Dosar Biboron 11:1 - সান্তালী বাইবেল

¹ “Aperen Probhu Isor dulạṛepe ar uni okae khojkan ona baṛe kạmipe ar uniyakʼ niạmko, hukumko bataotaepe.

Dosar Biboron 11:1 Referans Kwoze

Dosar Biboron 6:5

Ape do apeakʼ goṭa ontorte, goṭa jiwite, goṭa daṛete aperen Probhu Isor dulạṛepe.

Dosar Biboron 10:12

“E Israel, amren Probhu Isor do am ṭhen khon ńit cetʼe khojkana? Uni doe khojkana jemon amren Isorem botorae ar uniyakʼ sanamakʼ hortem taṛam, unim dulạṛe ar amakʼ goṭa monte ar amakʼ goṭa jiwite unim sewawae, ar amakʼ bhạlại lạgitʼ teheń am ṭhen Probhu Isorakʼ okako hukum ar niạmiń emokʼkan ona baṛe dohoyme.

Sakariạ 3:7

“Phạdkoren Probhu Isor do ame metamkana, ‘am do ińakʼ hortem senlen khan arem sapʼsorạń khan tobe do ińakʼ oṛakʼ reakʼ jotowakʼem ạyura ar ińakʼ khạrại ńel todarot reakʼ bharem ńama, ar okoe nonḍeko teṅgo akan onko leka iń samaṅre hijukʼ reakʼ ạidạriń emama.

Levitikus 8:35

Ar jemon alope gujukʼ onate teheń khon eae din hạbicʼ siń ńindạ ńapamokʼ tạmbu bhitrirepe tahena ar Probhu Isorakʼ khojakʼ lekape kạmiya. Ente iń do noa hukumgeń ńam akada.”

Sereńko 116:1

Iń do Probhu Isorgeń dulạṛ edekana, ente uni do ińakʼ nehõre ańjom akatʼtińạ.

Sereńko 105:45

Jemon onko do uniyakʼ niạmko manao ar uniyakʼ ạn lekako calao daṛeakʼ. Probhu Isorakʼge sarhao hoyokʼtae ma.

Dosar Biboron 6:1

“Aperen Probhu Isor do niạko hukum ar ạn-ạriko cetʼape lạgitʼ ińe hukum akawadińạ, jemon jordan gaḍa paromkate okaṭakʼ disạm ạidạri lạgitʼpe calakʼkan onḍe onape manao idiy.

Dosar Biboron 4:40

Ape ar ape tayom aperen hoponko jemon bhạlại hoyokʼtako ar aperen Probhu Isor okaṭakʼ disạm jaejug lạgitʼe emape lạgidokʼ kan onare jemon ḍher din jiwetʼpe tahẽdaṛeakʼ onate iń do onako ạn-ạri ar hukumkoń emape kana onako manao idipe baṛe.”

Dosar Biboron 4:5

“Ińren Probhu Isorakʼ hukum bataokate ape hõ ạn-ạrikoń cetʼ akawatʼpea; jemon oka disạm ạidạri lạgitʼpe calakʼkan ona disạmre onape manao daṛeakʼ. Ar joton salakʼ onakope manao idiy.

Dosar Biboron 4:1

“E Israelko, iń okaṭakʼ niạm ar ạn-ạriko cetʼapeń menetʼkan ona ńitokʼ ańjompe. Ape do noako manao idiy hoyokʼtapea jemon jiwetʼpe tahen ar aperen hapṛamkoren Probhu Isor okaṭakʼ disạme emape lạgidokʼkan onḍe senkatepe ạidạri joṅ.

Levitikus 18:30

Ińakʼ hukumko senakʼpe ar onḍe seṭerkate lahaten hoṛko leka do alope colona. Ar noako kạmikate alope besapha ocokʼa. Ar iń kangeạń aperen Probhu Isor do.”

Levitikus 22:9

“Naekeko okań hukum akatʼko ona do manao hoyokʼtakoa. Ar bako manao khan onko do dusiko hoyokʼa ar besapha iạteko gujukʼa. Iń Probhu Isorge onko doń begar dohoakatʼkoa.

Dosar Biboron 5:29

Ińko botorạń ar ińakʼ sanam hukumko dohoy lạgitʼ jaejug onkoakʼ mon baṛe nonkage tahentakoma. Onate onko ar onkoren hoponko do jaejug hạbicʼ bhạlại hoyokʼtakoa.

Dosar Biboron 11:13

“Ape do aperen Probhu Isorpe dulạṛea ar goṭa mon ar ontorte uni sewawae reakʼ okaṭakʼ iń hukum akatʼpe ona pạtiạr salakʼpe manaoa.

Dosar Biboron 11:22

“Ape do aperen Probhu Isor dulạṛepe, ar uniyakʼ horte calakʼpe ar unire sapʼ kajak akae tahente okako hukumiń emapekan ona joton salakʼ manaope.

Jeheskel 20:19

Iń do arhõń metatʼkoa, iń kangeạń onkoren Probhu Isor do, onate jemon ińakʼ niạmko pańjae ar ińakʼ ạn-ạri lekako taṛam.

Dosar Biboron 5:1

Mose do sanam Israelko hohoatʼkoteye metatʼkoa, “E Israelko, teheń ape ṭhen okako niạm ar hukumiń sodoretʼkan ona baṛe ańjompe. Ar onako cetʼ dohokakʼpe ar joton salakʼ manao idiype.

Dosar Biboron 13:4

Ape do aperen Probhu Isorakʼ katha leka calakʼ hoyokʼtapea ar uni botorae hoyokʼtapea. Ape do uniyakʼ hukumkope manaoa arpe bataotaea; unipe sewawaea ar unirege jamaṛ akaepe tahena.

Dosar Biboron 27:10

Ape do uniyakʼ bataotaepe. Ar teheń okako hukum ar ạn-ạrikoń emapekan ona dohoype.”

Dosar Biboron 30:6

Ar jemon apeakʼ goṭa mon ar ontorte unipe dulạṛete jiwetʼpe tahen ona lạgitʼ ape ar aperen bõsko ontorreye khatna ocopea.