; ar debotakope pańjaleko khan uni do ape upạrteye edre seṅgelokʼa, ar dhạrti khone marao giḍikapea.

Dosar Biboron 4:26

enḍekhan teheńge iń do un okte lạgitʼ serma ar ot do ape upạrte goha dohokateń meneda, ape do jordan gaḍa paromkate okaṭakʼ disạmpe ạidạri lạgidokʼkan ona disạmre thoṛa dintegepe ses utạrokʼa. Ar onḍe ḍher din do bape girobas daṛeakʼa, khạṭigepe marao utạrokʼa.

2 Bõsbudạ 7:13

“Iń do tinre sermań bonda ar dakʼ bạń emokʼa, se disạm ḍahao marao lạgitʼ pohokoń hukumako, se ińren hoṛko talare moṛokiń kola,

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

Dosar Biboron 9:19

Iń do Probhu Isorakʼ edre iạteń botorena, ente marao giḍikape leka uni doe edre seṅgellena. Menkhan niạ dhao hõ Probhu Isor do ińakʼ kathae ańjomkeda.

Dosar Biboron 31:20

Onkoren hapṛamko ṭhen gokʼakʼ ona toa ar dumur rasa ạtukʼkan disạmte tinreń idikoa ar tinre lacʼ bikʼko joma arko tirpitokʼa unre onko do eṭakʼ debota secʼko ạcurokʼte, onkoko ḍobokʼakoa ar ińko nihạ̃tińa ar ińakʼ bondobosko rạpuda.

Jobakʼ 12:15

Uni do dakʼe akoṭ ocole khan akal hoyokʼa; ar onae jhicʼle khan disạm do ḍahao maraokʼa.

Levitikus 26:19

Iń do apeakʼ daṛe reakʼ bạḍạigeń rạputʼ giḍitapea. Ar apeakʼ bohokʼ cetan reakʼ rimil do mẽṛhẽtʼ leka ar jaṅga latar reakʼ ot do pitạl lekań keṭecʼ ocoya.

Levitikus 26:20

Unre ape do ạuṛiyakʼpe khaṭao gujukʼa. Unre apeakʼ jumikore jãhãn phosolge baṅ hoyokʼa, ar darekore hõ baṅ jokʼa.