Dosar Biboron 11:13 - সান্তালী বাইবেল

¹³ “Ape do aperen Probhu Isorpe dulạṛea ar goṭa mon ar ontorte uni sewawae reakʼ okaṭakʼ iń hukum akatʼpe ona pạtiạr salakʼpe manaoa.

Dosar Biboron 11:13 Referans Kwoze

Dosar Biboron 10:12

“E Israel, amren Probhu Isor do am ṭhen khon ńit cetʼe khojkana? Uni doe khojkana jemon amren Isorem botorae ar uniyakʼ sanamakʼ hortem taṛam, unim dulạṛe ar amakʼ goṭa monte ar amakʼ goṭa jiwite unim sewawae, ar amakʼ bhạlại lạgitʼ teheń am ṭhen Probhu Isorakʼ okako hukum ar niạmiń emokʼkan ona baṛe dohoyme.

Dosar Biboron 4:29

Menkhan ape do aperen Probhu Isor secʼ monpe ạcurtapea ar onate unipe ńamea, tobe apeakʼ goṭa mon, goṭa jiwi ar ontorte unipe sendrayea.

Dosar Biboron 11:8

“Ar okaṭakʼ disạm dokhol lạgitʼ ape do jordan gaḍape parom lạgidokʼkan onḍe senkate jemon onape dokhol daṛeakʼ ar Probhu Isor aperen hapṛamko ṭhen toa ar dumur rasate perecʼ okaṭakʼ disạm emako reakʼe gokʼletʼ tahẽkana onḍe ḍher din jemon jiwetʼpe tahen onate teheń okań hukumapekan onape manaoa.

Dosar Biboron 6:17

Aperen Probhu Isor oka hukumko ar sontor tahen reakʼ katha ar niạmkoe emakan ona do khạṭige manao hoyokʼtapea.

Sereńko 119:4

Am do ạn ạrikom ṭhik dohoakada jemon joton salakʼ onale manao.

Dosar Biboron 11:22

“Ape do aperen Probhu Isor dulạṛepe, ar uniyakʼ horte calakʼpe ar unire sapʼ kajak akae tahente okako hukumiń emapekan ona joton salakʼ manaope.

Levitikus 26:3

“Ińakʼ sanam niạmkope manao ar ińakʼ hukum lekape senokʼ enḍekhan iń do okte nạpitre dakʼ iń kolapea. Onate apeakʼ jumire purạ phosolpe ńama ar dareko hõ jo bahakʼ tapea.

Dosar Biboron 7:12

“Ar niạko niạm secʼpe moneyakʼ ar joton salakʼ onape manao, enḍekhan aperen Probhu Isor do aperen hapṛamko ṭhen okae gokʼletʼ ar ape lạgitʼ okae bondobos akatʼ onae rukhiyạitaea are dulạṛpea.

Dosar Biboron 11:1

“Aperen Probhu Isor dulạṛepe ar uni okae khojkan ona baṛe kạmipe ar uniyakʼ niạmko, hukumko bataotaepe.

Dosar Biboron 28:1

“Aperen Probhu Isorakʼ purạ batao akaepe tahen ar teheń okań hukumapekan ona joton salakʼpe dohoy, enḍekhan dhạrtiren eṭakʼ jạtrenko khon ape doe usulpea:

1 Rapajko 3:3

Solomon do Probhu Isore dulạṛedekan tahẽkana, onate acʼren apattetʼ Dạudakʼ hukum lekageye senokʼkan tahẽkana; menkhan uni do than boṭkocʼkore janwarkoe dãṛẽyetʼko tahẽkana ar dhupe jeretʼetʼ tahẽkana.

Sereńko 119:2

Bhạgangeako onko do, okoe uniyakʼ kathako ańjometʼkan ar goṭa ontorte uniyakʼ sana lekako calakʼkan.

Jirimiạ 17:24

Menkhan ape do sontorkate ińakʼ katha lekape calakʼ ar jirạukʼ mãhãre nagraha reakʼ phaṭok duạrte jãhãn bojha bape ạgui ar jirạukʼ mãhãre jãhãnakʼ baṅ kạmikate iń ńutumtepe begar dohoy,

Jeheskel 34:26

Iń do onkoń bhorakoa ar ińakʼ buru reakʼ beṛhaeteakʼ ṭhạ̃iko hõń bhorakʼa. Iń do okte nạpitre dakʼ iń kola; ar ona do ạsirbad reakʼ dakʼge hoyokʼa.